Amazon Layoffs : ಮತ್ತೊಮ್ಮೆ ಉದ್ಯೋಗಿಗಳಿಗೆ ಶಾಕ್ ನೀಡಿದ ಅಮೆಜಾನ್ – 9 ಸಾವಿರ ಮಂದಿ ವಜಾ….
ಜಗತ್ತಿನಾದ್ಯಂತ ಆರ್ಥಿಕ ಹಿಂಜರಿತ ಸದ್ದು ಮಾಡುತ್ತಿರುವ ಬೆನ್ನಲ್ಲೇ ವಿಶ್ವದ ಪ್ರಮುಖ ಕಂಪನಿಗಳು ಮುಂಜಾಗ್ರತಾ ಕ್ರಮಗಳನ್ನ ಅನುಸರಿಸಲು ಮುಂದಾಗಿವೆ. ಭವಿಷ್ಯದಲ್ಲಿ ನಷ್ಟ ಮತ್ತು ತೊಂದರೆಗಳನ್ನ ಊಹಿಸಿ ಕಂಪನಿಯು ಭವಿಷ್ಯಕ್ಕಾಗಿ ಉದ್ಯೋಗಿಗಳನ್ನ ತೆಗೆದುಹಾಕಲು ಕಂಪನಿಗಳು ಮುಂದಾಗಿವೆ. ಈಗಾಗಲೇ ಗೂಗಲ್, ಮೈಕ್ರೋಸಾಫ್ಟ್, ಮೆಟಾ, ಟ್ವಿಟರ್, ಅಮೆಜಾನ್ ನಂತಹ ದೈತ್ಯ ಕಂಪನಿಗಳು ತಮ್ಮ ಸಂಸ್ಥೆಗಳಲ್ಲಿ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡುತ್ತಿರುವ ಕೆಲವು ಉದ್ಯೋಗಿಗಳನ್ನು ವಜಾಗೊಳಿಸಿವೆ. ಅಮೆಜಾನ್ ಇದೀಗ ಎರಡನೇ ಬಾರಿಗೆ ಕೆಲಸ ಉದ್ಯೋಗಿಗಳನ್ನ ವಜಾ ಮಾಡಲು ಮುಂದಾಗಿದೆ.
ಸಂಸ್ಥೆಯಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಒಂಬತ್ತು ಸಾವಿರ ಮಂದಿಯನ್ನ ವಜಾಗೊಳಿಸಲು ಅಮೆಜಾನ್ ಮುಂದಾಗಿದೆ. ನವೆಂಬರ್ 2022 ರಲ್ಲಿ, ಅಮೆಜಾನ್ ಸ್ಟೋರ್‌ಗಳಿಂದ 18,000 ಉದ್ಯೋಗಿಗಳನ್ನ ವಜಾ ಮಾಡಲಾಗಿದೆ. ಈ ಬಾರಿ, ಅಮೆಜಾನ್ ವೆಬ್ ಸರಣಿ ಮತ್ತು ಜಾಹೀರಾತು ವಿಭಾಗಗಳಲ್ಲಿ ಕೆಲಸ ಮಾಡುವವರನ್ನ ತೆಗೆದುಹಾಕಲು ಮುಂದಾಗಿದೆ. ಅಮೆಜಾನ್ ಕಂಪನಿಯ ಇತ್ತೀಚಿನ ನಿರ್ಧಾರದಿಂದ ನಾಲ್ಕು ತಿಂಗಳೊಳಗೆ 27 ಸಾವಿರ ಉದ್ಯೋಗಿಗಳನ್ನು ವಜಾ ಮಾಡಲಾಗಿದೆ. ಅಮೆಜಾನ್ ವಿಶ್ವಾದ್ಯಂತ 1.5 ಮಿಲಿಯನ್ ಉದ್ಯೋಗಿಗಳನ್ನು ಹೊಂದಿದೆ. ವಜಾಗೊಂಡ ನೌಕರರಿಗೆ 24 ಗಂಟೆಗಳ ನೋಟಿಸ್ ಮತ್ತು ವೇತನ ನೀಡಲಾಗುವುದು.
ಅಮೆಜಾನ್ ಸಿಇಒ ಆಂಡಿ ಜಸ್ಸಿ ವಜಾಗೊಳಿಸುವ ಕುರಿತು ಮಾತನಾಡಿದ್ದಾರೆ, ಇದು ಕಠಿಣ ನಿರ್ಧಾರವಾಗಿದೆ. ಆದರೇ ಇದು ಅನಿವಾರ್ಯವಾಗಿದೆ. ದೀರ್ಘಾವಧಿಯಲ್ಲಿ ಕಂಪನಿತ ಯಶಸ್ಸಿಗೆ ಇದು ನಿರ್ಣಾಯಕವಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಅಮೆಜಾನ್ ನ ಈ ನಿರ್ಧಾರ ಕಂಪನಿಯ ಇತಿಹಾಸದಲ್ಲಿ ಐದನೇ ಅತಿದೊಡ್ಡ ವಜಾಗೊಳಿಸುವಿಕೆಯಾಗಿದೆ.
Amazon Layoffs: Amazon once again gave a shock to the employees – 9 thousand people were fired…
