ದಿ ಕಾಶ್ಮೀರ್ ಫೈಲ್ಸ್ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿಗೆ ‘Y’ ಗ್ರೇಡ್ ಭದ್ರತೆ
ಕಾಶ್ಮೀರಿ ಪಂಡಿತರ ನೋವುಗಳಿಗೆ ದೃಶ್ಯ ರೂಪದ ಟಚ್ ಕೊಟ್ಟಿದ್ದ ಬಾಲಿವುಡ್ ನಿರ್ಮಾಪಕ ಮತ್ತು ‘ದಿ ಕಾಶ್ಮೀರ್ ಫೈಲ್ಸ್’ ಚಿತ್ರದ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಅವರಿಗೆ ‘ವೈ’ ಗ್ರೇಡ್ ಭದ್ರತೆಯನ್ನು ಕೇಂದ್ರ ಸರ್ಕಾರ ಒದಗಿಸಿದೆ. ಅಗ್ನಿಹೋತ್ರಿ ರಕ್ಷಣೆಗೆ ನಾಲ್ಕೈದು ಮಂದಿ ಸಶಸ್ತ್ರ ಕಮಾಂಡೋಗಳನ್ನು ನಿಯೋಜಿಸಲಾಗಿದೆ. ಸಿ ಆರ್ ಪಿ ಎಫ್ ಪಡೆ ಭಾರತದಾದ್ಯಂತ ತಾವಿರುವ ಸ್ಥಳದಲ್ಲಿ ಮತ್ತು ಪ್ರಯಾಣದ ಸಂದರ್ಭದಲ್ಲಿ ನಿರ್ದೇಶಕರಿಗೆ ರಕ್ಷಣೆ ನೀಡಲಿದೆ.
1990 ದಶಕದಲ್ಲಿ ಕಾಶ್ಮೀರಿ ಪಂಡಿತರ ಮೇಲೆ ನಡೆದ ಹಲ್ಲೆ, ಅತ್ಯಾಚಾರದ ಕುರಿತು ವಿವೇಕ್ ಅಗ್ನಿಹೋತ್ರಿ ಸಿನಿಮಾ ನಿರ್ದೇಶಿಸಿದ್ದು ಚಿತ್ರ ಭಾರತದಾದ್ಯಂತ ಭರ್ಜರಿಯಾಗಿ ಓಡುತ್ತಿದೆ. ಕೇಂದ್ರ ಗೃಹ ಸಚಿವಾಲಯವು, ಇಂಟೆಲಿಜೆನ್ಸ್ ಬ್ಯೂರೋ (IB) ಶಿಫಾರಸಿನ ಮೇರೆಗೆ ನಿರ್ದೇಶಕರಿ Y ಗ್ರೇಡ್ ಭದ್ರತೆಯನ್ನ ಒದಗಿಸುತ್ತಿದೆ.
ಅನುಪಮ್ ಖೇರ್, ಮಿಥುನ್ ಚಕ್ರವರ್ತಿ ಮತ್ತು ಪಲ್ಲವಿ ಜೋಶಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರ ಭಾಕ್ಸ್ ಆಫೀಸ್ ನಲ್ಲಿ 100 ಕೋಟಿಯ ಗಡಿ ದಾಟಿ ಮುನ್ನುಗ್ಗುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮಿತ್ ಶಾ ಸಿನಿಮಾ ನೋಡಿ ಶ್ಲಾಘಿಸಿದ್ದಾರೆ.
Film director Vivek Agnihotri has been given 'Y' category security with CRPF cover pan India: Government Sources
(File photo) pic.twitter.com/63l1B0BlMz
— ANI (@ANI) March 18, 2022
Y ಗ್ರೇಡ್ ಭದ್ರತೆ ಎಂದರೇನು ?
ಭಾರತದಲ್ಲಿ ಭದ್ರತಾ ವ್ಯವಸ್ಥೆಯನ್ನು ವಿವಿಧ ವರ್ಗಗಳಾಗಿ ವರ್ಗೀಕರಿಸಲಾಗಿದೆ. ಇದು SPG ರಕ್ಷಣೆ, Z ಪ್ಲಸ್, Z, Y ಮತ್ತು X ವರ್ಗವನ್ನು ಒಳಗೊಂಡಿದೆ. Y ವರ್ಗವು ಭದ್ರತೆಯ ಮೂರನೇ ಹಂತವಾಗಿದೆ. ಕಡಿಮೆ ಅಪಾಯವಿರುವ ಜನರಿಗೆ ಈ ರಕ್ಷಣೆಯನ್ನು ನೀಡಲಾಗುತ್ತದೆ. ಒಟ್ಟು 11 ಭದ್ರತಾ ಸಿಬ್ಬಂದಿ ಇದರಲ್ಲಿ ಭಾಗಿಯಾಗಿದ್ದಾರೆ. ಇದರಲ್ಲಿ ಇಬ್ಬರು ಪಿಎಸ್ಒಗಳು (ಖಾಸಗಿ ಭದ್ರತಾ ಸಿಬ್ಬಂದಿ) ಮತ್ತು ಒಬ್ಬರು ಅಥವಾ ಇಬ್ಬರು ಕಮಾಂಡೋಗಳನ್ನು ನಿಯೋಜಿಸಲಾಗಿದೆ. ದೇಶದ ಬಹುತೇಕ ಜನರಿಗೆ ವೈ ಕೆಟಗರಿ ಭದ್ರತೆ ನೀಡಲಾಗಿದೆ.
Film director Vivek Agnihotri has been given ‘Y’ category security with CRPF cover pan India
