ನಟ ಹೃತಿಕ್ ರೋಷನ್ ಕ್ರಚಸ್ ಸಹಾಯದಿಂದ ನಡೆದಾಡುತ್ತಿರುವ ಫೋಟೋ ವೈರಲ್ ಆಗಿದ್ದು, ಅಭಿಮಾನಿಗಳು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.
ಸ್ವತಃ ಅವರೇ ಈ ಫೋಟೋ ವೈರಲ್ ಮಾಡಿದ್ದು, ಊರುಗೋಲು ಮತ್ತು ವ್ಹೀಲ್ ಚೇರ್ ಸಹಾಯದಿಂದ ನಡೆದಾಡುವುದು ಅಸಹಾಯಕತೆ ಅಲ್ಲ ಎಂಬ ಸಂದೇಶ ರವಾನಿಸಿದ್ದಾರೆ. ಹೃತಿಕ್ ಏಕಾಏಕಿ ಆಗಿ ಕ್ರಚಸ್ ಹಿಡಿದಿರುವುದಕ್ಕೆ ಅಭಿಮಾನಿಗಳು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.
ಇದನ್ನು ಹಿಡಿದಿದ್ದಕ್ಕೆ ಅವರೇ ಕಾರಣ ನೀಡಿದ್ದು, ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದೇನೆ ಎಂದು ಹೇಳಿದ್ದಾರೆ. ಶೂಟಿಂಗ್ ನಡೆಯುತ್ತಿದ್ದ ಸಂದರ್ಭದಲ್ಲಿ ಹೃತಿಕ್ ಗೆ ಪೆಟ್ಟಾಗಿತ್ತು. ಹೀಗಾಗಿ ಅವರು ಚಿಕಿತ್ಸೆ ಪಡೆಯುತ್ತಿದ್ದರು ಎನ್ನಲಾಗಿತ್ತು. ಹೀಗಾಗಿಯೇ ಅವರು ಕ್ರಚಸ್ ಹಿಡಿದು ನಡೆದಾಡುತ್ತಿದ್ದಾರೆ ಎನ್ನಲಾಗಿದೆ.