POKಯಲ್ಲಿ ಚೀನಾ ನಿರ್ಮಿಸಿದ್ದ ಸೇತುವೆ ಕುಸಿತ – ಚೀನಾ ಪಾಕ್ ಸಂಪರ್ಕ ಕಟ್
ಭಾರತ ಮತ್ತು ಪಾಕಿಸ್ತಾನ ಭಾಗಳಲ್ಲಿ ಬೇಸಿಗೆಯ ಕಾವು ಹೆಚ್ಚಾಗಿದ್ದು ಬಿಸಿಗಾಳಿ ಬೀಸುತ್ತಿದೆ. ಈ ಹವಮಾನ ವೈಪರಿತ್ಯದಿಂದಾಗಿ ಪಾಕ್ ಆಕ್ರಮಿತ ಕಾಶ್ಮೀರದ (ಪಿಒಕೆ) ಹುಂಜಾ ಕಣಿವೆಯಲ್ಲಿ ಸರೋವರಕ್ಕೆ ಅಡ್ಡಲಾಗಿ ಚೀನಾ ಕಟ್ಟಿದ್ದ ಸೇತುವೆ ಮುರಿದು ಬಿದ್ದ ಪ್ರಸಂಗ ನಡೆದಿದೆ.
ಬೇಸಿಗೆಗೂ ಸೇತುವೆ ಮುರಿದುಬೀಳುವುದಕ್ಕೂ ಕಾರಣವೇನು ಎಂದು ನೀವು ಹುಡುತ್ತಿದ್ದರೆ ಈ ಮಾಹಿತಿ ಓದಿ. AFP ಎಂಬ ಸುದ್ದಿ ಸಂಸ್ಥೆ ವೀಡಿಯೊ ಒಂದನ್ನ ಟ್ವೀಟ್ ಮಾಡಿದೆ, ಅದರಲ್ಲಿ ಸೇತುವೆ ಬೀಳುವುದನ್ನ ಸ್ಪಷ್ಟವಾಗಿ ಕಾಣಬಹುದು ಜೊತೆಗೆ ಭದ್ರತಾ ಸಿಬ್ಬಂದಿ ಜನರಿಗೆ ಎಚ್ಚರಿಕೆ ನೀಡುವುದನ್ನು ಸಹ ಕಾಣಬಹುದು.
#MadeInChina
Caught on cam: Dramatic collapse of China-made historic Hassanabad bridge in PoK @IndiaToday#PoK #GilgitBaltistan #BridgeCollapse pic.twitter.com/jNtc5VlDR6— Aviator Anil Chopra (@Chopsyturvey) May 11, 2022
ಈ ಸಂಪೂರ್ಣ ಘಟನೆ ಪಾಕಿಸ್ತಾನದ ಹಸನಾಬಾದ್ ಗ್ರಾಮದಲ್ಲಿ ನಡೆದಿದೆ. ಬಿಸಿಗಾಳಿ ಪರಿಣಾಮ, ಇಲ್ಲಿನ ಶಿಸ್ಪರ್ ಗ್ಲೇಸಿಯರ್ ನ ಮಂಜು ಕರಗಿದ ಕಾರಣ ಸರೋವರದ ನೀರಿನ ಮಟ್ಟ ಹೆಚ್ಚಾಗಿ ಪ್ರವಾಹ ಉಂಟಾಗಿದೆ, ಸೇತುವ ಮಟ್ಟಕ್ಕೆ ನೀರಿನ ಹರಿವು ಹೆಚ್ಚಾಗಿರುವುದು ಕಣ್ಣಿಗೆ ಕಾಣಸಿಗುತ್ತದೆ.
ಈ ಸೇತುವೆಯನ್ನು ಕಾರಕೋರಂ ಹೆದ್ದಾರಿಯಲ್ಲಿ ಚೀನಾ ನಿರ್ಮಿಸಿದೆ. ಈ ರಸ್ತೆ ಪಾಕಿಸ್ತಾನ ಆಕ್ರಮಿತ ಗಿಲ್ಗಿಟ್-ಬಾಲ್ಟಿಸ್ತಾನ್ ಪ್ರದೇಶವನ್ನ ಚೀನಾದೊಂದಿಗೆ ಸಂಪರ್ಕಿಸುತ್ತದೆ. ಇದು ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್ನ ಭಾಗವಾಗಿದೆ. ಸೇತುವೆ ಪತನದ ನಂತರ, ಪಿಒಕೆ ಮತ್ತು ಚೀನಾ ನಡುವಿನ ಸಂಪರ್ಕವು ಕಳೆದುಹೋಗಿದೆ. .
ಪಾಕಿಸ್ತಾನದ ಮಾಧ್ಯಮಗಳ ಪ್ರಕಾರ, ಹಸನಾಬಾದ್ನ ಎರಡು ವಿದ್ಯುತ್ ಸ್ಥಾವರಗಳು ಸಹ ಪ್ರವಾಹದ ನೀರಿನಿಂದ ಕೊಚ್ಚಿಹೋಗಿವೆ. ಅದೇ ಸಮಯದಲ್ಲಿ, ದುರಂತದಲ್ಲಿ ಸಿಲುಕಿರುವ ಜನರನ್ನು ರಕ್ಷಿಸಲು ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಗಿದೆ. ಇತ್ತೀಚೆಗಷ್ಟೇ ಪಾಕಿಸ್ತಾನದ ತಾಪಮಾನ 61 ವರ್ಷಗಳ ಹಿಂದಿನ ದಾಖಲೆಯನ್ನ ಹಿಂದಿಕ್ಕಿದೆ.