Asia Cup-2023 : ಈಗ ಯುದ್ಧ ಮಾಡುವ ಪೀಳಿಗೆಯಲ್ಲ ಟೀಂ ಇಂಡಿಯಾ ಪಾಕ್ ಗೆ ಬರಬೇಕು ಎಂದ ಶಾಹಿದ್ ಅಫ್ರಿದಿ….
Asia Cup-2023 : ಏಷ್ಯಾ ಕಪ್-2023 ಆಡಲು ಟೀಂ ಇಂಡಿಯಾ ಪಾಕಿಸ್ತಾನಕ್ಕೆ ಬರಬೇಕು ಎಂದು ಪಾಕಿಸ್ತಾನದ ಮಾಜಿ ನಾಯಕ ಶಾಹಿದ್ ಅಫ್ರಿದಿ ಹೇಳಿದ್ದಾರೆ. ಈ ಮೂಲಕ ಭಾರತ-ಪಾಕ್ ದ್ವಿಪಕ್ಷೀಯ ಸಂಬಂಧವನ್ನ ಬಲಪಡಿಸಲು ಮೊದಲ ಹೆಜ್ಜೆ ಇಡಬೇಕು ಎಂದು ಹೇಳಿದರು.
ಈ ವರ್ಷ ಪಾಕಿಸ್ತಾನದಲ್ಲಿ ಏಷ್ಯಾಕಪ್ ಟೂರ್ನಿ ನಡೆಸಬೇಕೆ ಅಥವಾ ಬೇರೆ ಸ್ಥಳದಲ್ಲಿ ನಡೆಸಬೇಕೆ ಎನ್ನುವ ಕುರಿತು ಹಲವು ಚರ್ಚೆಗಳು ನಡೆಯುತ್ತಿವೆ. ಏಷ್ಯಾಕಪ್ ಟೂರ್ನಿಗಾಗಿ ಭಾರತ ಪಾಕಿಸ್ಥಾನಕ್ಕೆ ಹೋಗುವುದಿಲ್ಲ ಎಂದು ಈ ಹಿಂದೆಯೇ ಸ್ಪಷ್ಟ ಪಡಿಸಲಾಗಿದೆ.
ಪಾಕ್ ಮಾಜಿ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ಇತ್ತೀಚೆಗೆ ಏಷ್ಯಾ ಕಪ್-2023 ಕುರಿತು ಮಾತನಾಡಿದ್ದಾರೆ. ದೋಹಾದಲ್ಲಿ ನಡೆದ ಲೆಜೆಂಡ್ಸ್ ಲೀಗ್ ಕ್ರಿಕೆಟ್ (ಎಲ್ಎಲ್ಸಿ) ನಲ್ಲಿ ಭಾಗವಹಿಸಿ ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು “ ಭಾರತ ನಮ್ಮ ದೇಶಕ್ಕೆ ಬಂದರೆ ಒಳ್ಳೆಯದು ಇದು ಯುದ್ಧ ಮತ್ತು ಹೋರಾಟದ ಪೀಳಿಗೆಯಲ್ಲ” ಎಂದು ಹೇಳಿದ್ದಾರೆ.
ಕ್ರಿಕೆಟ್ ರಾಜತಾಂತ್ರಿಕತೆಯ ಅತ್ಯುತ್ತಮ ರೂಪ ಎಂದು ಹೇಳಲಾಗುತ್ತದೆ. ಸಂಬಂಧಗಳು ಸುಧಾರಿಸಬೇಕೆಂದು ನಾವು ಬಯಸುತ್ತೇವೆ ಎಂದು ಶಾಹಿದ್ ಅಫ್ರಿದಿ ಹೇಳಿದ್ದಾರೆ. ಏಷ್ಯಾಕಪ್-2008 ರಲ್ಲಿ ಆಡಲು ಭಾರತ ತಂಡ ಪಾಕಿಸ್ತಾನಕ್ಕೆ ತೆರಳಿತ್ತು. ಉಭಯ ತಂಡಗಳ ನಡುವಿನ ದ್ವಿಪಕ್ಷೀಯ ಸರಣಿಯು 2006 ರಲ್ಲಿ ಪಾಕಿಸ್ತಾನದಲ್ಲಿ ನಡೆದಿತ್ತು.
Asia Cup-2023 : Now is not the generation to fight; Shahid Afridi said that Team India should come to Pakistan.
