ಈ ರಾಜ್ಯಗಳಲ್ಲಿ ಪುರುಷರಿಗಿಂತ ಹೆಚ್ಚಾಗಿ ಮಹಿಳೆಯರೇ ಇತರರೊಂದಿಗೆ ದೈಹಿಕ ಸಂಪರ್ಕ ಹೊಂದಿದ್ದಾರೆ – NFHS
ಭಾರತದ 11 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಸರಾಸರಿಯಾಗಿ ಮಹಿಳೆಯರು ಪುರುಷರಿಗಿಂತ ಹೆಚ್ಚಾಗಿ ಇತರರೊಂದಿಗೆ ದೈಹಿಕ ಸಂಬಂಧ ಹೊಂದಿದ್ದಾರೆ ಎಂದು ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ ಬಹಿರಂಗಪಡಿಸಿದೆ. ಆದರೂ NFHS ದತ್ತಾಂಶದ ಪ್ರಕಾರ, ತಮ್ಮ ಸಂಗಾತಿಯಲ್ಲದ ಅಥವಾ ಜೊತೆಯಲ್ಲಿಯೂ ವಾಸಿಸದ, ಇತರ ವ್ಯಕ್ತಿಗಳೊಂದಿಗೆ ಲೈಂಗಿಕ ಸಂಬಂಧ ಹೊಂದಿರುವ ಪುರುಷರ ಸಂಖ್ಯೆ ಶೇಕಡಾ 4 ರಷ್ಟಿದೆ, ಇದು ಮಹಿಳೆಯರಲ್ಲಿ ಕೇವಲ ಶೇಕಡಾ 0.5 ರಷ್ಟಿದೆ.
1.1 ಲಕ್ಷ ಮಹಿಳೆಯರು ಮತ್ತು 1 ಲಕ್ಷ ಪುರುಷರ ಮೇಲೆ ರಾಷ್ಟ್ರೀಯ ಕುಟುಂಬ ಆರೋಗ್ಯ ಇಲಾಖೆ ನಡೆಸಿದ ಸಮೀಕ್ಷೆಯಲ್ಲಿ ಅನೇಕ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಪುರುಷರಿಗಿಂತ ಹೆಚ್ಚಾಗಿ ಮಹಿಳೆಯರರು ಅನೇಕರೊಂದಿಗೆ ದೈಹಿಕ ಸಂಬಂಧ ಹೊಂದಿದ್ದಾರೆ ಎಂದು ತಿಳಿದುಬಂದಿದೆ.
ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪಟ್ಟಿ..
ರಾಜಸ್ಥಾನ
ಹರಿಯಾಣ
ಚಂಡೀಗಢ
ಜಮ್ಮು ಮತ್ತು ಕಾಶ್ಮೀರ
ಲಡಾಖ್
ಮಧ್ಯಪ್ರದೇಶ
ಅಸ್ಸಾಂ
ಕೇರಳ
ಲಕ್ಷದ್ವೀಪ
ಪುದುಚೇರಿ
ತಮಿಳುನಾಡು
ರಾಜಸ್ಥಾನದ ಮಹಿಳೆಯರು ಸರಾಸರಿಯಲ್ಲಿ 3.1 ಸಂಬಂಧ ಹೊಂದಿದ್ದಾರೆ ಎಂದು ಸಮೀಕ್ಷೆ ತಿಳಿಸಿದೆ. ಪುರುಷರಲ್ಲಿ ಸರಾಸರಿ 1.8 ರಷ್ಟಿದೆ. ಆದರೆ ತಮ್ಮ ಸಂಗಾತಿ ಅಥವಾ ಲಿವ್-ಇನ್ ರಿಲೇಷನ್ ಶಿಪ್ ನಲ್ಲಿ ಇಲ್ಲದವರ ಜೊತೆ ಲೈಂಗಿಕ ಸಂಬಂಧ ಹೊಂದಿದ ಪುರುಷರ ಸಂಖ್ಯೆ ಶೇಕಡಾವಾರು 4 ರಷ್ಟಿದೆ. ಮಹಿಳೆಯರಲ್ಲಿ ಈ ಸಂಖ್ಯೆಯು ಶೇಕಡಾ 0.5 ರಷ್ಟಿದೆ.
ಸಮೀಕ್ಷೆ ಮತ್ತು ಅದರ ಮಹತ್ವ
2019-21ರ ಅವಧಿಯಲ್ಲಿ ನಡೆಸಿದ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ-5, 28 ರಾಜ್ಯಗಳು ಮತ್ತು ಎಂಟು ಕೇಂದ್ರಾಡಳಿತ ಪ್ರದೇಶಗಳಿಂದ ದೇಶದ 707 ಜಿಲ್ಲೆಗಳನ್ನು ಸಮೀಕ್ಷೆ ನಡೆಸಿದೆ. ರಾಷ್ಟ್ರೀಯ ವರದಿಯು ಸಾಮಾಜಿಕ-ಆರ್ಥಿಕ ಮತ್ತು ಇತರ ಹಿನ್ನೆಲೆ ಗುಣಲಕ್ಷಣಗಳ ಮೂಲಕ ಡೇಟಾವನ್ನು ಒದಗಿಸುತ್ತದೆ, ನೀತಿ ನಿರೂಪಣೆ ಮತ್ತು ಪರಿಣಾಮಕಾರಿ ಕಾರ್ಯಕ್ರಮ ಅನುಷ್ಠಾನಕ್ಕೆ ಉಪಯುಕ್ತವಾಗಿದೆ.
Women Have More Sex Partners Than Men in THESE 11 States/UTs: National Family Health Survey
