ಕೇರಳದಲ್ಲಿ ಮತ್ತೊಂದು ಲವ್ ಜಿಹಾದ್ ಪ್ರಕರಣ ಬೆಳಕಿಗೆ ಬಂದಿದ್ದು, ಪ್ರೀತಿಯ ಬಲೆಗೆ ಬಿದ್ದ ಹಿಂದೂ ಯುವತಿಯೊಬ್ಬಳು ಅನುಮಾನಾಸ್ಪದವಾಗಿ ಸಾವನ್ನಪ್ಪಿರುವ ಘಟನೆ ಇಡೀ ರಾಜ್ಯವನ್ನೇ ಬೆಚ್ಚಿಬೀಳಿಸಿದೆ. ಸಹಪಾಠಿಯಾಗಿದ್ದ ಮುಸ್ಲಿಂ ಯುವಕನ ಪ್ರೇಮದ ನಾಟಕಕ್ಕೆ ಮರುಳಾಗಿದ್ದ ಯುವತಿ, ಕೊನೆಗೆ ರೈಲಿಗೆ ತಲೆಕೊಟ್ಟು ತನ್ನ ಜೀವನವನ್ನೇ ಅಂತ್ಯಗೊಳಿಸಿದ್ದಾಳೆ. ಇದು ಆತ್ಮಹತ್ಯೆಯಲ್ಲ, ವ್ಯವಸ್ಥಿತ ಕೊಲೆ ಎಂದು ಕುಟುಂಬಸ್ಥರು ಆರೋಪಿಸಿದ್ದು, ಸಾವಿನ ಹಿಂದೆ ಲವ್ ಜಿಹಾದ್ನ ಕರಾಳ ಮುಖವಿದೆ ಎಂಬ ಗಂಭೀರ ಶಂಕೆ ವ್ಯಕ್ತವಾಗಿದೆ.
ಯುವತಿಯ ಬದುಕಿನಲ್ಲಿ ನಡೆದದ್ದೇನು?
ಮೃತ ಯುವತಿಯನ್ನು ಆಲಪ್ಪುಳ ಜಿಲ್ಲೆಯ ಅರೂರ್ನ ನಿವಾಸಿ ರತೀಶ್ ಅವರ ಹಿರಿಯ ಪುತ್ರಿ ಅಂಜನಾ ಎಂದು ಗುರುತಿಸಲಾಗಿದೆ. ಕಲಾಮಸ್ಸೆರಿಯ ಸಿಐಪಿಇಟಿ ಕಾಲೇಜಿನಲ್ಲಿ ಪ್ಲಾಸ್ಟಿಕ್ ತಂತ್ರಜ್ಞಾನ ಡಿಪ್ಲೊಮಾ ಓದುತ್ತಿದ್ದ ಅಂಜನಾ, ತನ್ನದೇ ಕಾಲೇಜಿನ ವಿದ್ಯಾರ್ಥಿ, ಕೋತಮಂಗಲಂನ ಹ್ಯಾರಿಸ್ ಎಂಬ ಯುವಕನನ್ನು ಪ್ರೀತಿಸುತ್ತಿದ್ದಳು. ಮದುವೆಯಾಗುವುದಾಗಿ ನಂಬಿಸಿ, ಅಂಜನಾಳನ್ನು ತನ್ನ ಬಲೆಗೆ ಬೀಳಿಸಿಕೊಂಡಿದ್ದ ಹ್ಯಾರಿಸ್, ಆಕೆಯ ಬದುಕಿನಲ್ಲಿ ದುರಂತವನ್ನು ತಂದಿಟ್ಟಿದ್ದಾನೆ.
ಪ್ರೇಮದ ನಾಟಕ, ನಂತರ ಕಿರುಕುಳ
ಮೊದಮೊದಲು ಪ್ರೀತಿಯ ನಾಟಕವಾಡಿದ ಹ್ಯಾರಿಸ್, ಅಂಜನಾಳನ್ನು ಸಂಪೂರ್ಣವಾಗಿ ನಂಬಿಸಿದ್ದ. ಮದುವೆಯ ಭರವಸೆ ನೀಡಿ ಆಕೆಯೊಂದಿಗೆ ದೈಹಿಕ ಸಂಬಂಧವನ್ನೂ ಬೆಳೆಸಿದ್ದ. ಸಾವಿಗೆ ಒಂದು ತಿಂಗಳ ಹಿಂದೆ, ಇಬ್ಬರೂ ಎಡಪ್ಪಳ್ಳಿಯ ಲಾಡ್ಜ್ ಒಂದರಲ್ಲಿ ತಂಗಿದ್ದರು. ಆದರೆ, ದಿನಕಳೆದಂತೆ ಹ್ಯಾರಿಸ್ನ ನಿಜಬಣ್ಣ ಬಯಲಾಗಿದ್ದು, ಆತ ಅಂಜನಾಳಿಗೆ ಮಾನಸಿಕ ಹಾಗೂ ದೈಹಿಕ ಕಿರುಕುಳ ನೀಡಲು ಆರಂಭಿಸಿದ್ದ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ. ಅಂಜನಾ ಗರ್ಭಿಣಿಯಾಗಿರಬಹುದೆಂಬ ಶಂಕೆಯಿಂದ ಹ್ಯಾರಿಸ್ ಆಕೆಯನ್ನು ಕೊಲೆ ಮಾಡಿರಬಹುದು ಎಂಬ ಅನುಮಾನವನ್ನು ಆಕೆಯ ತಂದೆ ರತೀಶ್ ವ್ಯಕ್ತಪಡಿಸಿದ್ದಾರೆ.
ಆ ಕರಾಳ ರಾತ್ರಿ ನಡೆದಿದ್ದೇನು?
ಅಕ್ಟೋಬರ್ 2 ರಂದು ರಾತ್ರಿ 9.30ರ ಸುಮಾರಿಗೆ ಹ್ಯಾರಿಸ್, ಅಂಜನಾಳಿಗೆ ಕರೆ ಮಾಡಿ ಲೈಂಗಿಕ ಕ್ರಿಯೆಗೆ ಆಹ್ವಾನಿಸಿದ್ದಾನೆ. ತಾನು ಋತುಚಕ್ರದಲ್ಲಿರುವುದಾಗಿ ಅಂಜನಾ ತಿಳಿಸಿದಾಗ, ಹ್ಯಾರಿಸ್ ಕೋಪಗೊಂಡು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ಇದರಿಂದ ನೊಂದ ಅಂಜನಾ, ರಾತ್ರಿ 10 ಗಂಟೆಯ ನಂತರ ಸ್ನಾನಗೃಹಕ್ಕೆ ಹೋಗುವುದಾಗಿ ಹೇಳಿ ಮನೆಯಿಂದ ಹೊರಟವಳು ಮತ್ತೆ ಹಿಂತಿರುಗಲೇ ಇಲ್ಲ.
ಆಕೆಯ ತಂದೆ ರತೀಶ್ ಅವರ ಪ್ರಕಾರ, ಅಂದು ರಾತ್ರಿ ಅಂಜನಾ ಇಬ್ಬರು ಅಥವಾ ಮೂವರು ಯುವಕರೊಂದಿಗೆ ಸ್ಥಳೀಯ ಆಡಿಟೋರಿಯಂ ಬಳಿ ಜಗಳವಾಡುತ್ತಿರುವುದನ್ನು ಕೆಲವರು ನೋಡಿದ್ದಾರೆ. ನಂತರ, ಆಕೆಯನ್ನು ಇಬ್ಬರು ಯುವಕರು ದ್ವಿಚಕ್ರ ವಾಹನದಲ್ಲಿ ಮಧ್ಯದಲ್ಲಿ ಕೂರಿಸಿಕೊಂಡು ಹೋಗಿರುವುದು ಕೂಡ ಕೆಲವರ ಕಣ್ಣಿಗೆ ಬಿದ್ದಿದೆ. ಇದರ ಬೆನ್ನಲ್ಲೇ, ಮಧ್ಯರಾತ್ರಿ ಅರೂರ್ ರೈಲು ನಿಲ್ದಾಣದ ಬಳಿ ಆಕೆಯ ಛಿದ್ರಗೊಂಡ ದೇಹ ಪತ್ತೆಯಾಗಿದೆ.
ಬೆಂಗಳೂರಿಗೆ ಪರಾರಿಯಾದ ಆರೋಪಿ
ಅಂಜನಾ ಸಾವಿನ ಸುದ್ದಿ ತಿಳಿಯುತ್ತಿದ್ದಂತೆ ಆರೋಪಿ ಹ್ಯಾರಿಸ್ ಬೆಂಗಳೂರಿಗೆ ಪರಾರಿಯಾಗಿದ್ದಾನೆ. ಇದು ಕುಟುಂಬಸ್ಥರ ಅನುಮಾನವನ್ನು ಮತ್ತಷ್ಟು ಬಲಪಡಿಸಿದೆ. ಇದು ಆತ್ಮಹತ್ಯೆಯಲ್ಲ, ಹ್ಯಾರಿಸ್ ಅಥವಾ ಆತನ ಸ್ನೇಹಿತರು ಅಂಜನಾಳನ್ನು ರೈಲು ಹಳಿಗೆ ಬಲವಂತವಾಗಿ ತಳ್ಳಿ ಕೊಲೆ ಮಾಡಿದ್ದಾರೆ ಎಂದು ಕುಟುಂಬಸ್ಥರು ಸ್ಪಷ್ಟವಾಗಿ ಆರೋಪಿಸಿದ್ದಾರೆ. ಈ ಕುರಿತು ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ನ್ಯಾಯಕ್ಕಾಗಿ ರಾಜ್ಯ ಪೊಲೀಸ್ ಮಹಾನಿರ್ದೇಶಕರಿಗೆ (ಡಿಜಿಪಿ) ದೂರು ನೀಡಲು ಕುಟುಂಬ ನಿರ್ಧರಿಸಿದೆ.
ಪ್ರೀತಿಯ ಮುಖವಾಡ ಧರಿಸಿ ಹಿಂದೂ ಯುವತಿಯರ ಬದುಕನ್ನು ಬಲಿ ಪಡೆಯುವ ಜಾಲಕ್ಕೆ ಅಂಜನಾ ಕೂಡ ಬಲಿಯಾಗಿದ್ದಾಳೆ. ಆಕೆಯದ್ದು ಕೊಲೆಯೋ ಅಥವಾ ಆತ್ಮಹತ್ಯೆಯೋ, ಈ ಸಾವಿಗೆ ಹ್ಯಾರಿಸ್ನೇ ನೇರ ಹೊಣೆಗಾರ ಎಂಬುದು ಸ್ಪಷ್ಟವಾಗಿದೆ. ಆರೋಪಿಯ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಂಡು, ಅಂಜನಾಳಿಗೆ ನ್ಯಾಯ ಒದಗಿಸಬೇಕು ಎಂದು ಕುಟುಂಬಸ್ಥರು, ಹಿಂದೂ ಸಂಘಟನೆಗಳು ಮತ್ತು ಪ್ರಜ್ಞಾವಂತ ನಾಗರಿಕರು ಒತ್ತಾಯಿಸಿದ್ದಾರೆ. ಇಂತಹ ಘಟನೆಗಳು ಮರುಕಳಿಸದಂತೆ ಸಮಾಜ ಎಚ್ಚೆತ್ತುಕೊಳ್ಳಬೇಕಿದೆ.
