ಗೃಹ ಸಾಲಗಾರರಿಗೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಬಿಗ್ ರಿಲೀಫ್ ನೀಡಿದ್ದು, ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಗೃಹ ಸಾಲ ತೆಗೆದುಕೊಂಡ ಗ್ರಾಹಕರಿಗೆ ಇದು ಉತ್ತಮವಾಗಿದೆ.
ಬಡ್ಡಿಯ ರೂಪದಲ್ಲಿ ದೊಡ್ಡ ಪ್ರಮಾಣದ ಹಣವನ್ನು ಉಳಿಸುವ ಸಾಧ್ಯತೆ ಇದೆ. ಆರ್ ಬಿಐ ಆಗಸ್ಟ್ 18ರಂದು ಅಧಿಸೂಚನೆ ಹೊರಡಿಸಿದೆ. ಇದರ ಪ್ರಕಾರ, ಇಎಂಐ ಹೆಚ್ಚಳ ಅಥವಾ ಅವಧಿ ವಿಸ್ತರಣೆಯ ವಿಷಯದಲ್ಲಿ ಬ್ಯಾಂಕ್ ಗಳು ಸಾಲಗಾರರಿಗೆ ಆಯ್ಕೆಯಗಳನ್ನು ಒದಗಿಸಬೇಕು. ಬಡ್ಡಿ ದರಗಳು ಬದಲಾದಾಗ ಬ್ಯಾಂಕ್ ಗಳು ಈ ವಿಷಯವನ್ನು ಸಾಲಗಾರರಿಗೆ ವರ್ಗಾಯಿಸಬೇಕಾಗುತ್ತದೆ. ಬ್ಯಾಂಕ್ ಗಳು ಸಾಲಗಾರರಿಗೆ ಫ್ಲೋಟಿಂಗ್ ದರದಿಂದ ಸ್ಥಿರ ದರಕ್ಕೆ ಅಥವಾ ಸ್ಥಿರ ದರದಿಂದ ಫ್ಲೋಟಿಂಗ್ ದರಕ್ಕೆ ಬದಲಾಯಿಸುವ ಆಯ್ಕೆಯನ್ನು ಒದಗಿಸಬೇಕಾಗುತ್ತದೆ. ಏಕಪಕ್ಷೀಯ ನಿರ್ಧಾರ ತೆಗೆದುಕೊಳ್ಳಲು ಬ್ಯಾಂಕ್ ಗಳಿಗೆ ಅವಕಾಶವಿಲ್ಲ. ಸಾಲದ ಅವಧಿಯನ್ನು ಹೆಚ್ಚಿಸಲು ಅಥವಾ ಇಎಂಐ ಹೆಚ್ಚಿಸಲು ಸಾಲಗಾರನ ಅನುಮತಿ ಪಡೆಯಬೇಕು.
20 ವರ್ಷಗಳ ಅವಧಿಗೆ ಶೇ. 7ರಷ್ಟು ಬಡ್ಡಿದರದಲ್ಲ ನೀವು 50 ಲಕ್ಷ ರೂ. ಸಾಲ ಪಡೆದಿದ್ದರೆ, ಮಾಸಿಕ ಇಎಂಐ ರೂ. 38,765 ಆಗುತ್ತದೆ. ಹೀಗೆ ಬಡ್ಡಿಯ ಹೊರೆ ರೂ. 43 ಲಕ್ಷ ರೂ. ಆಗುತ್ತದೆ. ಮೂರು ವರ್ಷಗಳ ಬಡ್ಡಿದರವು ಶೇ. 9.25ಕ್ಕೆ ಏರಿದೆ. ಈಗ ಆರ್ ಬಿಐ ನಿಯಮಗಳಂತೆ, ಸಾಲಗಾರರು ಸಾಲದ ಅವಧಿ ಹೆಚ್ಚಳ ಅಥವಾ ಇಎಂಐ ಹೆಚ್ಚಳ ಆಯ್ಕೆ ಪಡೆಯುತ್ತಾರೆ.
ಸಾಲದ ಅವಧಿ ಹೆಚ್ಚಿಸಲು ಬಯಸಿದವರು, ಇಎಂಐನ್ನು 38,765 ರಲ್ಲಿ ಮುಂದುವರಿಯಲು ಬಯಸಿದರೆ, ನಂತರ ಸಾಲದ ಅವಧಿ 321 ತಿಂಗಳುವರೆಗೆ ಹೋಗುತ್ತದೆ. ಅಂದರೆ, 26 ವರ್ಷ ಮತ್ತು 10 ತಿಂಗಳುಗಳು. ಆಗ ಬಡ್ಡಿಯ ಹೊರೆ 88.52 ಲಕ್ಷ ರೂ. ಆಗುತ್ತದೆ. ಇದರರ್ಥ ನೀವು 33 ಲಕ್ಷ ರೂ.ಗಳ ಬಡ್ಡಿ ಹೆಚ್ಚು ಪಾವತಿಸಬೇಕಾಗುತ್ತದೆ.
