ಹೀಗೊಂದು ವಿಶ್ವ ದಾಖಲೆ…4 ಓವರ್, 4 ಮೇಡನ್, 2 ವಿಕೆಟ್.. ಮ್ಯಾಜಿಕ್ ಬೌಲರ್ ಅಕ್ಷಯ್…!

1 min read
Akshay saaksha tv

ಹೀಗೊಂದು ವಿಶ್ವ ದಾಖಲೆ…4 ಓವರ್, 4 ಮೇಡನ್, 2 ವಿಕೆಟ್.. ಮ್ಯಾಜಿಕ್ ಬೌಲರ್ ಅಕ್ಷಯ್…!

ಸಯ್ಯದ್ ಮುಷ್ತಾಕ್ ಆಲಿ ಕ್ರಿಕೆಟ್ ಟೂರ್ನಿಯಲ್ಲಿ ಅಪರೂಪದ ವಿಶ್ವ ದಾಖಲೆಯೊಂದು ನಿರ್ಮಾಣವಾಗಿದೆ.

ವಿದರ್ಭ ತಂಡದ ಸ್ಪಿನ್ನರ್ ಅಕ್ಷಯ್ ಕರ್ನೆವಾರ್ ಅವರು ಟಿ-ಟ್ವೆಂಟಿ ಕ್ರಿಕೆಟ್ ನಲ್ಲಿ ಈ ಅಪರೂಪದ ದಾಖಲೆ ಬರೆದ ಆಟಗಾರ.

29ರ ಹರೆಯದ ಅಕ್ಷಯ್ ಕರ್ನೆವಾರ್ ಅವರು ಎಡಗೈ ಆಫ್ ಸ್ಪಿನ್ ಮತ್ತು ಬಲಗೈ ಸ್ಪಿನ್ ಮೂಲಕ ಎದುರಾಳಿ ಮಣಿಪುರ ತಂಡದ ಬ್ಯಾಟ್ಸ್ ಮೆನ್ ಗಳನ್ನು ಗಲಿಬಿಲಿಗೊಳಿಸಿದ್ದಾರೆ.

ಹೌದು, ಮಣಿಪುರ ವಿರುದ್ಧದ ಟಿ- ಟ್ವೆಂಟಿ ಪಂದ್ಯದಲ್ಲಿ ಅಕ್ಷಯ್ ಕರ್ನೆವಾರ್ ಅವರು ನಾಲ್ಕು ಓವರ್ ಗಳಲ್ಲಿ ಒಂದು ರನ್ ಕೂಡ ನೀಡದೇ ನಾಲ್ಕು ಓವರ್ ಗಳನ್ನು ಮೇಡನ್ ಓವರ್ ಆಗಿ ಪರಿವರ್ತಿಸಿದ್ದಾರೆ.

Akshay saaksha tv

ಅಲ್ಲದೆ ಎರಡು ವಿಕೆಟ್ ಗಳನ್ನು ಉರುಳಿಸಿದ್ದಾರೆ. ಅಷ್ಟೇ ಅಲ್ಲ ಸಿಕ್ಕಿಂ ವಿರುದ್ಧದ ಪಂದ್ಯದಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಸಾಧನೆಯನ್ನು ಕೂಡ ಮಾಡಿದ್ದಾರೆ. ನಾಲ್ಕು ಓವರ್ ಗಳಲ್ಲಿ ಒಂದು ಮೇಡನ್, ಐದು ರನ್ ಹಾಗೂ ನಾಲ್ಕು ವಿಕೆಟ್ ಕೂಡ ಉರುಳಿಸಿದ್ದಾರೆ.

ಮೊದಲು ಬ್ಯಾಟಿಂಗ್ ಮಾಡಿದ್ದ ವಿದರ್ಭ ತಂಡ ಮಣಿಪುರ ತಂಡಕ್ಕೆ 222 ರನ್ ಗಳ ಸವಾಲನ್ನು ನೀಡಿತ್ತು. ಆದ್ರೆ ಮಣಿಪುರ ತಂಡ 55 ರನ್ ಗಳಿಗೆ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡು 167 ರನ್ ಗಳ ಹೀನಾಯ ಸೋಲು ಕೂಡ ಅನುಭವಿಸಿದೆ.

ಇದಕ್ಕು ಮೊದಲು ಮಧ್ಯ ಪ್ರದೇಶ ಮತ್ತು ಬಿಹಾರ ನಡುವಿನ ಪಂದ್ಯದಲ್ಲಿ ವೆಂಕಟೇಶ್ ಅಯ್ಯರ್ ಕೂಡ ಅದ್ಭುತವಾದ ಬೌಲಿಂಗ್ ಪ್ರದರ್ಶನ ನೀಡಿದ್ದಾರೆ.

ಮಧ್ಯ ಪ್ರದೇಶದ ಅಯ್ಯರ್ ನಾಲ್ಕು ಓವರ್ ಗಳಲ್ಲಿ ಎರಡು ಮೇಡನ್, ಎರಡು ರನ್ ನೀಡಿ ಎರಡು ವಿಕೆಟ್ ಗಳನ್ನು ಉರುಳಿಸಿದ್ದರು.

Leave a Reply

Your email address will not be published. Required fields are marked *

YOU MUST READ

Copyright © All rights reserved | SaakshaTV | JustInit DigiTech Pvt Ltd