Bangalore FC | ಟ್ರೋಫಿ ಗೆದ್ದು ಇತಿಹಾಸ ಬರೆದ ಬೆಂಗಳೂರು!
ಡುರಾಂಡ್ ಕಪ್ ಫೈನಲ್ ನಲ್ಲಿ ಜಯದ ಮಾಲೆ
ಮುಂಬೈ ಸಿಟಿ ಎಫ್ ಸಿ ವಿರುದ್ಧ ಜಯಭೇರಿ
ಚೊಚ್ಚಲ ಪ್ರಶಸ್ತಿ ಗೆದ್ದ ಬೆಂಗಳೂರು ಎಫ್ ಸಿ
2 -1 ರಿಂದ ಮುಂಬೈ ಎಫ್ ಸಿ ವಿರುದ್ಧ ಗೆಲುವು
Durand Cup ಫುಟ್ಬಾಲ್ ಫೈನಲ್ ಪಂದ್ಯದಲ್ಲಿ ಬೆಂಗಳೂರು ಎಫ್ ಸಿ ಜಯಭೇರಿ ಬಾರಿಸಿ ಚಾಂಪಿಯನ್ ಪಟ್ಟಕ್ಕೇರಿದೆ.
ಭಾನುವಾರ ನಡೆದ ಪ್ರಶಸ್ತಿ ಸುತ್ತಿನ ಕಾದಾಟದಲ್ಲಿ ಬೆಂಗಳೂರು 2-1 ರಿಂದ ಮುಂಬೈ ಸಿಟಿ ಎಫ್ ಸಿ ತಂಡವನ್ನು ಸೋಲಿಸಿದೆ. ಇದರೊಂದಿಗೆ ಚೊಚ್ಚಲ ಪ್ರಶಸ್ತಿಯನ್ನು ಬೆಂಗಳೂರು ಎಫ್ ಸಿ ಎತ್ತಿ ಸಂಭ್ರಮಿಸಿದೆ.
ಬೆಂಗಳೂರು ತಂಡ ಆರಂಭದಿಂದಲೂ ಪಂದ್ಯದ ಮೇಲೆ ಹಿಡಿತ ಸಾಧಿಸಿ ಗೋಲು ಬಾರಿಸುವ ಲೆಕ್ಕಾಚಾರವನ್ನು ಹಾಕಿಕೊಂಡಿತು.
ತಂಡದ ಕನಸಿಗೆ 11ನೇ ನಿಮಿಷದಲ್ಲಿ ಎಸ್.ನಾರಾಯಣ್ ಗೋಲು ಬಾರಿಸಿ ತಂಡಕ್ಕೆ 1-0 ಮುನ್ನಡೆ ದೊರಕಿಸಿ ಕೊಡುವಲ್ಲಿ ಸಫಲರಾದರು.
ಇದೇ ಅವಧಿಯಲ್ಲಿ ಮುಂಬೈ ತಂಡದ ಪರ ಅಪುಯಾ ಗೋಲು ಬಾರಿಸಿ ಮಿಂಚಿದರು. ಪರಿಣಾಮ ಉಭಯ ತಂಡಗಳು ಸಮಬಲ ಸಾಧಿಸಿದರು.
ಎರಡನೇ ಅವಧಿಯ 61ನೇ ನಿಮಿಷದಲ್ಲಿ ಬೆಂಗಳೂರು ತಂಡದ ಅಲಾನ್ ಅಮೋಘ ಆಟದ ಪ್ರದರ್ಶನ ನೀಡಿ ಗಮನ ಸೆಳೆದರು. ಅಲ್ಲದೆ ತಂಡದ ಗೋಲಿನ ಖಾತೆಗೆ ಮತ್ತೊಂದು ಗೋಲು ಸೇರಿಸಿದರು.
ಇಲ್ಲಿಂದ ಬೆಂಗಳೂರು ತಂಡ ಹಿಂತಿರುಗಿ ನೋಡಲೇ ಇಲ್ಲ. ಎದುರಾಳಿ ತಂಡದ ರಣ ತಂತ್ರವನ್ನು ಮೆಟ್ಟಿನಿಂತು ಆಟವಾಡಿದ ಬೆಂಗಳೂರು ಮೊದಲ ಬಾರಿಗೆ ಟ್ರೋಫಿ ಎತ್ತಿ ಸಂಭ್ರಮಿಸಿದರು.