ಧಾರವಾಡದ ಎಮ್ಮೆ ತಳಿಗೆ ರಾಷ್ಟ್ರೀಯ ಮಾನ್ಯತೆ…!
ಧಾರವಾಡದ ಎಮ್ಮೆ ತಳಿಗೆ ಇದೀಗ ರಾಷ್ಟ್ರೀಯ ಮಾನ್ಯತೆ ಸಿಕ್ಕಿದೆ. ಹೌದು ದೇಶದಲ್ಲಿ ಗುರುತಿಸಲಾಗಿರುವ ಎಮ್ಮೆ ತಳಿಗಳ ಪೈಕಿ ಧಾರವಾಡದ ತಳಿ 18ನೇ ತಳಿಯಾಗಿ ಸೇರಿಕೊಂಡಿದ್ದು , ದಾರವಾಡದ, ರಾಜ್ಯದ ಹಿರಿಮೆ ಹೆಚ್ಚಿಸಿದೆ.
ದೆಹಲಿಯ ಭಾರತೀಯ ಕೃಷಿ ಅನುಸಂಧಾನ ಪರಿಷತ್ ನ ಪಶುವಿಭಾಗವು ಕರ್ನಾಟಕದ ಎಮ್ಮೆ ಧಾರವಾಡಿ ತಳಿ ಗೆ ಇಂಡಿಯ ಬಫೆಲೋ 0800 ಧಾರವಾಡಿ 01018 ಎಂದು ತಳಿ ಪ್ರವೇಶ ಸಂಖ್ಯೆ ನೀಡಿದೆ.
ಈ ಮೂಲಕ ಎಮ್ಮೆಗಳಲ್ಲಿ ಮಾನ್ಯತೆ ಪಡೆದ ರಾಜ್ಯದ ಮೊದಲ ತಳಿ ಇದಾಗಿದೆ.
ರಾಜ್ಯದಲ್ಲಿ ಹೆಚ್ಚಾಯ್ತು ಡೆಂಘಿ , ಚಿಕನ್ ಗುನ್ಯ ಪ್ರಕರಣಗಳು..!
ಧಾರವಾಡ ಕೃಷಿ ವಿಶ್ವ ವಿದ್ಯಾಲಯದ ಪಶುವಿಜ್ಞಾನ ವಿಭಾಗ 1970 ರಿಂದ ಮಾನ್ಯತೆ ಪಡೆಯಲು ಪ್ರಯತ್ನಸುತ್ತಿತ್ತು, 2017 ರಲ್ಲಿ ವರದಿ ಸಲ್ಲಿಸಿತ್ತು. ಇದೀಗ ಆ ಪ್ರಯತ್ನ ಫಲಿಸಿದೆ.
ಧಾರವಾಡದ ಈ ತಳಿಯ ಎಮ್ಮೆಗಳು ಕರ್ನಾಟಕದ ಉತ್ತರ ಭಾಗದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಉತ್ತರ ಕರ್ನಾಟಕ ಭಾಗದ 14 ಜಿಲ್ಲೆಗಳ ವ್ಯಾಪ್ತಿಯಲ್ಲಿ ಈ ತಳಿ ಕಾಣಿಸುತ್ತದೆ. ಇನ್ನೂ ಸುಮಾರು 12.05 ಲಕ್ಷ ಧಾರವಾಡದ ತಳಿ ಎಮ್ಮೆಗಳಿವೆ.
ಈ ತಳಿ ತನ್ನ ಜೀವಿತಾವಧಿಯಲ್ಲಿ ಐದು ಬಾರಿ ಕರು ಹಾಕುತ್ತದೆ. ಒಮ್ಮೆ ಕರು ಹಾಕಿದರೆ 335 ದಿನ ಹಾಲು ನೀಡುತ್ತದೆ ಮತ್ತು ಇದರ ಹಾಲಿನಲ್ಲಿ 7% ರಷ್ಟು ಕೊಬ್ಬಿನಾಂಶ ಇದೆ.
ಹೆಚ್ಚು ಕೊಬ್ಬಿನಾಂಶದ ಹಾಲಿನ ಕಾರನ ಸಿಹಿ ತಿನಿಸುಗಳಿಗೆ ಈ ಎಮ್ಮೆ ಹಾಲನ್ನು ಬಳಸಲಾಗುತ್ತದೆ. ಇನ್ನೂ ನಾನಾ ರೀತಿಯಾದ ವಿಶೇಷತೆಗಳಿಂದಾಗಿ ಈ ಎಮ್ಮೆ ತಳಿ ಇದೀಗ ಜಾಗತಿಕ ಮಟ್ಟದಲ್ಲಿ ಮಾನ್ಯತೆ ಪಡೆದಿದೆ.