Kangana Ranaut : ಚಂದ್ರಮುಖಿ 2 ಚಿತ್ರಿಕರಣ ಪೂರ್ಣ ; ರಾಘವ್ ಲಾರೆನ್ಸ್ ಜೊತೆ ಭಾವನಾತ್ಮಕ ಪೋಸ್ಟ್ ಹಂಚಿಕೊಂಡ ನಟಿ….
ಹಲವು ವರ್ಷಗಳ ನಂತರ ರಜನಿಕಾಂತ್ ಅಭಿನಯದ ಚಂದ್ರಮುಖಿ ಸಿನಿಮಾದ ಸೀಕ್ವೆಲ್ ಅನೌನ್ಸ್ ಆಗಿದ್ದು ಗೊತ್ತೇ ಇದೆ. ಪಿ ವಾಸು ನಿರ್ದೇಶನದ ಈ ಚಿತ್ರದಲ್ಲಿ ರಾಘವ್ ಲಾರೆನ್ಸ್ ಮತ್ತು ಕಂಗನಾ ರನೌತ್ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ನಟಿ ಕಂಗಾನ ಈ ಚಿತ್ರದಲ್ಲಿ ಕಂಗಾನ ಚಂದ್ರಮುಖಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಚಂದ್ರಮುಖಿ 2 ಚಿತ್ರದಲ್ಲಿ ತನ್ನ ಪಾತ್ರದ ಚಿತ್ರೀಕರಣ ಪೂರ್ಣಗೊಂಡಿದೆ ಎಂದು ನಟಿ ಕಂಗನಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಲಾರೆನ್ಸ್ ಜೊತೆಗಿನ ಫೋಟೋ ಹಂಚಿಕೊಂಡ ಕಂಗನಾ. ಇವತ್ತಿಗೆ ಚಂದ್ರಮುಖಿ ಚಿತ್ರದ ಶೂಟಿಂಗ್ ಪೂರ್ಣಗೊಂಡಿತು. ನನ್ನೊಂದಿಗ ನಟಿಸಿದ ಹಲವರಿಗೆ ಬೈ ಹೇಳುವುದು ಕಷ್ಟಕರವಾಗಿತ್ತು. ಲಾರೆನ್ಸ್ ಮಾಸ್ಟರ್ ಒಬ್ಬ ಶ್ರೇಷ್ಠ ಡ್ಯಾನ್ಸರ್ , ಕೋರಿಯೋಗ್ರಾಫರ್ , ಡೈರೆಕ್ಟರ್ ನಟ, ಅಷ್ಟೆ ಅಲ್ಲದೇ ಒಬ್ಬ ಒಳ್ಳೆಯ ಮನುಷ್ಯ. “ಸೆಟ್‌ನಲ್ಲಿ ನನ್ನನ್ನು ಚೆನ್ನಾಗಿ ನೋಡಿಕೊಂಡಿದ್ದಕ್ಕೆ, ನನ್ನನ್ನ ನಗಿಸಿದ್ದಕ್ಕೆ ಮತ್ತು ನನ್ನ ಹುಟ್ಟುಹಬ್ಬದಂದು ನನಗೆ ಉಡುಗೊರೆಗಳನ್ನ ನೀಡಿದ್ದಕ್ಕಾಗಿ ಧನ್ಯವಾದಗಳು ಸರ್. ನಿಮ್ಮೊಂದಿಗೆ ಕೆಲಸ ಮಾಡಿದ್ದು ಖುಷಿ ತಂದಿದೆ ಎಂದು ಕಂಗಾನ ಟ್ವೀಟ್ ಮಾಡಿದ್ದಾರೆ.
ಚಿತ್ರೀಕರಣ ಪೂರ್ತಿಗೊಂಡ ನಂತರ ಕೇಕ್ ಕತ್ತರಿಸುವ ವಿಡಿಯೋವನ್ನ ಪೋಸ್ಟ್ ಮಾಡಿದ್ದಾರೆ.
ನಟ ರಾಘವ ಲಾರೆನ್ಸ್ ಬಗ್ಗೆ ಕಂಗನಾ ಪೋಸ್ಟ್ ಗೆ ಉತ್ತರಿಸಿದ್ದಾರೆ. “ತುಂಬಾ ಧನ್ಯವಾದಗಳು ಮೇಡಂ. ಯಾವುದೇ ಹಿನ್ನೆಲೆಯಿಲ್ಲದ ನಿಮ್ಮ ಪ್ರಯಾಣ ಸ್ಫೂರ್ತಿದಾಯಕವಾಗಿದೆ. 20 ದಿನಗಳ ಮುಂಬೈ ವೇಳಾಪಟ್ಟಿಯಲ್ಲಿ ನಾನು ನನ್ನ ಮನೆಯ ಅಡುಗೆಯನ್ನ ಮಿಸ್ ಮಾಡಿಕೊಂಡೆ ಆದರೆ ನೀವು ನನಗಾಗಿ ನಿಮ್ಮ ಮನೆಯಿಂದ ಊಟ ತಂದಿದ್ದೀರಿ. ನಿಮ್ಮೊಂದಿಗೆ ಕೆಲಸ ಮಾಡಲು ನನಗೂ ತುಂಬಾ ಸಂತೋಷವಾಗಿದೆ ಎಂದು ಅವರು ಪೋಸ್ಟ್ ಮಾಡಿದ್ದಾರೆ.
Kangana Ranaut : Chandramukhi 2 Filming Full ; The actress shared an emotional post with Raghav Lawrence….
