ಟೀಂ ಇಂಡಿಯಾದ ʼಪ್ರಿನ್ಸ್ʼ ಎಂಬ ಹೆಗ್ಗಳಿಕೆ ಪಡೆದಿರುವ ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್, ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ವೇಗವಾಗಿ ಎರಡು ಸಾವಿರ ರನ್ಗಳನ್ನ ಪೂರೈಸುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ.
ಧರ್ಮಶಾಲಾದ ಹಿಮಾಚಲ ಪ್ರದೇಶ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಏಕದಿನ ವಿಶ್ವಕಪ್ನ ನ್ಯೂಜಿ಼ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಆರಂಭಿಕ ಬ್ಯಾಟರ್ ಆಗಿ ಕಣಕ್ಕಿಳಿದ ಗಿಲ್, ವೈಯಕ್ತಿಕ 14 ರನ್ಗಳಿಸುವ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ 2000 ರನ್ಗಳ ಗಡಿದಾಟಿದರು. ಇದರೊಂದಿಗೆ 38 ಏಕದಿನ ಇನ್ನಿಂಗ್ಸ್ಗಳಲ್ಲಿ ಎರಡು ಸಾವಿರ ರನ್ಗಳಿಸುವ ಮೂಲಕ ವಿಶ್ವ ಕ್ರಿಕೆಟ್ನಲ್ಲಿ ಈ ಸಾಧನೆ ಮಾಡಿದ ಹೆಗ್ಗಳಿಕೆ ಪಡೆದರು. ಶುಭ್ಮನ್ ಗಿಲ್ ಅವರಿಗೂ ಮುನ್ನ ಸೌತ್ ಆಫ್ರಿಕಾದ ಮಾಜಿ ಆಟಗಾರ ಹಶೀಮ್ ಆಮ್ಲಾ ಅವರು 40 ಇನ್ನಿಂಗ್ಸ್ಗಳಲ್ಲಿ 2000 ರನ್ಗಳಿಸುವ ಮೂಲಕ ವೇಗವಾಗಿ ಈ ಸಾಧನೆ ಮಾಡಿದ ದಾಖಲೆ ಹೊಂದಿದ್ದರು. ಆದರೆ ಟೀಂ ಇಂಡಿಯಾದ ಯುವ ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್, ಈ ದಾಖಲೆ ತಮ್ಮದಾಗಿಸಿಕೊಂಡಿದ್ದಾರೆ.
ವೇಗವಾಗಿ 2000 ರನ್ಗಳು: (ODIನಲ್ಲಿ)
1. ಶುಭ್ಮನ್ ಗಿಲ್ – 38 ಇನ್ನಿಂಗ್ಸ್
2. ಹಶೀಮ್ ಆಮ್ಲಾ – 40 ಇನ್ನಿಂಗ್ಸ್
3. ಬಾಬರ್ ಆಜ಼ಂ – 45 ಇನ್ನಿಂಗ್ಸ್
4. ಕೆವಿನ್ ಪೀಟರ್ಸನ್ – 45 ಇನ್ನಿಂಗ್ಸ್
5. ವ್ಯಾನ್ ದರ್ ದುಸೇನ್ – 45 ಇನ್ನಿಂಗ್ಸ್
IND v NZ, Team India, New Zealand, Shubman Gill, World Cup
