ದೂರದರ್ಶಕವಿಲ್ಲದೆ ಜುಲೈ 19 ರಂದು ಬುಧ, ಮಂಗಳ, ಶುಕ್ರ, ಗುರು, ಶನಿ ಮತ್ತು ಚಂದ್ರರನ್ನು ವೀಕ್ಷಿಸುವುದು ಹೇಗೆ?
ಮಂಗಳೂರು, ಜುಲೈ 18: ಜುಲೈ 19 ರ ಭಾನುವಾರದಂದು ಸೂರ್ಯೋದಯಕ್ಕಿಂತ ಸುಮಾರು 45 ನಿಮಿಷಗಳ ಮೊದಲು ಎಚ್ಚರಗೊಳ್ಳಿ. ಅಂದು ನೀವು ದೂರದರ್ಶಕವನ್ನು ಬಳಸದೆ ಐದು ಗ್ರಹಗಳನ್ನು ಮತ್ತು ಅರ್ಧಚಂದ್ರವನ್ನು ನೋಡಬಹುದು. ಬುಧ, ಶುಕ್ರ, ಮಂಗಳ, ಗುರು ಮತ್ತು ಶನಿ, ಹಾಗೂ ಚಂದ್ರ ಎಲ್ಲವೂ ಗೋಚರಿಸುತ್ತದೆ.
ಖಗೋಳವಿಜ್ಞಾನ ಶಿಕ್ಷಣತಜ್ಞ ಮತ್ತು ಮಾಜಿ ತಾರಾಲಯ ನಿರ್ದೇಶಕರಾದ ಜೆಫ್ರಿ ಹಂಟ್, ಈ ಘಟನೆಯ ಬಗ್ಗೆ ತಮ್ಮ ಸೈಟ್ನಲ್ಲಿನ ಪೋಸ್ಟ್ನಲ್ಲಿ ಮಾಡಿದ್ದಾರೆ.
ಮುಂಜಾನೆ ಸೂರ್ಯೋದಯಕ್ಕೆ ಕನಿಷ್ಠ ಒಂದು ಗಂಟೆ ಮೊದಲು ಹೊರಗೆ ಹೆಜ್ಜೆ ಹಾಕಿ ಎಂದು ಹಂಟ್ ಹೇಳಿದ್ದಾರೆ. ಶುಕ್ರ, ಮಂಗಳ, ಶನಿ ಮತ್ತು ಗುರು ಎಂಬ ನಾಲ್ಕು ಪ್ರಕಾಶಮಾನವಾದ ಗ್ರಹಗಳನ್ನು ಹುಡುಕಿ. ಅವು ಅತಿಯಾದ ಪ್ರಕಾಶಮಾನವಾದ ನಕ್ಷತ್ರಗಳಂತೆ ಕಾಣುತ್ತವೆ. ಪೂರ್ವ-ಈಶಾನ್ಯದಲ್ಲಿ ಶುಕ್ರ ಮಂದವಾಗಿ ಗೋಚರಿಸಿದರೆ, ಆಗ್ನೇಯದಲ್ಲಿ ಏಕೈಕ ಗ್ರಹ ಮಂಗಳ ಮತ್ತು ನೈರುತ್ಯ ದಿಕ್ಕಿನಲ್ಲಿ ಗುರು ಮತ್ತು ಶನಿ ನಿಮ್ಮ ಕಣ್ಣಿಗೆ ಅತಿಯಾದ ಪ್ರಕಾಶಮಾನವಾದ ನಕ್ಷತ್ರಗಳಂತೆ ಕಾಣುತ್ತದೆ. ಬುಧನನ್ನು ಬರಿಗಣ್ಣಿನಿಂದ ಗುರುತಿಸಲು ಕಠಿಣವಾಗಬಹುದು. ಬುಧಗ್ರಹ ನೋಡಲು ಬೈನಾಕ್ಯುಲರ್ಗಳನ್ನು ಬಳಸಿ ಪ್ರಯತ್ನಿಸಿ ಎಂದು ಹಂಟ್ ಸಲಹೆ ನೀಡಿದ್ದಾರೆ.
ತನ್ನ ವೆಬ್ಸೈಟ್ನಲ್ಲಿ, ಹಂಟ್ ಪ್ರತಿ ಗ್ರಹವನ್ನು ಹುಡುಕುವ ಸಲಹೆಗಳನ್ನು ನೀಡಿದ್ದು, ಶುಕ್ರ, ಪೂರ್ವ ಈಶಾನ್ಯದಲ್ಲಿ ಗೋಚರಿಸುತ್ತದೆ ಎಂದು ಅವರು ಹೇಳಿದ್ದಾರೆ. ಬುಧವು ಚಂದ್ರನ ಬಲಭಾಗದಲ್ಲಿರುತ್ತದೆ, ಆಗ್ನೇಯ ದಿಕ್ಕಿನಲ್ಲಿ ಕೆಂಪು ಗ್ರಹವಾದ ಮಂಗಳವನ್ನು ನೀವು ನೋಡುತ್ತೀರಿ. ಗುರುವು ನೈರುತ್ಯ ದಿಕ್ಕಿನಲ್ಲಿ ಇದ್ದರೆ, ಶನಿಯು ಗುರುಗ್ರಹದ ಮೇಲಿನ ಎಡಭಾಗದಲ್ಲಿರುತ್ತದೆ. ಯುರೇನಸ್, ನೆಪ್ಚೂನ್ ಮತ್ತು ಪ್ಲುಟೊ ಸಹ ಶುಕ್ರ ಮತ್ತು ಗುರುಗಳ ನಡುವೆ ಕಾಣಸಿಗುತ್ತವೆ ಆದರೆ ಈ ಮೂರು ಗ್ರಹಗಳನ್ನು ನೋಡಲು ದೂರದರ್ಶಕದ ಅಗತ್ಯವಿದೆ ಎಂದು ಹಂಟ್ ಮತ್ತಷ್ಟು ವಿವರಿಸಿದ್ದಾರೆ.
ಒಂದು ವೇಳೆ ನಿಮಗೆ ಜುಲೈ 19 ರಂದು ನೋಡಲು ಸಾಧ್ಯವಾಗದ ಇದ್ದರೆ, ಜುಲೈ 25 ರವರೆಗೆ ನೀವು ಐದು ಗ್ರಹಗಳನ್ನು ಕಾಣಲು ಸಾಧ್ಯವಿದೆ. ಆದರೆ ಚಂದ್ರನನ್ನು ಕಾಣಲು ಸಾಧ್ಯವಿಲ್ಲ. ಈ ಐದು ಗ್ರಹಗಳು ಮತ್ತು ಚಂದ್ರನ ಕೂಟವನ್ನು ವೀಕ್ಷಿಸುವುದನ್ನು ತಪ್ಪಿಸಿಕೊಂಡರೆ, ಮತ್ತು ನೀವು ಮುಂದಿನ ಜೂನ್ 2022 ರ ವರೆಗೆ ಕಾಯಬೇಕು. ಆದ್ದರಿಂದ, ಆಕಾಶದಲ್ಲಿ ನ ಈ ಅದ್ಬುತವನ್ನು ಕಣ್ತುಂಬಿಕೊಳ್ಳಲು ನಿಮ್ಮ ಅಲಾರಾಂ ಗಡಿಯಾರವನ್ನು ಸೂರ್ಯೋದಯಕ್ಕೆ ಮೊದಲು ಹೊಂದಿಸಿಕೊಳ್ಳುವುದನ್ನು ಮರೆಯಬೇಡಿ.
