ಐಸಿಸಿ ಏಕದಿನ ವಿಶ್ವಕಪ್-2023 ಪಂದ್ಯಾವಳಿಯಲ್ಲಿ ಸಿಕ್ಸರ್ಗಳ ಅಬ್ಬರ ಜೋರಾಗಿದೆ. ಟೂರ್ನಿಯಲ್ಲಿ ಈವರೆಗೂ ನಡೆದಿರುವ ಪಂದ್ಯಗಳಲ್ಲಿ ಎಲ್ಲಾ ತಂಡಗಳು ಸಿಕ್ಸರ್ ಸಿಡಿಸಿರುವ ಪರಿಣಾಮ, ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ಹೊಸ ದಾಖಲೆ ನಿರ್ಮಾಣವಾಗಿದೆ.
ದೆಹಲಿಯಲ್ಲಿ ನಡೆದ ಬಾಂಗ್ಲಾದೇಶ ಹಾಗೂ ಶ್ರೀಲಂಕಾ ತಂಡಗಳ ನಡುವಿನ ಪಂದ್ಯದಲ್ಲಿ ಈ ದಾಖಲೆ ನಿರ್ಮಾಣವಾಗಿದೆ. ಈವರೆಗೂ ನಡೆದಿರುವ ಏಕದಿನ ವಿಶ್ವಕಪ್ ಟೂರ್ನಿಯಗಳಲ್ಲಿ 2015ರ ಒಂದೇ ಆವೃತ್ತಿಯಲ್ಲಿ 463 ಸಿಕ್ಸರ್ಗಳು ದಾಖಲಾಗಿದ್ದು ಈವರೆಗೆ ದಾಖಲಾಗಿದ್ದ ಗರಿಷ್ಠ ಸಿಕ್ಸರ್ಗಳಾಗಿತ್ತು. ಆದರೆ ಈ ಬಾರಿಯ ವಿಶ್ವಕಪ್ನಲ್ಲಿ 464* ಸಿಕ್ಸ್ ದಾಖಲಾಗುವ ಮೂಲಕ ಹೊಸ ಇತಿಹಾಸ ನಿರ್ಮಾಣವಾಯಿತು. ಬಾಂಗ್ಲಾ ವಿರುದ್ಧದ ಪಂದ್ಯದ 11ನೇ ಓವರ್ನಲ್ಲಿ ತನ್ಜೀಮ್ ಹಸನ್ ಅವರ ಬೌಲಿಂಗ್ನಲ್ಲಿ ಶ್ರೀಲಂಕಾದ ಕುಸಲ್ ಮೆಂಡಿಸ್, ಸಿಕ್ಸರ್ ಬಾರಿಸುವ ಮೂಲಕ ಈ ದಾಖಲೆ ಬರೆಯಲು ಕಾರಣರಾದರು. ಅಲ್ಲದೇ ಪ್ರಸಕ್ತ ವಿಶ್ವಕಪ್ನಲ್ಲಿ ಇನ್ನೂ ಹಲವು ಪಂದ್ಯಗಳು ಬಾಕಿ ಉಳಿದಿದ್ದು, ಇದರ ಪರಿಣಾಮ ಸಿಕ್ಸರ್ಗಳ ಸಂಖ್ಯೆ 500ರ ಗಡಿದಾಟುವ ಎಲ್ಲಾ ಸಾಧ್ಯತೆಗಳಿವೆ.
ಭಾರತದಲ್ಲಿ ನಡೆಯುತ್ತಿರುವ ಏಕದಿನ ವಿಶ್ವಕಪ್-2023 ಟೂರ್ನಿಯಲ್ಲಿ ಎಲ್ಲಾ ತಂಡಗಳ ಬ್ಯಾಟರ್ಗಳು ಭರ್ಜರಿ ಸಿಕ್ಸರ್ಗಳನ್ನ ಬಾರಿಸಿ ಕಮಾಲ್ ಮಾಡಿದ್ದಾರೆ. ಪ್ರಮುಖವಾಗಿ ಸೌತ್ ಆಫ್ರಿಕಾ(82), ನ್ಯೂಜಿ಼ಲೆಂಡ್(66), ಆಸ್ಟ್ರೇಲಿಯಾ(64) ಹಾಗೂ ಭಾರತ(54) ಸಿಕ್ಸರ್ಗಳನ್ನ ದಾಖಲಿಸಿವೆ. ಟೀಂ ಇಂಡಿಯಾದ ನಾಯಕ ರೋಹಿತ್ ಶರ್ಮ ಒಬ್ಬರೇ ಈ ಟೂರ್ನಿಯಲ್ಲಿ 22 ಸಿಕ್ಸರ್ಗಳನ್ನ ಸಿಡಿಸಿದ್ದರೆ. ಡೇವಿಡ್ ವಾರ್ನರ್(20), ಫಖರ್ ಜಮಾನ್(18), ಕ್ವಿಂಟನ್ ಡಿಕಾಕ್(18) ನಂತರದ ಸ್ಥಾನದಲ್ಲಿದ್ದಾರೆ.
ವಿಶ್ವಕಪ್ ಆವೃತ್ತಿಗಳಲ್ಲಿ ಹೆಚ್ಚು ಸಿಕ್ಸ್ಗಳು:
2023ರ ವಿಶ್ವಕಪ್ – 464*(ಮುಂದುವರಿಯಲಿದೆ)
2019ರ ವಿಶ್ವಕಪ್ – 357
2015ರ ವಿಶ್ವಕಪ್ – 463
2011ರ ವಿಶ್ವಕಪ್ – 258
2007ರ ವಿಶ್ವಕಪ್ – 373
2003ರ ವಿಶ್ವಕಪ್ – 266
1999ರ ವಿಶ್ವಕಪ್ – 153
CWC 2023, ODI Cricket, World Cup, Most sixes,