ಯೂರೋ ಕಪ್ 2021- ನೆದರ್ಲೆಂಡ್, ಸ್ಲೊವೇಕಿಯಾಗೆ ಜಯ.
ಪ್ರತಿಷ್ಠಿತ ಯೂರೋ ಕಪ್ ಫುಟ್ ಬಾಲ್ ಟೂರ್ನಿಯ ಇ ಗುಂಪಿನ ಪಂದ್ಯದಲ್ಲಿ ಸ್ಪೇನ್ ಮತ್ತು ಸ್ವೀಡನ್ ತಂಡಗಳು ಸಮಬಲದ ಹೋರಾಟ ನಡೆಸಿವೆ. ಪರಿಣಾಮ ಪಂದ್ಯ ಗೋಲು ರಹಿತವಾಗಿ ಡ್ರಾನಲ್ಲಿ ಅಂತ್ಯಗೊಂಡಿವೆ.
ಅದೇ ರೀತಿ ಇ ಗುಂಪಿನ ಮತ್ತೊಂದು ಪಂದ್ಯದಲ್ಲಿ ಸ್ಲೋವೇಕಿಯಾ ತಂಡ ಶುಭಾರಂಭ ಮಾಡಿದೆ. ಲೀಗ್ ನ ಮೊದಲ ಪಂದ್ಯದಲ್ಲಿ ಸ್ಲೊವೇಕಿಯಾ ತಂಡ 2-1 ಗೋಲುಗಳಿಂದ ಪೋಲೆಂಡ್ ತಂಡವನ್ನು ಪರಾಭವಗೊಳಿಸಿದೆ.
ಸ್ಲೊವೇಕಿಯಾ ತಂಡದ ಪರ 18ನೇ ನಿಮಿಷದಲ್ಲಿ ವೊಜೆಸಿಕ್ ಅವರು ಮೊದಲ ಗೋಲು ದಾಖಲಿಸಿದ್ರೆ, ಪಂದ್ಯದ 69ನೇ ನಿಮಿಷದಲ್ಲಿ ಮಿಲನ್ ಸ್ಕ್ರಿನರ್ ಅವರು ಎರಡನೇ ಗೋಲು ದಾಖಲಿಸಿ ತಂಡದ ಗೆಲುವಿನ ರೂವಾರಿಯಾದ್ರು. ಪೊಲೆಂಡ್ ತಂಡದಿಂದ ಕಾರೊಲಿ ಲಿನೆಟಿ ಅವರು 45ನೇ ನಿಮಿಷದಲ್ಲಿ ಏಕೈಕ ಗೋಲು ದಾಖಲಿಸಿದ್ರು..
ಇನ್ನು ಡಿ ಗುಂಪಿನ ಪಂದ್ಯದಲ್ಲಿ ಚೆಕ್ ಗಣರಾಜ್ಯ ತಂಡ 2-0 ಗೋಲುಗಳಿಂದ ಸ್ಕಾಟ್ ಲೆಂಡ್ ತಂಡವನ್ನು ಮಣಿಸಿತು ಚೆಕ್ ಗಣರಾಜ್ಯದ ಪರ ಪ್ಯಾಟ್ರಿಕ್ ಸ್ಚಿಕ್ ಅವರು 42 ಮತ್ತು 52ನೇ ನಿಮಿಷಗಲ್ಲಿ ಗೋಲು ದಾಖಲಿಸಿ ತಂಡಕ್ಕೆ ಜಯವನ್ನು ತಂದುಕೊಟ್ರು.
ಸಿ ಗುಂಪಿನ ಪಂದ್ಯದಲ್ಲಿ ನೆದರ್ ಲೆಂಡ್ ತಂಡ 3-2 ಗೋಲುಗಳಿಂದ ಉಕ್ರೇನ್ ತಂಡವನ್ನು ಮಣಿಸಿದೆ.
ನೆದರ್ ಲೆಂಡ್ ತಂಡದಿಂದ ಜಾರ್ಗಿನೊ, ವೂಟ್ ವೆಗೋಸ್ಟ್ ಮತ್ತು ಡೆಂಝಿಲ್ ಡುಂಫ್ರೆಸ್ ಅವರು ಗೋಲು ದಾಖಲಿಸಿದ್ರೆ, ಉಕ್ರೇನ್ ತಂಡದ ಪರ ಆಂಡ್ರಿ ಯಾರ್ಮೊಲೆಂಕೊ ಮತ್ತು ರೊಮಾನ್ ಯರೆಂಚುಕ್ ಅವರು ಗೋಲು ಬಾರಿಸಿ ತಂಡದ ಸೋಲಿನ ಅಂತರವನ್ನು ಕಮ್ಮಿ ಮಾಡಿದ್ರು.
