Suresh raina | ಐಪಿಎಲ್ ನಲ್ಲಿ ಅವಮಾನ.. ಮಾಲ್ಡೀವ್ಸ್ ನಲ್ಲಿ “ಸ್ಪೋರ್ಟ್ಸ್ ಐಕಾನ್”
ಮಿಸ್ಟರ್ ಐಪಿಎಲ್ ಖ್ಯಾತಿ ಸುರೇಶ್ ರೈನಾಗೆ ಈ ಬಾರಿಯ ಮೆಗಾ ಹರಾಜಿನಲ್ಲಿ ಮುಖಭಂಗವಾಗಿದೆ.
ಯಾವುದೇ ಫ್ರಾಂಚೈಸಿ ರೈನಾ ಅವರನ್ನ ಖರೀದಿ ಮಾಡದೇ ಇರುವುದರಿಂದ ರೈನಾ ಅನ್ ಸೋಲ್ಡ್ ಪ್ಲೇಯರ್ ಆಗಿ ಉಳಿದುಕೊಂಡಿದ್ದಾರೆ.
ಆದ್ರೆ ಅದೇ ರೈನಾಗೆ ಮಾಲ್ಡೀವ್ಸ್ ನಲ್ಲಿ ಪ್ರತಿಷ್ಠಿತ ಪ್ರಶಸ್ತಿ ದೊರಕಿದೆ. ಮಾಲ್ಡೀವ್ಸ್ ಸರ್ಕಾರ ನೀಡುವ ‘ಸ್ಪೋರ್ಟ್ಸ್ ಐಕಾನ್’ ಪ್ರಶಸ್ತಿಗೆ ರೈನಾ ನಾಮನಿರ್ದೇಶನಗೊಂಡಿದ್ದಾರೆ.
ಈ ಪ್ರಶಸ್ತಿಗೆ ವಿವಿಧ ದೇಶಗಳ ಒಟ್ಟು 16 ಆಟಗಾರರು ನಾಮನಿರ್ದೇಶನಗೊಂಡಿದ್ದರು.
ರೈನಾ ಜೊತೆಗೆ ಮಾಜಿ ರಿಯಲ್ ಮ್ಯಾಡ್ರಿಡ್ ಫುಟ್ಬಾಲ್ ಆಟಗಾರ ರಾಬರ್ಟ್ ಕಾರ್ಲೋಸ್, ಜಮೈಕಾದ ಓಟಗಾರ ಅಸಾಫಾ ಪೊವೆಲ್, ಶ್ರೀಲಂಕಾದ ಮಾಜಿ ಕ್ರಿಕೆಟಿಗ ಸನತ್ ಜಯಸೂರ್ಯ ಮತ್ತು ನೆದರ್ಲ್ಯಾಂಡ್ಸ್ ಫುಟ್ಬಾಲ್ ದಂತಕಥೆ ಎಡ್ಗರ್ ಡೇವಿಡ್ಸ್ ಅವರಿಗೂ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಸುರೇಶ್ ರೈನಾ ಅವರ ಕ್ರಿಕೆಟ್ ವೃತ್ತಿಜೀವನದ ಸೇವೆಗಾಗಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ ಎಂದು ಮಾಲ್ಡೀವ್ಸ್ ಸರ್ಕಾರ ಹೇಳಿದೆ.
ಮಾರ್ಚ್ 17 ರಂದು ಮಾಲ್ಡೀವ್ಸ್ನ ಸಿಂಥೆಟಿಕ್ ರನ್ನಿಂಗ್ ಟ್ರ್ಯಾಕ್ನಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಆಯೋಜಿಸಲಾಗಿತ್ತು.
ಬಾಂಗ್ಲಾದೇಶದ ಕ್ರೀಡಾ ಸಚಿವ ಜಹೀರ್ ಹಸನ್ ರಸೆಲ್, ರೈನಾ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಿದರು.
ರೈನಾ ಟಿ20ಯಲ್ಲಿ 8,000 ರನ್ ಗಳಿಸಿದ ಮೊದಲ ಭಾರತೀಯ ಮತ್ತು ಐಪಿಎಲ್ನಲ್ಲಿ 5,000 ರನ್ ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಐಪಿಎಲ್ನಲ್ಲಿ ಚೆನ್ನೈ ಪರ 176 ಪಂದ್ಯಗಳನ್ನು ಆಡಿರುವ ಸುರೇಶ್ ರೈನಾ 32.32 ಸರಾಸರಿಯಲ್ಲಿ 4687 ರನ್ ಗಳಿಸಿದ್ದಾರೆ.
ಇದರಲ್ಲಿ ಒಂದು ಶತಕ ಮತ್ತು 33 ಅರ್ಧಶತಕಗಳು ಸೇರಿವೆ. ರೈನಾ ಐಪಿಎಲ್ನಲ್ಲಿ ಒಟ್ಟು 205 ಪಂದ್ಯಗಳನ್ನು ಆಡಿದ್ದು, 5528 ರನ್ ಗಳಿಸಿದ್ದಾರೆ.
suresh-raina-recieves-sports-icon-award
