ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದಲ್ಲಿ ಡೀನ್ ಜೋನ್ಸ್ ಗೆ ಗೌರವ ನಮನ
ಡೀನ್ ಜೋನ್ಸ್.. ಆಸ್ಟ್ರೇಲಿಯಾದ ಮಾಜಿ ಆಟಗಾರ. ಕಳೆದ ಐಪಿಎಲ್ ಟೂರ್ನಿಯ ವೇಳೆ ಡೀನ್ ಜೋನ್ಸ್ ನಿಧನರಾಗಿದ್ದರು. ಟೂರ್ನಿಯ ವೀಕ್ಷಣೆ ವಿವರಣೆಕಾರರಾಗಿದ್ದ ಡೀನ್ ಜೋನ್ಸ್ ಅವರು ಮುಂಬೈನ ಖಾಸಗಿ ಹೊಟೇಲ್ ನಲ್ಲಿ ಹೃದಯಘಾತಕ್ಕೀಡಾಗಿದ್ದರು.
ಇದೀಗ ಡೀನ್ ಜೋನ್ಸ್ ಅವರು ಸಾವನ್ನಪ್ಪಿ ಮೂರು ತಿಂಗಳಾಗಿವೆ. ಡೀನ್ ಜೋನ್ಸ್ ಅವರ ತವರು ಅಂಗಣವಾಗಿರುವ ಮೆಲ್ಬರ್ನ್ ಕ್ರೀಡಾಂಗಣದಲ್ಲಿ ಭಾರತ ಮತ್ತು ಆಸ್ಟ್ರೇಲಿಯ ನಡುವಿನ ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದ ವೇಳೆ ಮುನ್ನ ಮಾಜಿ ಆಟಗಾರರನ್ನು ನೆನಪಿಸಿಕೊಳ್ಳಲಾಯ್ತು.
ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರನಾಗಿದ್ದ ಡೀನ್ ಜೋನ್ಸ್ ಅವರ ಬ್ಯಾಟ್ ಮತ್ತು ಕ್ಯಾಪ್ ಅನ್ನು ಸ್ಟಂಪ್ ನಲ್ಲಿಟ್ಟು ಗೌರವ ನಮನವನ್ನು ಸಲ್ಲಿಸಲಾಯ್ತು.
ಡೀನ್ ಜೋನ್ಸ್ ಅವರ ಒಡನಾಡಿ ಹಾಗೂ ಮಾಜಿ ನಾಯಕ ಅಲನ್ ಬಾರ್ಡರ್, ಡೀನ್ ಜೋನ್ಸ್ ಪತ್ನಿ ಜಾನೆ, ಪುತ್ರಿಯರಾದ ಆಗುಸ್ಟಾ ಮತ್ತು ಫೋಬೆ ಅವರು ಮೈದಾನದ ಪಿಚ್ ಗೆ ಆಗಮಿಸಿ ಸ್ಟಂಪ್ ನಲ್ಲಿದ್ದ ಡೀನ್ ಜೋನ್ಸ್ ಅವರ ಬ್ಯಾಟ್ ಮತ್ತು ಕ್ಯಾಪ್ಗೆ ಮುತ್ತಿಕ್ಕಿದ್ರು.
ಇದೇ ವೇಳೆ ಆಸೀಸ್ ಮತ್ತು ಟೀಮ್ ಇಂಡಿಯಾ ಆಟಗಾರರು ಕೂಡ ಶ್ರೇಷ್ಠ ಕ್ರಿಕೆಟಿಗನಿಗೆ ಗೌರವವನ್ನು ಸಲ್ಲಿಸಿದ್ರು.
ಡೀನ್ ಜೋನ್ಸ್ ಅವರು ಆಸ್ಟ್ರೇಲಿಯಾ ಪರ 52 ಟೆಸ್ಟ್ ಪಂದ್ಯಗಳನ್ನು ಆಡಿದ್ದರು. ಒಟ್ಟು 3631 ರನ್ ಗಳಿಸಿದ್ದರು. ಇದ್ರಲ್ಲಿ 11 ಶತಕ ಹಾಗೂ 14 ಅರ್ಧಶತಕಗಳಿದ್ದವು. ಹಾಗೇ 216 ರನ್ ಗಳಿಸಿರುವುದು ಗರಿಷ್ಠ ಸ್ಕೋರು.
ಇನ್ನು 164 ಏಕದಿನ ಪಂದ್ಯಗಳನ್ನು ಆಡಿರುವ ಡೀನ್ ಜೊನ್ಸ್ 6068 ರನ್ ದಾಖಲಿಸಿದ್ದರು. ಇದ್ರಲ್ಲಿ ಏಳು ಶತಕ ಹಾಗೂ 46 ಅರ್ಧಶತಕಗಳಿವೆ.
ಆಸ್ಟ್ರೇಲಿಯಾ ತಂಡದ ಪರ 1984ರಿಂದ 1994ರವರೆಗೆ ಆಡಿದ್ದ ಡೀನ್ ಜೋನ್ಸ್ ಅವರನ್ನು ಆಪ್ತ ವಲಯದಲ್ಲಿ ಡೀನ್, ಪ್ರೊಫೆಸರ್ ಅಂತ ಕರೆಯಲಾಗುತ್ತಿತ್ತು,
