WPL 2023 : RCB : 5 ಕ್ಕೆ ಐದೂ ಪಂದ್ಯಗಳನ್ನ ಸೋತಿದ್ರೂ ಎಲಿಮಿನೇಟರ್ ಪ್ರವೇಶಿಸಬಹುದು..!! ಹೇಗೆ..??
WPL ನ ಮೊದಲ ಆವೃತ್ತಿಯಲ್ಲಿ ಸತತ 5 ಪಂದ್ಯಗಳನ್ನ RCB ಮಹಿಳಾ ತಂಡ ಸೋತಿದೆ. ಈಗಾಗಾಲೇ ಕಪ್ ನಮ್ಮದಾಗಿಸಿಕೊಳ್ಳುವ ಅವರ ಕನಸು ಕಮರಿದೆ.
RCB ಪುರುಷರ ತಂಡದಂತೆಯೇ ಮಹಿಳಾ ತಂಡಕ್ಕೂ ಕೂಡ ಲಕ್ಕಿಲ್ಲ.. ಒಂದಲ್ಲಾ ಎರೆಡಲ್ಲಾ ಆಡಿರುವ 5 ಕ್ಕೆ 5 ಪಂದ್ಯಗಳಲ್ಲೂ RCB ಸೋಲುವ ಮೂಲಕ ಅಭಿಮಾನಿಗಳನ್ನ ಭಾರೀ ನಿರಾಸೆಗೊಳಿಸಿದೆ.
ಮುಂಬೈನ ಡಿವೈ ಪಾಟೀಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ವುಮೆನ್ಸ್ ಪ್ರೀಮಿಯರ್ ಲೀಗ್ನ 11ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ರೋಚಕ ಜಯ ಸಾಧಿಸಿದೆ.
ಈ ಪಂದ್ಯದಲ್ಲಿ ಟಾಸ್ ಸೋತರೂ ಮೊದಲು ಬ್ಯಾಟ್ ಮಾಡಿದ ಆರ್ಸಿಬಿ ಎಲ್ಲಿಸ್ ಪೆರ್ರಿ (67) ಅವರ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 150 ರನ್ ಕಲೆಹಾಕಿತು.
ಈ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿತು. ಅದರಲ್ಲೂ ಅಂತಿಮ ಓವರ್ನಲ್ಲಿ ಡೆಲ್ಲಿಗೆ ಗೆಲ್ಲಲು 9 ರನ್ಗಳ ಅವಶ್ಯಕತೆಯಿತ್ತು.
ಈ ಹಂತದಲ್ಲಿ ಭರ್ಜರಿ ಸಿಕ್ಸ್ ಸಿಡಿಸುವ ಮೂಲಕ ಜೆಸ್ ಜೊನಾಸನ್ ಆರ್ಸಿಬಿ ಕೈಯಿಂದ ಜಯವನ್ನು ಕಸಿದುಕೊಂಡರು. ಅಲ್ಲದೆ 19.4 ಓವರ್ಗಳಲ್ಲಿ ಗುರಿ ಮುಟ್ಟುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ 6 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು.
ಅಂದ್ಹಾಗೆ ಸ್ಮೃತಿ ಮಂಧಾನ ನೇತೃತ್ವದ RCB ಟೀಮ್ ಇಷ್ಟಾದ್ರೂ ಎಲಿಮಿನೇಟರ್ ಪ್ರವೇಶ ಮಾಡುತ್ತಾ ಅನ್ನೋ ಪ್ರಶ್ನೆಯೇ ತಪ್ಪೆನಿಸಬಹುದು, ಆದ್ರೆ RCB ಗೆ ಇನ್ನೂ ಒಂದು ಸಣ್ಣ ಅವಕಾಶವಿದೆ..
ಅದು ಹೇಗೆ ಅನ್ನೋದನ್ನ ನೋಡೋಣ.
WPL 2023 ರಲ್ಲಿ ಐದು ತಂಡಗಳು ಭಾಗವಹಿಸುತ್ತಿವೆ. ಮುಂಬೈ ಇಂಡಿಯನ್ಸ್, ಗುಜರಾತ್ ಜೈಂಟ್ಸ್, ಡೆಲ್ಲಿ ಕ್ಯಾಪಿಟಲ್ಸ್, ಯುಪಿ ವಾರಿಯರ್ಜ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು.
ಪ್ರತಿ ತಂಡವು ಇತರ ಎಲ್ಲ ತಂಡಗಳನ್ನು ಎರಡು ಬಾರಿ ಎದುರಿಸಲಿದೆ. ಅಂದರೆ ಲೀಗ್ ಹಂತದಲ್ಲಿ ಪ್ರತಿ ತಂಡ ಎಂಟು ಪಂದ್ಯಗಳನ್ನು ಆಡಲಿದೆ.
ನಿಯಮಗಳ ಪ್ರಕಾರ, ಲೀಗ್ ಹಂತದ ಕೊನೆಯಲ್ಲಿ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಉಳಿಯುವ ತಂಡವು ನೇರವಾಗಿ ಫೈನಲ್ ಗೆ ಪ್ರವೇಶ ಪಡೆಯುತ್ತದೆ.
ಮತ್ತೊಂದೆಡೆ, ಎರಡನೇ ಮತ್ತು ಮೂರನೇ ಸ್ಥಾನದಲ್ಲಿರುವ ತಂಡಗಳು ಎಲಿಮಿನೇಟರ್ ಅನ್ನು ಆಡುತ್ತವೆ, ಅದು ಇತರ ಫೈನಲಿಸ್ಟ್ ಅನ್ನು ನಿರ್ಧರಿಸುತ್ತದೆ. ಉಳಿದ ಎರಡು ತಂಡಗಳು ಅಂದರೆ ನಾಲ್ಕು ಮತ್ತು ಐದನೇ ಸ್ಥಾನದಲ್ಲಿರುವ ತಂಡಗಳು ನೇರವಾಗಿ ಪಂದ್ಯಾವಳಿಯಿಂದ ನಿರ್ಗಮಿಸುತ್ತವೆ.
ಮುಂಬೈ ಇಂಡಿಯನ್ಸ್ ಸತತ ನಾಲ್ಕು ಪಂದ್ಯಗಳನ್ನು ಗೆದ್ದು 8 ಅಂಕಗಳನ್ನು ಪಡೆಯುವ ಮೂಲಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಮತ್ತೊಂದೆಡೆ, ಆರ್ ಸಿಬಿ ಎಲ್ಲಾ ಐದು ಪಂದ್ಯಗಳನ್ನು ಸೋತು ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ.
RCB ಬಳಿ ಇನ್ನು ಕೇವಲ 3 ಪಂದ್ಯಗಳು ಉಳಿದಿವೆ. ಮುಂದಿನ ಎಲ್ಲಾ ಮೂರು ಪಂದ್ಯಗಳನ್ನು ಗೆದ್ದರೂ, ಅವರು ಗರಿಷ್ಠ 6 ಅಂಕಗಳನ್ನು ಪಡೆಯಬಹುದು ಮತ್ತು ಮುಂಬೈ ಮತ್ತು ದೆಹಲಿ ಈಗಾಗಲೇ 8 ಅಂಕಗಳನ್ನು ಹೊಂದಿದೆ.
ಲೀಗ್ ಹಂತದಲ್ಲಿ ಆರ್ ಸಿಬಿ ಅತ್ಯುತ್ತಮ ಪಾಯಿಂಟ್ಸ್ ಗಳನ್ನ ಪಡೆದರೆ ಎಲಿಮಿನೇಟರ್ ಗೆ ಹೋಗಬಹುದಾದ ವಿರಳ ಅವಕಾಶವಿದೆ.
WPL 2023 : RCB : Can enter eliminator after losing 5 matches for 5..!! How..??
