Virat Kohli – ಇದು ರನ್ ಬೇಟೆಯಲ್ಲ.. ದಾಖಲೆಗಳ ಬೇಟೆ
ಪ್ರಸ್ತುತ ಟಿ 20 ವಿಶ್ವಕಪ್ ನಲ್ಲಿ ವಿರಾಟ್ ಕೊಹ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. ಮೊದಲ ಪಂದ್ಯದಲ್ಲಿ ಬದ್ಧ ವೈರಿ ಪಾಕಿಸ್ತಾನ ವಿರುದ್ಧ ಅಜೇಯ 82 ರನ್, ನೆದರ್ ಲೆಂಡ್ ವಿರುದ್ದ 62 ರನ್, ಬಾಂಗ್ಲಾ ವಿರುದ್ಧವೂ ಅರ್ಧ ಶತಕ ಸಿಡಿಸಿದ್ದಾರೆ. ಸದ್ಯ ವಿರಾಟ್ ಮೆಗಾ ಟೂರ್ನಿಯ ಟಾಪ್ ರನ್ ಸ್ಕೋರರ್ ಆಗಿದ್ದಾರೆ. ಬಾಂಗ್ಲಾದೇಶದ ವಿರುದ್ಧ ಮತ್ತೆ ಅದ್ಭುತ ಪ್ರದರ್ಶನ ನೀಡಿದ ವಿರಾಟ್ ಕೊಹ್ಲಿ, ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.
ಚುಟುಕು ಕ್ರಿಕೆಟ್ ನ ವಿಶ್ವಕಪ್ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ವಿರಾಟ್ ಕೊಹ್ಲಿ. ಹೌದು.. ! ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ 16 ರನ್ ಗಳಿಸಿದ್ದಾಗ ವಿರಾಟ್ ಈ ಸಾಧನೆ ಮಾಡಿದರು. ಇಲ್ಲಿಯವರೆಗೂ ಶ್ರೀಲಂಕಾ ಮಾಜಿ ನಾಯಕ ಮಹೇಲಾ ಜಯವರ್ದನೆ ಮೊದಲ ಸ್ಥಾನದಲ್ಲಿದ್ದರು. ಮಹೇಲಾ ವಿಶ್ವಕಪ್ ನಲ್ಲಿ 1016 ರನ್ ಗಳಿಸಿದ್ದರು. ವಿರಾಟ್ ಕೊಹ್ಲಿ ಈಗ 1065 ರನ್ ಗಳಿಸಿ ಮೊದಲ ಸ್ಥಾನದಲ್ಲಿದ್ದಾರೆ.
ಅದೇ ರೀತಿಯಲ್ಲಿ ಅಂತಾರಾಷ್ಟ್ರೀಯ ಟಿ 20 ಕ್ರಿಕೆಟ್ ನಲ್ಲಿ ಅತ್ಯಧಿಕ ರನ್ ಗಳಿಸಿದ ಕ್ರಿಕೆಟರ್ ಗಳ ಪಟ್ಟಿಯಲ್ಲಿ ವಿರಾಟ್ ಟಾಪ್ ರ್ಯಾಂಕ್ ನಲ್ಲಿದ್ದಾರೆ. ಇಲ್ಲಿಯವರೆಗೂ ವಿರಾಟ್ ಕೊಹ್ಲಿ 113 ಟಿ 20 ಪಂದ್ಯಗಳನ್ನಾಡಿದ್ದು, 3932 ರನ್ ದಾಖಲಿಸಿದ್ದಾರೆ. ರೋಹಿತ್ ಶರ್ಮಾ 146 ಪಂದ್ಯಗಳಲ್ಲಿ 3811 ರನ್ ಗಳಿಸಿದ್ದಾರೆ.
ಆಸ್ಟ್ರೇಲಿಯಾ ನೆಲದಲ್ಲಿ ಅತ್ಯಧಿಕ ರನ್ ಗಳಿಸಿದ ಭಾರತೀಯ ಆಟಗಾರರಾಗಿ ವಿರಾಟ್ ಕೊಹ್ಲಿ ನಿಂತಿದ್ದಾರೆ. ಇಲ್ಲಿಯರೆಗೂ ವಿರಾಟ್ ಆಸೀಸ್ ನೆಲದಲ್ಲಿ 3350 ರನ್ ಗಳಿಸಿದ್ದಾರೆ. ಈ ಇದಕ್ಕೂ ಮೊದಲು ಸಚಿನ್ ಹೆಸರಲ್ಲಿ ಈ ದಾಖಲೆ ಇತ್ತು. ಸಚಿನ್ ಆಸೀಸ್ ನೆಲದಲ್ಲಿ 3300 ರನ್ ಗಳಿಸಿದ್ದಾರೆ.
ಅದೇ ರೀತಿ ವಿಶ್ವಕಪ್ ಗಳಲ್ಲಿ ಮೂರಕ್ಕಿಂತ ಹೆಚ್ಚು ಅರ್ಧಶತಕಗಳನ್ನು ಸಿಡಿಸಿದ್ದು ಇದು ಮೂರನೇ ಬಾರಿ. ವಿರಾಟ್ ಕೊಹ್ಲಿ 2014, 2016 ರಲ್ಲಿ ಈ ಸಾಧನೆ ಮಾಡಿದ್ದರು.
ಇದು ಮಾತ್ರವಲ್ಲದೇ ಟಿ 20 ವಿಶ್ವಕಪ್ ಇತಿಹಾಸದಲ್ಲಿ ಅತ್ಯಧಿಕ ಮ್ಯಾನ್ ಆಫ್ ದಿ ಮ್ಯಾಚ್ ಅವಾರ್ಡ್ ಗಳನ್ನು ಪಡೆದುಕೊಂಡ ಕ್ರಿಕೆಟರ್ ಆಗಿ ವಿರಾಟ್ ದಾಖಲೆ ನಿರ್ಮಿಸಿದ್ದಾರೆ.
