5 ನೇ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ‘MR & MRS ರಾಮಚಾರಿ’
ಬೆಂಗಳೂರು : ಸೌತ್ ಇಂಡಿಯಾ ಸಿನಿಮಾದ ಸ್ಟಾರ್ ಕಪಲ್ , ಎಲ್ಲರ ಫೇವರೇಟ್ ಕಪಲ್ ರಾಕಿಂಗ್ ಸ್ಟಾರ್ ಯಶ್ , ರಾಧಿಕಾ ಪಂಡಿತ್ ಇಂದು 5ನೇ ವರ್ಷದ ಮದುವೆ ಸಂಭ್ರಮದಲ್ಲಿದ್ದಾರೆ.. ಚಂದನವನದ ರಾಕಿಂಗ್ ದಂಪತಿ ಮಿಸ್ಟರ್ ಅಂಡ್ ಮಿಸ್ಟರ್ ರಾಮಾಚಾರಿ ಕಪಲ್ ಗೆ ಅಭಿಮಾನಿಗಳು , ತಾರೆಯರು ಶುಭಾಷಯಗಳ ಮಹಾಪೂರವನ್ನೇ ಹರಿಸ್ತಾಯಿದ್ದಾರೆ..
https://www.instagram.com/p/CXP7XhED6jT/?utm_source=ig_web_copy_link
ಮದುವೆ ವಾರ್ಷಿಕೋತ್ಸವದ ಹಿನ್ನೆಲೆ ರಾಧಿಕಾ ಅವರು ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಒಂದನ್ನ ಹಾಕಿದ್ದಾರೆ.. ಯಶ್ ಜೊತೆಗಿನ ಫೋಟೋವನ್ನು ಪೋಸ್ಟ್ ಮಾಡಿ , “ ಯಾರೋ ಒಬ್ರು ನಿಮ್ಮನ್ನ ಉತ್ತಮಗೊಳಿಸುತ್ತಾರೆ.. ನಿಮ್ಮನ್ನ ಯಾರೋ ಒಬ್ರು ಪ್ರೇರೇಪಿಸುತ್ತಿದ್ದಾರೆ.. ನಿಮಗೆ ಹೆಜ್ಜೆ ಹೆಜ್ಜೆಗೂ ಪ್ರೀತಿ ಮತ್ತು ಜೀವನದಲ್ಲಿ ಬೆಂಬಲಿಸುತ್ತಿದ್ದಾರೆ.. ನೀವು ನಿರ್ಲಕ್ಷ್ಯ ಮಾಡಿರುವ ಕನಸುಗಳ ಬೆನ್ನಟ್ಟಲು , ಗುರಿ ಮುಟ್ಟಲು ನಿಮಗೆ ಸಹಾಯ ಮಾಡ್ತಾರೆ, ನೀವು ಧೈರ್ಯವಾನ್ವಿತರಾಗಲು ನಿಸ್ವಾರ್ಥವಾಗಿ ಅವರ ಯಾರು ತಮ್ಮ ಸಮಯ ತ್ಯಾಗ ಮಾಡಿ ನಿಮಗೆ ಸಹಾಯ ಮಾಡ್ತಾರೋ ಅವರ ಪ್ರೀತಿಯನ್ನ ನೀವು ಹಿಡಿದಿಟ್ಟಿಕೊಳ್ಳಿ ” ಎಂದು ಮನಸ್ಸು ಮುಟ್ಟುವ ಸಾಲುಗಳನ್ನ ಬರೆದುಕೊಂಡಿದ್ದಾರೆ.
ಇನ್ಸ್ಟಾದಲ್ಲಿ ರಾಧಿಕಾ, ಯಶ್ ಜೊತೆಗೆ ಬೀಚ್ ನಲ್ಲಿ ಕೈಹಿಡಿದುಕೊಂಡು ಕುಳಿತುಕೊಂಡಿರುವ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ.. ಅಂದ್ಹಾಗೆ ಯಶ್ ಹಾಗೂ ರಾಧಿಕಾ ಪಂಡಿತ್ ಸ್ಯಾಂಡಲ್ ವುಡ್ ನ ಪರ್ಪೆಕ್ಟ್ ಸ್ಟಾರ್ ಕಪಲ್ , ಆನ್ ಸ್ಕ್ರೀನ್ ಇರಲಿ ಆಫ್ ಸ್ಕ್ರೀನ್ ಇರಲಿ ಈ ಜೋಡಿ ತುಂಬಾ ಕ್ಯೂಟ್.. ಅದ್ರಲ್ಲೂ ಮೊಗ್ಗಿನ ಮನಸ್ಸು , ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ , ಸಂತೂ ಸ್ಟ್ರೈಟ್ ಫಾರ್ವಡ್ ಸಿನಿಮಾ ದಲ್ಲಿ ಈ ಜೋಡಿಯ ಕೆಮಿಸ್ಟ್ರಿಗೆ ಅಭಿಮಾನಿಗಳು ಫಿದಾ ಆಗಿದ್ರು..
ಈ ಜೋಡಿ ಸುಮಾರು ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ರು.. 2016ರ ಡಿಸೆಂಬರ್ 9 ರಂದು ಇವರು ವಿವಾಹವಾಗಿದ್ದರು. ಇದೀಗ ಈ ಜೋಡಿಗೆ ಇಬ್ಬರು ಮಕ್ಕಳಿದ್ದಾರೆ. 2018 ಡಿಸೆಂಬರ್ ನಲ್ಲಿ ಹೆಣ್ಣು ಮಗು ಜನಿಸಿದ್ದು, ಮುದ್ದು ಮಗಳಿಗೆ ಐರಾ ಎಂದು ಹೆಸರಿಟ್ಟಿದ್ದಾರೆ. ನಂತರ 2019 ರಲ್ಲಿ ಗಂಡು ಮಗು ಜನಿಸಿದ್ದು, ಮಗನಿಗೆ ಯಥರ್ವ್ ಎಂದು ಹೆಸರಿಟ್ಟಿದ್ದಾರೆ.
