ಐಪಿಎಲ್ನಲ್ಲಿ ಡೆಲ್ಲಿ 14 ಸೀಸನ್ಗಳಿಂದ ಇದೆ. ಡೆಲ್ಲಿ ಡೇರ್ ಡೆವಿಲ್ಸ್ ಆಗಿದ್ದಾಗ ಆಗಲಿ, ಡೆಲ್ಲಿ ಕ್ಯಾಪಿಟಲ್ ಆದ್ಮೇಲಾದ್ರೂ ಆಗಲಿ ಇಲ್ಲಿ ತನಕ ಐಪಿಎಲ್ ಟ್ರೋಫಿ ಎತ್ತುವ ಅದೃಷ್ಟ ಮಾತ್ರ ಸಿಕ್ಕಿಲ್ಲ. ಹಲವು ನಾಯಕರು, ಸ್ಟಾರ್ ಆಟಗಾರರು ಬಂದ್ರೂ ಡೆಲ್ಲಿ ಹಣೆಬರಹ ಬದಲಾಗಲಿಲ್ಲ. ಕಳೆದ ಬಾರಿ ಫೈನಲ್ ಪ್ರವೇಶ ಮಾಡಿದ್ರೂ ಪ್ರಶಸ್ತಿ ಸಿಗಲಿಲ್ಲ. ದೇಶೀ ಮತ್ತು ವಿದೇಶೀ ಆಟಗಾರರು ಉತ್ತಮ ಪ್ರದರ್ಶನ ನೀಡುತ್ತಿರುವುದರಿಂದ ಡೆಲ್ಲಿ ಕ್ಯಾಪಿಟಲ್ಸ್ ಬಲಿಷ್ಠ ತಂಡವಾಗಿ ಕಾಣುತ್ತಿದೆ. ಯುಎಇ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಹೈದ್ರಾಬಾದ್ ತಂಡವನ್ನು ಹೀನಾಯವಾಗಿ ಸೋಲಿಸಿದ ಬಳಿಕ ಡೆಲ್ಲಿ ಆತ್ಮವಿಶ್ವಾಸ ಹೆಚ್ಚಿದೆ.
ಇನ್ನೊಂದು ಕಡೆ ರಾಜಸ್ಥಾನ ರಾಯಲ್ಸ್ ಕಂ ಬ್ಯಾಕ್ ಕಿಂಗ್ ಅಂತ ಕರೆಸಿಕೊಳ್ಳುತ್ತಿದೆ. ಪಂಜಾಬ್ ವಿರುದ್ಧ ಬಹುತೇಕ ಕಳೆದುಕೊಂಡಿದ್ದ ಪಂದ್ಯವನ್ನು ಕಾರ್ತಿಕ್ ತ್ಯಾಗಿ ಮ್ಯಾಜಿಕ್ ಮೂಲಕ ಗೆದ್ದುಕೊಂಡ ರಾಯಲ್ಸ್ ಮತ್ತೊಂದು ಗೆಲುವಿನ ನಿರೀಕ್ಷೆಯಲ್ಲಿದೆ. ಜೋಪ್ರಾ ಆರ್ಚರ್, ಬೆನ್ ಸ್ಟೋಕ್ಸ್ ಮತ್ತು ಜೋಸ್ ಬಟ್ಲರ್ ಅನುಪಸ್ಥಿತಿ ರಾಯಲ್ಸ್ ತಂಡಕ್ಕೆ ಕಾಡುತ್ತಿದೆಯಾದ್ರೂ ಲೆವಿಸ್, ಲಿವಿಂಗ್ಸ್ಟೋನ್ ಆ ಕೊರತೆಯನ್ನು ಸಾಧ್ಯವಾದಷ್ಟರ ಮಟ್ಟಿಗೆ ತುಂಬುತ್ತಿದ್ದಾರೆ.
ಶನಿವಾರದ ಪಂದ್ಯಕ್ಕೆ ಎರಡೂ ತಂಡಗಳಲ್ಲಿ ಹೆಚ್ಚಿನ ಬದಲಾವಣೆ ಸ್ವಲ್ಪ ಕಷ್ಟ. ಕ್ಯಾಪಿಟಲ್ಸ್ ತಂಡ ಮಾರ್ಕಸ್ ಸ್ಟೋಯ್ನಿಸ್ ಫಿಟ್ನೆಸ್ ಮೇಲೆ ಕಣ್ಣಿಟ್ಟಿದೆ. ಸ್ಟೋಯ್ನಿಸ್ ಫಿಟ್ ಆಗದೇ ಇದ್ರೆ ಸ್ಟೀವನ್ ಸ್ಮಿತ್ ಕಣಕ್ಕಿಳಿಯಬಹುದು. ರಾಯಲ್ಸ್ ತಂಡಕ್ಕೂ ಸಣ್ಣ ತಲೆನೋವಿದೆ. 16.25 ಕೋಟಿ ವೀರ ಕ್ರಿಸ್ ಮೊರಿಸ್ ಫಾರ್ಮ್ ಚಿಂತೆಯಾಗಿದೆ. ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಮೊರಿಸ್ ಬ್ಯಾಟಿಂಗ್ ಮತ್ತು ಬೌಲಿಂಗ್ಗಳೆರಡಲ್ಲೂ ಕೈ ಕೊಟ್ಟಿದ್ದರು.
ಅಬುಧಾಬಿಯಲ್ಲಿ ಪಂದ್ಯ ನಡೆಯುತ್ತಿದ್ದರುವುದರಿಂದ ಪಿಚ್ ಮೇಲೂ ಕಣ್ಣಿದೆ. ಯುಎಇ ಸಮಯದ ಪ್ರಕಾರ ಮಧ್ಯಾಹ್ನದ ವೇಳೆಗೆ ಪಂದ್ಯ ಆರಂಭವಾಗುತ್ತಿರುವುದರಿಂದ ಡ್ಯೂ ಫ್ಯಾಕ್ಟರ್ ಚಿಂತೆಯಿಲ್ಲ. ಹೀಗಾಗಿ ಡೆಲ್ಲಿ ಹಾಗೂ ರಾಜಸ್ಥಾನ ಟಾಸ್ ಬಗ್ಗೆ ಹೆಚ್ಚು ಚಿಂತೆ ಮಾಡುತ್ತಿಲ್ಲ.
ಸಂಭಾವ್ಯ XI
ಡೆಲ್ಲಿ ಕ್ಯಾಪಿಟಲ್ಸ್
1. ಪೃಥ್ವಿ ಷಾ, 2. ಶಿಖರ್ ಧವನ್, 3.ಶ್ರೇಯಸ್ ಅಯ್ಯರ್, 4 ರಿಷಭ್ ಪಂತ್, 5.ಮಾರ್ಕಸ್ ಸ್ಟೋಯ್ನಿಸ್/ ಸ್ಟೀವನ್ ಸ್ಮಿತ್, 6. ಶಿಮ್ರಾನ್ ಹೆಟ್ಮಯರ್, 7.ಅಕ್ಸರ್ ಪಟೇಲ್, 8. ಆರ್.ಅಶ್ವಿನ್,9. ಕಗಿಸೋ ರಬಾಡಾ, 10. ಅನ್ರಿಚ್ ನೋರ್ಟ್ಜೆ, 11.ಆವೇಶ್ ಖಾನ್
ರಾಜಸ್ಥಾನ್ ರಾಯಲ್ಸ್
ಎವಿನ್ ಲೆವಿಸ್, 2.ಯಶಸ್ವಿ ಜೈಸ್ವಾಲ್, 3 ಸಂಜುಸ್ಯಾಮ್ಸನ್, 4. ಲಿಯಂ ಲಿವಿಂಗ್ಸ್ಟೋನ್, 5. ಮಹಿಪಾಲ್ ಲೊಮ್ರೋರ್, 6.ರಿಯಾನ್ ಪರಾಗ್, 7 ರಾಹುಲ್ ತೆವಾಟಿಯಾ, 8. ಕ್ರಿಸ್ಮೊರಿಸ್, 9.ಚೇತನ್ ಸಕಾರಿಯಾ, 10. ಕಾರ್ತಿಕ್ ತ್ಯಾಗಿ, 11.ಮುಸ್ತಾಫಿಝುರ್ ರೆಹಮಾನ್
