212ಕ್ಕೂ ಹೆಚ್ಚಿನ ದೇಶಗಳಲ್ಲಿ ಲಸಿಕೆ ವಿತರಣೆ – 60 % ರಷ್ಟು ಭಾರತ, ಚೀನಾ, ಅಮೆರಿಕಾಕ್ಕೆ ವಿತರಣೆ : ವಿಶ್ವ ಆರೋಗ್ಯ ಸಂಸ್ಥೆ
ವಿಶ್ವಸಂಸ್ಥೆ : ವಿಶ್ವಾದ್ಯಂತ ಕೊರೊನಾ ಮಹಾಮಾರಿ ಇನ್ನಿಲ್ಲದಂತೆ ಅಟ್ಟಹಾಸ ಮೆರೆದಿದ್ದು, ಈವರೆಗೆ ವಿಶ್ವಾದ್ಯಂತ ಲಕ್ಷಾಂತರ ಜನರು ಸಾವನಪ್ಪಿದ್ಧಾರೆ. ಕೋಟ್ಯಾಂತರ ಜನರು ಸೋಂಕಿಗೆ ಗುರಿಯಾಗಿದ್ದಾರೆ. ಮತ್ತೊಂದೆಡೆ ಲಸಿಕೆ ಅಬಿಯಾನವೂ ಭರದಿಮದ ಸಾಗುತ್ತಿದೆ.
ಈ ನಡುವೆ ವಿಶ್ವಾದ್ಯಂತ 200 ಕೋಟಿ ಕೋವಿಡ್-19 ಲಸಿಕಾ ಡೋಸ್ಗಳನ್ನ ವಿತರಣೆ ಮಾಡಲಾಗಿದೆ. ಈ ಪೈಕಿ ಸುಮಾರು 60 ಶೇಕಡ ಅಮೆರಿಕ, ಭಾರತ ಮತ್ತು ಚೀನಾ- ಈ ಮೂರು ದೇಶಗಳಿಗೆ ಹೋಗಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮಹಾನಿರ್ದೇಶಕ ಟೆಡ್ರಾಸ್ ಅದನಾಮ್ ಗೇಬ್ರಿಯೇಸಸ್ ರ ಹಿರಿಯ ಸಲಹೆಗಾರ ಬ್ರೂಸ್ ಐಲ್ವಾರ್ಡ್ ಹೇಳಿದ್ದಾರೆ.
ಜಗತ್ತಿನಾದ್ಯಂತ ಉತ್ಪಾದನೆಯಾಗುತ್ತಿರುವ ಕೋವಿಡ್-19 ಲಸಿಕಾ ಡೋಸ್ಗಳ ಸಂಖ್ಯೆ ಈ ವಾರ 200 ಕೋಟಿಯನ್ನು ದಾಟುವುದನ್ನು ನಾವು ನೋಡಲಿದ್ದೇವೆ. ಅವುಗಳನ್ನು 212ಕ್ಕೂ ಹೆಚ್ಚಿನ ದೇಶಗಳಲ್ಲಿ ವಿತರಿಸಲಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಮಾಹಿತಿ ನೀಡಿದೆ.
ಈ 200 ಕೋಟಿ ಡೋಸ್ಗಳ ಪೈಕಿ 75 ಶೇಕಡಕ್ಕೂ ಅಧಿಕ ಭಾಗ ಕೇವಲ 10 ದೇಶಗಳಿಗೆ ಹೋಗಿವೆ. 60 ಶೇಕಡ ಚೀನಾ, ಅಮೆರಿಕ ಮತ್ತು ಭಾರತ- ಈ ಮೂರು ದೇಶಗಳಿಗೆ ಹೋಗಿವೆ ಎಂದು ತಿಳಿಸಿದೆ. 127 ದೇಶಗಳಿಗೆ ಕೋವಿಡ್-19 ಲಸಿಕೆಗಳನ್ನು ವಿತರಿಸುವಲ್ಲಿ ಹಾಗೂ ಹಲವಾರು ದೇಶಗಳು ತಮ್ಮ ಲಸಿಕಾ ಅಭಿಯಾನಗಳನ್ನು ಆರಂಭಿಸುವಂತೆ ಮಾಡುವಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ ‘ಕೋವ್ಯಾಕ್ಸ್’ ಕಾರ್ಯಕ್ರಮ ಪ್ರಮುಖ ಪಾತ್ರ ವಹಿಸಿದೆ ಎಂದು ತಿಳಿಸಿದೆ.
