ಬೂಸ್ಟರ್ ಡೋಸ್ ತೆಗದುಕೊಳ್ಳಿ – ನಟ ಧರ್ಮೇಂದ್ರ ಮನವಿ
86 ವರ್ಷದ ಬಹುಮುಖ ಪ್ರತಿಭೆ ಬಾಲಿವುಡ್ ನಟ ಧರ್ಮೇಂದ್ರ ಅವರು ಕರೋನಾ ಲಸಿಕೆಯ ಬೂಸ್ಟರ್ ಡೋಸ್ ಪಡೆದಿದ್ದಾರೆ. ಲಸಿಕೆ ಪಡೆದ ವೀಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಸ್ಥಳೀಯ ಅಧಿಕಾರಿಗಳು ಮತ್ತು ವೈದ್ಯರ ತಂಡವೂ ಅವರೊಂದಿಗೆ ಕಾಣಿಸಿಕೊಂಡಿದೆ. ವೀಡಿಯೊ ಜೊತೆ, ಖಂಡಿತವಾಗಿ ಬೂಸ್ಟರ್ ಡೋಸ್ ತೆಗೆದುಕೊಳ್ಳಿ ಎಂದು ಸ್ನೇಹಿತರು ಮತ್ತು ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ.
ನಾನು ಬೂಸ್ಟರ್, ಬೂಸ್ಟರ್ ತೆಗೆದುಕೊಳ್ಳುತ್ತಿದ್ದೇನೆ. ಎಲ್ಲರೂ ತೆಗೆದುಕೊಳ್ಳಬೇಕು ನೋವು ಇರಲಿಲ್ಲ. ಧರ್ಮೇಂದ್ರ ಅವರು ಲಸಿಕೆ ಹಾಕಿದ ನರ್ಸ್‌ಗೆ ತಲೆಯ ಮೇಲೆ ಕೈಯಿಟ್ಟು ಆಶೀರ್ವದಿಸಿದರು. ಅಲ್ಲದೆ ಮಾಸ್ಕ್ ಗಳನ್ನೂ ಧರಿಸಬೇಕು ಎಂದು ಹೇಳಿದರು. ನಟ ಧರ್ಮೇಂದ್ರ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯರಾಗಿರುತ್ತಾರೆ. ತಮ್ಮ ಫಾರ್ಮ್‌ ಹೌಸ್‌ನಲ್ಲಿ ವಾಸವಾಗಿರುವಾಗಲೇ ಹಲವು ವೀಡಿಯೋಗಳನ್ನು ಮಾಡಿ ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಿದ್ದಾರೆ.
https://www.instagram.com/reel/CYn3ecUtHST/?utm_source=ig_embed&ig_rid=293f6e9b-c8c0-4fdc-a9f9-a5f0b18c7209
ಇನ್ನೂ ವೃತ್ತಿ ಜೀವನದ ಬಗ್ಗೆ ಮಾತನಾಡುವುದಾದರೆ ಇಳಿವಯಸ್ಸಿನಲ್ಲೂ ಕರಣ್ ಜೋಹರ್ ಅವರ ಚಿತ್ರ ರಾಕಿ ಮತ್ತು ರಾಣಿಯ ಪ್ರೇಮಕಥೆಯಲ್ಲಿ ಕಾಣಿಸಿಕೊಳ್ಳುತ್ತಾರೆ. ಇದರಲ್ಲಿ ಅವರದ್ದು ಪಾರ್ಶ್ವವಾಯು ಪೀಡಿತ ವ್ಯಕ್ತಿಯ ಪಾತ್ರ. ಈ ಚಿತ್ರದಲ್ಲಿ ಶಬಾನಾ ಅಜ್ಮಿ, ಜಯಾ ಬಚ್ಚನ್, ರಣವೀರ್ ಸಿಂಗ್ ಮತ್ತು ಆಲಿಯಾ ಭಟ್ ಕೂಡ ನಟಿಸಲಿದ್ದಾರೆ. ಚಿತ್ರವು 10 ಫೆಬ್ರವರಿ 2023 ರಂದು ಬಿಡುಗಡೆಯಾಗಲಿದೆ.
