ಕೆಜಿಎಫ್ 2 ಗೆ ಡಿಮ್ಯಾಂಡೋ ಡಿಮ್ಯಾಂಡು..! ದುಬಾರಿ ಮೊತ್ತಕ್ಕೆ ಸ್ಯಾಟೆಲೈಟ್ ಹಕ್ಕು ಪಡೆದ ಜೀ ವಾಹಿನಿ..!
ಭಾರತೀಯ ಸಿನಿಮಾರಂಗ ಅಂದ್ರೆ ಬಾಲಿವುಡ್ ಅನ್ನೋ ಲೆಕ್ಕಾಚಾರವನ್ನೇ ತಲೆಕೆಳಗೆ ಮಾಡಿದ್ದು ಬಾಹುಬಲಿ ಸಿನಿಮಾ.. ಆ ನಂತರ ಟಾಲಿವುಡ್, ಕಾಲಿವುಡ್ ಸಿನಿಮಾಗಳು ಮಾತ್ರ ಬಾಲಿವುಡ್ ಗೆ ಟಕ್ಕರ್ ಕೊಡಬಹುದು 100 ಕೋಟಿ ಕ್ಲಬ್ ಸೇರಬಹುದು ಎಂಬ ವಾಡಿಕೆಯಿತ್ತು. ಆದ್ರೆ ಈ ವಾಡಿಕೆಯನ್ನ ಬುಡಮೇಲು ಮಾಡಿ ಸ್ಯಾಂಡಲ್ ವುಡ್ ನ ಒಂದು ರೇಂಜ್ ಗೆ ತೆಗೆದುಕೊಂಡು ಹೋಗಿ ಬಾಲಿವುಡ್ ಮಂದಿ ಬಾಯ್ಮೇಲೆ ಬೆರಳಿಟ್ಟುಕೊಂಡು ಹುಬ್ಬೇರಿಸುವಂತೆ ಮಾಡಿದ್ದು ನಮ್ಮ ಕನ್ನಡದ ಹೆಮ್ಮೆಯ ಸಿನಿಮಾ ಕೆಜಿಎಫ್..
ರಾಖಿ ಬಾಯ್ ಖದರ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.. ಕನ್ನಡಿಗರಷ್ಟೇ ಅಲ್ಲ ಪರ ಬಾಷಾಭಿಮಾನಿಗಳು ರಾಖಿ ಬಾಯ್ ಉಘೇ ಉಘೇ ಅನ್ನುತ್ತಿದ್ದಾರೆ.. ಈಸಿನಿಮಾದ ಚಾಪ್ಟರ್ 2 ಗಂತೂ ಎಲ್ಲಿಲ್ಲದ ಡಿಮ್ಯಾಂಡ್ ಬಂದಿದೆ.. ರಿಲೀಸ್ ಗೂ ಮುನ್ನವೇ ಸರಣಿ ರೆಕಾರ್ಡ್ ಗಳ ಬ್ರೇಕ್ ಮಾಡಿ ಹೊಸ ಇತಿಹಾಸ ಸೃಷ್ಟಿಸಿರುವ KGF ಚಾಪ್ಟರ್ 2 ಗಾಗಿ ಅಭಿಮಾನಿಗಳು ತುದಿಗಾಲಲ್ಲಿ ಕಾಯುತ್ತಿದ್ದಾರೆ.. ಸಿನಿಮಾದ ಡಬ್ಬಿಂಗ್ ರೈಟ್ಸ್ ಗೆ ಭಾರೀ ಡಿಮ್ಯಾಂಡ್ ಬಂದಿದೆ..
ಪ್ರಶಾಂತ್ ನೀಲ್ ಸಾರಥ್ಯದ , ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿರುವ ಈ ಸಿನಿಮಾದ ಆಡೀಯೋವನ್ನ ಇತ್ತೀಚೆಗೆ ಲಹರಿ ಸಂಸ್ಥೆ ದುಬಾರಿ ಮೊತ್ತಕ್ಕೆ ಕೊಂಡುಕೊಂಡಿತ್ತು.. ಇದೀಗ ಭಾರತೀಯ ಸಿನಿಮಾರಂಗವೇ ಜಾತಕ ಪಕ್ಷಿಯಂತೆ ಕಾಯ್ತಿರುವ ಸಿನಿಮಾದ ಸ್ಯಾಟೆಲೈಟ್ ಹಕ್ಕು ದುಬಾರಿ ಮೊತ್ತಕ್ಕೆ ಸೇಲ್ ಆಗಿದೆ. ಚಿತ್ರದ ಸ್ಯಾಟಲೈಟ್ ಹಕ್ಕು ದಕ್ಷಿಣ ಭಾಗದಲ್ಲಿ ಜೀ ವಾಹಿನಿಯ ಪಾಲಾಗಿದೆ ಎಂದು ಅಧಿಕೃತ್ವಾಗಿ ಹೊಂಬಾಳೆ ಫಿಲಮ್ಸ್ ಮಾಹಿತಿ ಹಂಚಿಕೊಂಡಿದೆ.
