ನಿಮ್ಮಲ್ಲಿ ಯಾರಿಗಾದರೂ ರಾಹುಲ್ ನಾಯಕನಂತೆ ಕಾಣಿಸುತ್ತಾರಾ?
ಟೀಂ ಇಂಡಿಯಾದ ಮುಂದಿನ ಟೆಸ್ಟ್ ನಾಯಕ ಯಾರು? ಇದು ಇದೀಗ ಭಾರತೀಯ ಕ್ರಿಕೆಟ್ ವಲಯದಲ್ಲಿ ಹಾಟ್ ಟಾಪಿಕ್ ಆಗಿದೆ.
ವಿರಾಟ್ ಕೊಹ್ಲಿಯಂತಹ ಯಶಸ್ವಿ ನಾಯಕನ ಸ್ಥಾನವನ್ನು ಭರ್ತಿ ಮಾಡುವ ಸಾಮರ್ಥ್ಯ ರೋಹಿತ್ ಶರ್ಮಾಗೆ ಇದೆ ಎಂದು ವಾದಿಸಿದ್ದರೂ, ಹಿಟ್‌ ಮ್ಯಾನ್‌ಗೆ ವಯಸ್ಸು ಮತ್ತು ಫಿಟ್‌ನೆಸ್ ಅಡ್ಡಿಯಾಗುವ ಸಾಧ್ಯತೆಯಿದೆ.
ಮತ್ತೊಂದೆಡೆ… ನಾಯಕತ್ವದ ರೇಸ್‌ನಲ್ಲಿ ಕೆಎಲ್ ರಾಹುಲ್, ಜಸ್ಪ್ರೀತ್ ಬುಮ್ರಾ ಮತ್ತು ರಿಷಬ್ ಪಂತ್ ಹೆಸರು ಪ್ರಮುಖವಾಗಿದೆ.
ಆದರೆ, ದಕ್ಷಿಣ ಆಫ್ರಿಕಾ ಪ್ರವಾಸದ ಅಂಗವಾಗಿ ರಾಹುಲ್ ನಾಯಕನಾಗಿ ದಯನೀಯವಾಗಿ ವೈಫಲ್ಯ ಕಂಡಿದ್ದಾರೆ. ಬೆನ್ನಿನ ನೋವಿನಿಂದಾಗಿ ಕೊಹ್ಲಿ ಎರಡನೇ ಟೆಸ್ಟ್‌ನಿಂದ ಹೊರಗುಳಿದಿದ್ದರು.
ಈ ವೇಳೆ ಟೀಂ ಇಂಡಿಯಾವನ್ನು ಮುನ್ನಡೆಸಿದ್ದ ರಾಹುಲ್ ತಂಡವನ್ನು ಗೆಲುವಿನ ಕಡೆ ಮುನ್ನಡೆಸುವಲ್ಲಿ ವಿಫಲರಾಗಿದ್ದರು. ಇನ್ನೂ ಏಕದಿನ ಸರಣಿಯಲ್ಲಿ ವೈಟ್ ವಾಶ್ ಆಗಿ ತೀವ್ರ ಮುಖಭಂಗ ಅನುಭವಿಸಿದ್ದಾರೆ.
ಈ ಹಿನ್ನೆಲೆಯಲ್ಲಿ ಬಿಸಿಸಿಐ ಅಧಿಕಾರಿ ರಾಹುಲ್ ಅವರನ್ನು ಉದ್ದೇಶಿಸಿ ಮಾಡಿರುವ ಮಾತುಗಳು ವೈರಲ್ ಆಗುತ್ತಿವೆ.
ಪಿಟಿಐ ಜೊತೆ ಮಾತನಾಡಿದ ಬಿಸಿಸಿಐ ಅಧಿಕಾರಿಯನ್ನು, ಟೆಸ್ಟ್ ನಲ್ಲಿ ರಾಹುಲ್ ನಾಯಕನಾಗುವ ಅವಕಾಶಗಳ ಬಗ್ಗೆ ಹೇಳಲು ಕೇಳಲಾಯಿತು.
ಈ ವೇಳೆ ಆ ಅಧಿಕಾರಿ ‘ವಾಸ್ತವವಾಗಿ… ನಿಮ್ಮಲ್ಲಿ ಯಾರಿಗಾದರೂ ರಾಹುಲ್ ನಾಯಕನಂತೆ ಕಾಣಿಸುತ್ತಾರಾ..? ಎಂದು ಪ್ರಶ್ನಿಸಿದರು.
ಇದರೊಂದಿಗೆ ರಾಹುಲ್ ಟೆಸ್ಟ್ ನಾಯಕತ್ವ ರೇಸ್‌ನಲ್ಲಿ ಇದ್ದಾರೋ ಇಲ್ಲವೋ ಎಂಬ ಅನುಮಾನವನ್ನು ಅಭಿಮಾನಿಗಳು ವ್ಯಕ್ತಪಡಿಸುತ್ತಿದ್ದಾರೆ.
