ನ್ಯೂಜಿ಼ಲೆಂಡ್ ತಂಡದ ಪ್ರಮುಖ ಬ್ಯಾಟರ್ ಆಗಿರುವ ಡೆರಿಲ್ ಮಿಚೆಲ್ ಐಸಿಸಿ ಏಕದಿನ ವಿಶ್ವಕಪ್ನಲ್ಲಿ ಭಾರತದ ವಿರುದ್ಧ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸುವ ಮೂಲಕ ಶತಕ ಸಿಡಿಸಿ ಮಿಂಚಿದರು.
ಧರ್ಮಶಾಲಾದ ಹಿಮಾಚಲ ಪ್ರದೇಶ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಅದ್ಭುತ ಆಟವಾಡಿದ ಮಿಚೆಲ್(130 ರನ್, 127 ಬಾಲ್, 9 ಬೌಂಡರಿ ಹಾಗೂ 5 ಸಿಕ್ಸ್) ಭರ್ಜರಿ ಶತಕ ಸಿಡಿಸಿ ಅಬ್ಬರಿಸಿದರು. ತಮ್ಮ ಈ ಪ್ರದರ್ಶನದ ಮೂಲಕ ವಿಶ್ವಕಪ್ನಲ್ಲಿ 48 ವರ್ಷಗಳ ಬಳಿಕ ಭಾರತದ ವಿರುದ್ಧ ಶತಕ ಬಾರಿಸಿದ ಮೊದಲ ಕಿವೀಸ್ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಡೆರಿಲ್ ಮಿಚೆಲ್ ಭಾಜನರಾದರು.
4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಡೆರಿಲ್ ಮಿಚೆಲ್, ತಮ್ಮ ಇನ್ನಿಂಗ್ಸ್ನ ಆರಂಭದಿಂದಲೂ ಎಚ್ಚರಿಕೆಯ ಆಟವಾಡಿದರು. ಟೀಂ ಇಂಡಿಯಾದ ಬೌಲಿಂಗ್ ದಾಳಿಯನ್ನ ಸಮರ್ಥವಾಗಿ ಎದುರಿಸಿದ ಮಿಚೆಲ್, ಏಕದಿನ ವಿಶ್ವಕಪ್ನ ತಮ್ಮ ಮೊದಲ ಹಾಗೂ ಪ್ರಸಕ್ತ ವರ್ಷದಲ್ಲಿ ನಾಲ್ಕನೇ ಏಕದಿನ ಶತಕ ದಾಖಲಿಸಿದರು. ಈ ಶತಕದೊಂದಿಗೆ ವಿಶ್ವಕಪ್ನಲ್ಲಿ ಭಾರತದ ವಿರುದ್ಧ ಶತಕ ದಾಖಲಿಸಿದ 2ನೇ ಕಿವೀಸ್ ಬ್ಯಾಟ್ಸ್ಮನ್ ಎನಿಸಿದರು. ಈ ಹಿಂದೆ ಗ್ಲೆನ್ ಟರ್ನರ್ ಅವರು ಭಾರತದ ವಿರುದ್ಧ ಏಕದಿನ ವಿಶ್ವಕಪ್ ಶತಕ ದಾಖಲಿಸಿದ್ದರು.
ಈ ಶತಕದೊಂದಿಗೆ ಒಂದೇ ವರ್ಷದಲ್ಲಿ ಹೆಚ್ಚು ಶತಕಗಳನ್ನ ಬಾರಿಸಿದ ಕಿವೀಸ್ ಬ್ಯಾಟರ್ಗಳ ಲಿಸ್ಟ್ ಸೇರಿದರು. ಒಂದೇ ವರ್ಷದಲ್ಲಿ ಹೆಚ್ಚಿನ ಶತಕ ಬಾರಿಸಿದ ನ್ಯೂಜಿ಼ಲೆಂಡ್ ಬ್ಯಾಟರ್ಗಳ ಸಾಲಿನಲ್ಲಿ ಮಾರ್ಟಿನ್ ಗಪ್ಟಿಲ್(2015), ರಾಸ್ ಟೇಲರ್(2015), ಡೆವೋನ್ ಕಾನ್ವೆ(2023) ಹಾಗೂ ಇದೀಗ ಡೆರಿಲ್ ಮಿಚೆಲ್ ಪ್ರಸಕ್ತ ವರ್ಷದಲ್ಲಿ ತಮ್ಮ 4ನೇ ಏಕದಿನ ಶತಕ ದಾಖಲಿಸಿ ಮಿಂಚಿದರು. ಪ್ರಸಕ್ತ ವರ್ಷದಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಫಾರ್ಮ್ ಹೊಂದಿರುವ ಮಿಚೆಲ್, 20 ಇನ್ನಿಂಗ್ಸ್ಗಳಲ್ಲಿ 51.11ರ ಸರಾಸರಿ ಹಾಗೂ 96.63ರ ಸ್ಟ್ರೈಕ್ರೇಟ್ನಲ್ಲಿ 920 ರನ್ಗಳಿಸಿದ್ದಾರೆ.
IND v NZ, Team India, New Zealand, Daryl Mitchell, World Cup