Film Employees Strike : ತೆಲುಗು ಫಿಲ್ಮ್ ಫೆಡರೇಷನ್ ಬಳಿ ಟೆನ್ಷನ್.. ಟೆನ್ಷನ್..  

1 min read
film-employees-strike-tollywood saaksha tv

film-employees-strike-tollywood saaksha tv

Film Employees Strike : ತೆಲುಗು ಫಿಲ್ಮ್ ಫೆಡರೇಷನ್ ಬಳಿ ಟೆನ್ಷನ್.. ಟೆನ್ಷನ್..  

ವೇತನ ಹೆಚ್ಚಳಕ್ಕೆ ಆಗ್ರಹಿಸಿ 24 ಇಲಾಖೆಗಳ ಕಾರ್ಮಿಕರು ತೆಲುಗು ಫಿಲಂ ಚೇಂಬರ್ ಎದುರು ಧರಣಿ ನಡೆಸುತ್ತಿದ್ದಾರೆ.

ಇದರ ಭಾಗವಾಗಿ ಸಿನಿ ಕಾರ್ಯಕರ್ತರು ಶೂಟಿಂಗ್ ನಲ್ಲೂ ಭಾಗವಹಿಸಿಲ್ಲ. ಜತೆಗೆ ಕಿರಿಯ ಕಲಾವಿದರನ್ನು ಕರೆದೊಯ್ಯುತ್ತಿದ್ದ ಬಸ್ ಗಳನ್ನು ಒಕ್ಕೂಟದ ಸದಸ್ಯರು ತಡೆದು ನಿಲ್ಲಿಸಿದ್ದಾರೆ.

ಇದರ ಪರಿಣಾಮ ಹೈದರಾಬಾದ್ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ 20ಕ್ಕೂ ಹೆಚ್ಚು ಚಿತ್ರೀಕರಣ ನಡೆಸುತ್ತಿದ್ದ ತೆಲುಗು, ತಮಿಳು, ಹಿಂದಿ ಚಿತ್ರಗಳ ಚಿತ್ರೀಕರಣ ಸ್ಥಗಿತಗೊಂಡಿದೆ.

ಸಂಭಾವನೆ ಹೆಚ್ಚಳದ ಬಗ್ಗೆ ಶೀಘ್ರವೇ ತೀರ್ಮಾನ ಕೈಗೊಳ್ಳಬೇಕು ಎಂದು ಫೆಡರೇಷನ್ ಕಾರ್ಯಕಾರಿ ಸಮಿತಿ ಸದಸ್ಯರು,  ಮಂಗಳವಾರ ಫಿಲಂ ಚೇಂಬರ್ ಹಾಗೂ ನಿರ್ಮಾಪಕರ ಮಂಡಳಿಗೆ ಎಚ್ಚರಿಕೆ ನೀಡಿದ್ದರು.

film-employees-strike-tollywood saaksha tv
film-employees-strike-tollywood saaksha tv

ಆದರೆ, ಈ ಬಗ್ಗೆ ತಮಗೆ ಯಾವುದೇ ಪೂರ್ವ ಮಾಹಿತಿ ಇಲ್ಲ ಎಂದು ತೆಲುಗು ಚಲನಚಿತ್ರ ವಾಣಿಜ್ಯ ಮಂಡಳಿಯ ನೂತನ ಅಧ್ಯಕ್ಷ ಕೊಲ್ಲಿ ರಾಮಕೃಷ್ಣ ಹೇಳಿದ್ದಾರೆ.

ಒಕ್ಕೂಟದಿಂದ ತಮಗೆ ಯಾವುದೇ ಮುಷ್ಕರದ ಸೂಚನೆ ಬಂದಿಲ್ಲ, ಒಂದು ವೇಳೆ ಕಾರ್ಮಿಕರು ಮುಷ್ಕರ ಮಾಡಬೇಕಾದರೆ 15 ದಿನಗಳ ಮೊದಲೇ ನೋಟೀಸ್ ಕೊಡಬೇಕೆಂದು ತಿಳಿಸಿದರು. 

ಇದೇ ವೇಳೆ ಅಧ್ಯಕ್ಷ ರಾಮಕೃಷ್ಣ ಅವರ ಹೇಳಿಕೆಯನ್ನು ಚಲನಚಿತ್ರ ಕಾರ್ಮಿಕರ ಒಕ್ಕೂಟ ಖಂಡಿಸಿದೆ. ಇದೇ ತಿಂಗಳ 6ರಂದು ಒಕ್ಕೂಟದ ಸದಸ್ಯರು ಚೇಂಬರ್‌ಗೆ ತಿಳಿಸಿರುವುದಾಗಿ ಮಾಧ್ಯಮದವರ ಮುಂದೆ ತಮ್ಮ ಪತ್ರವನ್ನು ಮಂಡಿಸಿದರು.

ವೇತನ ಪರಿಷ್ಕರಣೆ ಅವಧಿ ಮುಗಿದು 13 ತಿಂಗಳು ಕಳೆದಿದ್ದು, ತಕ್ಷಣದ ವೇತನ ಪರಿಷ್ಕರಣೆಯಾದ 15 ದಿನಗಳ ವರೆಗೆ ಯಾವುದೇ ಕಾರ್ಮಿಕರು ಶೂಟಿಂಗ್‌ಗೆ ಹಾಜರಾಗಬಾರದು ಎಂದು ನಿರ್ಧರಿಸಲಾಗಿದೆ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.  

Leave a Reply

Your email address will not be published.

YOU MUST READ

Copyright © All rights reserved | SaakshaTV | JustInit DigiTech Pvt Ltd