Pooja Hegde : ರಾಕಿಂಗ್ ಸ್ಟಾರ್ ಯಶ್ ಗೆ ಪೂಜಾ ಹೆಗ್ಡೆ ಜೋಡಿ..?!
ಕನ್ನಡದ ಚೆಲುವೆ ಪೂಜಾ ಹೆಗಡೆ ದಕ್ಷಿಣದ ಸ್ಟಾರ್ ನಾಯಕಿಯರಲ್ಲಿ ಒಬ್ಬರು.
ತೆಲುಗು ಮತ್ತು ತಮಿಳಿನಲ್ಲಿ ಉತ್ತಮ ಸ್ಟಾರ್ ಡಮ್ ಗಳಿಸಿರುವ ಪೂಜಾ ಇನ್ನೂ ಮಾತೃಭಾಷೆ ಕನ್ನಡಕ್ಕೆ ಪಾದಾರ್ಪಣೆ ಮಾಡಿಲ್ಲ.
ಆದ್ರೆ ಇದೀಗ ಪೂಜಾ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲು ತಯಾರಿ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.
‘ಕೆಜಿಎಫ್’ ಚಿತ್ರದ ನಂತರ ಹೀರೋ ಯಶ್ ಅವರ ಮುಂದಿನ ಚಿತ್ರಕ್ಕೆ ಸಿದ್ಧತೆಗಳು ನಡೆಯುತ್ತಿವೆ.
‘ಮಫ್ತಿ’ ಖ್ಯಾತಿಯ ನರ್ಥನ್-ಯಶ್ ಕಾಂಬಿನೇಷನ್ ನಲ್ಲಿ ಸಿನಿಮಾವೊಂದು ಬರುತ್ತಿರುವುದು ಗೊತ್ತೇ ಇದೆ.
ಇತ್ತೀಚೆಗಷ್ಟೇ ಚಿತ್ರದ ಸ್ಕ್ರಿಪ್ಟ್ ಪೂರ್ಣಗೊಳಿಸಿರುವ ನರ್ಥನ್, ನಾಯಕ ಹಾಗೂ ಇತರೆ ನಟರ ಆಯ್ಕೆಯತ್ತ ಗಮನ ಹರಿಸಿದ್ದಾರೆ.
ಇದರ ಭಾಗವಾಗಿ ಚಿತ್ರತಂಡ ಪೂಜಾ ಹೆಗಡೆ ಅವರನ್ನು ನಾಯಕಿ ಪಾತ್ರಕ್ಕೆ ಸಂಪರ್ಕಿಸಿದೆ ಎಂದು ಸ್ಯಾಂಡಲ್ ವುಡ್ ಮೂಲಗಳು ತಿಳಿಸಿವೆ.
ತೆಲುಗು, ತಮಿಳು, ಹಿಂದಿಯಲ್ಲಿ ಸಿನಿಮಾ ಮಾಡುತ್ತಿರುವ ಪೂಜಾ ಕನ್ನಡದಲ್ಲಿ ಈವರೆಗೆ ಮಾಡಿಲ್ಲ.
ಹೀಗಾಗಿ ಯಶ್ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ ಗೆ ಪರಿಚಯವಾಗುತ್ತಾರಾ? ಅಥವಾ ಇಲ್ಲವೇ? ಎಂದು ಕಾದು ನೋಡಬೇಕಾಗಿದೆ.
