ಹಂಬಲ್ ಪೊಲಿಟಿಶಿಯನ್ ನೋಗರಾಜ್ ನಂತರ ಡ್ಯಾನಿಶ್ ಸೇಠ್ ಅವರು ನಾಯಕನಾಗಿ ಕಾಣಿಸಿಕೊಂಡಿರುವ 2ನೇ ಚಿತ್ರವಾದ ಫ್ರೆಂಚ್ ಬಿರಿಯಾನಿ ಇನ್ನೇನು ಒಟಿಟಿಯಲ್ಲಿ ರಿಲೀಸ್ ಗೆ ರೆಡಿಯಾಗಿದೆ. ಈ ಚಿತ್ರದ ಬಗೆಗಿನ ತಮ್ಮ ಅನುಭವ ಹಾಗೂ ಕೆಲ ಇಂಟರೆಸ್ಟಿಂಗ್ ವಿಚಾರಗಳ ಬಗ್ಗೆ ನಾಯಕ ಡ್ಯಾನಿಶ್ ಅವರು ನಮ್ಮ saaksha tv.com ಜೊತೆಗೆ ಹಂಚಿಕೊಂಡಿದ್ದಾರೆ.
ನಾಯಕನಟನಾಗಿ ನಟಿಸುತ್ತಿರುವ 2ನೇ ಚಿತ್ರದ ಬಗ್ಗೆ ನಿಮ್ಮ ಅಭಿಪ್ರಾಯ, ಅನುಭವವೇನು..?
ಡ್ಯಾನಿಶ್ ಸೇಠ್: ನಿರೂಪಕರಾಗಿ ಕಮಿಡಿಯನ್ ಆಗಿ ಮಾಡುವ ಅನುಭವವೇ ಬೇರೆ. ಆದ್ರೆ ಒಂದು ಚಿತ್ರ ಮೂಡಿಬರಬೇಕಾದರೇ ಅದರಲ್ಲಿ ಸಾಕಷ್ಟು ಮಂದಿ ಭಾಗಿಯಾಗಿರುತ್ತಾರೆ. ಮಾಧ್ಯಮದವರೂ, ಮ್ಯೂಸಿಕ್ ಡೈರೆಕ್ಟರ್, ಆಕ್ಷನ್ ಡೈರೆಕ್ಟರ್, ಸುಮಾರು ಇಲಾಖೆಗಳು ಒಗ್ಗೂಡಿ ಕೆಲಸ ಮಾಡಿದಾಗ ಮಾತ್ರವೇ ಒಂದು ಚಿತ್ರ ಯಶಸ್ವಿಯಾಗಲು ಸಾಧ್ಯ. ಈ ಚಿತ್ರದಲ್ಲಿ ಕೆಲಸ ಮಾಡಿ ಖುಷಿಯಾಗಿದೆ. ಹಾಗೇ ತುಂಬ ಎಂಜಾಯ್ ಮಾಡಿದ್ದೇನೆ. ಪ್ರೆಂಚ್ ಬಿರಿಯಾನಿಯಲ್ಲಿ ಪ್ರೊಸೆಸ್ ಡಿಫರೆಂಟ್ ಇತ್ತು. ಯಾಕೆಂದರೆ ಹಂಬಲ್ ನೊಗರಾಜ್ ಗೆ ಡೈಲಾಗ್ಸ್ ಸಹ ನಾನೇ ಬರೆದಿದ್ದೆ. ಆದ್ರೆ ಇಲ್ಲಿ ಪಣಜ ಹಾಗೂ ಅವಿನಾಶ್ ಆ ಕಾರ್ಯವನ್ನು ಮಾಡಿದ್ದಾರೆ. ಆಕ್ಟಿಂಗ್ ಈಸ್ ಫನ್ ಜಾಬ್..
ಬಾಲಿವುಡ್ ನಟ ಸಾಲ್ ಯೂಸುಫ್ ಹಾಗೂ ನಿರ್ದೇಶಕ ಪನ್ನಗಾಭರಣಂ, ಚಿತ್ರತಂಡದ ಬಗೆಗಿನ ಅಭಿಪ್ರಾಯ, ಅನುಭವ…?
ಡ್ಯಾನಿಶ್ ಸೇಠ್: ಕಾಮಿಡಿ ಶೋನಿಂದ ನಾನು ಹಾಗೂ ಸಾಲ್ ಉತ್ತಮ ಸ್ನೇಹಿತರಾಗಿದ್ದೇವೆ. ಜೊತೆಯಲ್ಲಿ ಅನೇಕ ಬಾರಿ ಕೆಲಸ ಮಾಡಿದ್ದೇವೆ. ಹೀಗಾಗಿ ನನಗೆ ಸಾಲ್ ಅವರ ಪರಿಚಯ ಮುಂಚಿನಿಂದಲೂ ಇದೆ. ಯಾವುದೇ ಪ್ರಾಜೆಕ್ಟ್ ಇರಲಿ ಫಾರಿನರ್ ಪಾತ್ರವಿದ್ದರೇ ನಾನೂ ಮುಂಚಿನಿಂದಲೂ ಸಾಲ್ ಅವರನ್ನ ರೆಕಮೆಂಡ್ ಮಾಡಿಕೊಂಡು ಬಂದಿದ್ದೇನೆ. ಯಾಕೆಂದ್ರೆ ಅವರೊಬ್ರು ಉತ್ತಮ ನಟರು. ಇನ್ನೂ ಪನ್ನನಾಗಾಭರಣಂ ಅವರನ್ನು ನಮಗೆ ಪರಿಚಯ ಮಾಡಿಸಿಕೊಟ್ಟಿದ್ದು ಪ್ರಜ್ವಲ್ ದೇವರಾಜ್ ಅವರು. ಅಲ್ಲಿಂದ ಈ ಚಿತ್ರದ ಜರ್ನಿ ಶುರುವಾಗಿದೆ. ಇನ್ನೂ ಶೂಟಿಂಗ್ ಮಾಡುವಾಗ ನಾವೆಲ್ಲಾ ಒಂದೇ ವಯಸ್ಸಿನವರಾಗಿರುವುದರಿಂದ ಎಲ್ಲರೂ ಹೇಗ ಹೊಂದಿಕೊಳ್ಳುತ್ತಿದ್ವಿ. ಸೆಟ್ ಅಲ್ಲಿ ಅವರೆಲ್ಲರ ಜೊತೆ ಕೆಲಸ ಮಾಡೋದೇ ಎಂಜಾಮೆಂಟ್.
ಸ್ಟಾಂಡ್ ಅಪ್ ಕಾಮಿಡಿಯನ್ ಆಗಿ ಕೆಲಸ ಮಾಡುವುದಕ್ಕೂ ಸಿನೆಮಾದಲ್ಲಿ ಕಾಮಿಡಿ ಮಾಡುವುದಕ್ಕೂ ನಡುವಿನ ನಿಮ್ಮ ಅನುಭವ..?
ಡ್ಯಾನಿಶ್ ಸೇಠ್: ಆನ್ ಸ್ಕ್ರೀನ್ ಹಾಗೂ ಆಫ್ ಸ್ಕ್ರೀನ್ ನಲ್ಲಿ ಕಾಮಿಡಿ ಮಾಡೋದಕ್ಕೂ ತುಂಬಾನೇ ವ್ಯತ್ಯಾಸ ಇದೆ. ಕಟ್ಸ್ ತುಂಬ ಇಂಪಾರ್ಟೆಂಟ್ ಆಗುತ್ತೆ. ಅದ್ರಲ್ಲೂ ಕಾಮಿಡಿ ಪ್ರಧಾನ ಚಿತ್ರವಾದರೇ ಎಡಿಟಿಂಗ್ ಹಾಗೂ ಎಡಿಟಿಂಗ್ ಡೈರೆಕ್ಟರ್ ವರ್ಕ್ ತುಂಬ ತುಂಬ ಇಂಪಾರ್ಟೆಂಟ್ ಆಗಿರುತ್ತೆ.
PRK ಪ್ರೊಡಕ್ಷನ್ ನಲ್ಲಿ ಕೆಲಸ ಮಾಡಿದ ಅನುಭವ..? ಹಾಗೂ ಒಟಿಟಿ ಪ್ಲಾಟ್ ಫಾರ್ಮ್ನಲ್ಲಿ ಚಿತ್ರ ಬಿಡುಗಡೆಯ ಬಗ್ಗೆ ಅಭಿಪ್ರಾಯ..?
ಡ್ಯಾನಿಶ್ ಸೇಠ್: ಪುನೀತ್ ರಾಜ್ ಕುಮಾರ್ ಅವರ ಪ್ರೊಡಕ್ಷನ್ನ 4ನೇ ಚಿತ್ರ ಇದು. ಮಾಯಾಬಜಾರ್, ಕವಲು ದಾರಿ, ಲಾ ನಂತರ ಅವರ ನಿರ್ಮಾಣದ ಚಿತ್ರ ಫ್ರೆಂಚ್ ಬಿರಿಯಾನಿ. ಹೊಸ ಪ್ರತಿಭೆಗಳ ಮೇಲೆ ಬಂಡವಾಳ ಹೂಡುತ್ತಿದ್ದೀರ. ಯಾಕೆ ನೀವು ನಿಮ್ಮ ಚಿತ್ರಕ್ಕೆ ಇನ್ವೆಸ್ಟ್ ಮಾಡಿಲ್ಲ ಎಂದು ನಾನೇ ಪುನೀತ್ ಅವರ ಹತ್ರ ಕೇಳಿದ್ದೆ. ಆದ್ರೆ ಅವರು ನನ್ನ ಪ್ರಶ್ನಗೆ ನೀಡಿದ ಉತ್ತರ ತುಂಬ ಹಿಡಿಸಿತು. ಈಗಿನ ಜನರೇಷನ್ ಯೂತ್ಸ್ ನ ಯೋಚನೆಯೇ ಬೇರೆ ಇರುತ್ತೆ. ಅವರ ವೇವ್ ಲೆಂತ್ ಬೇರೆ ಇರುತ್ತೆ. ಹೀಗಾಗಿ ಜನರೇಷನ್ ಪ್ರಕಾರವೇ ನೋಡಬೇಕು. ಇನ್ನೂ ಪುನೀತ್ ಅವರು ಫಿಲ್ಮ್ ಇಂಡಸ್ಟ್ರಿಯಲ್ಲಿ ಒನ್ ಆಫ್ ದಿ ಇಂಟೆಲಿಜೆಂಟ್ ಮೈಂಡ್. ಇದು ಕೇವಲ ನನ್ನ ಅಭಿಪ್ರಾಯವಷ್ಟೇ ಅಲ್ಲ ಸಾಕಷ್ಟು ಜನರ ಅಭಿಪ್ರಾಯ. ಪುನೀತ್ ಸರ್, ಅಶ್ವಿನಿ ಮೇಡಂ, ಪಿಆರ್ ಕೆ ಟೀಂ ಜೊತೆಗೆ ಕೆಲಸ ಮಾಡಿದ್ದು ಉತ್ತಮ ಅನುಭವ
