ಐಸಿಸಿ ಏಕದಿನ ವಿಶ್ವಕಪ್ನ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನದಿಂದ ಮಿಂಚಿದ ವೇಗಿ ಮೊಹಮ್ಮದ್ ಶಮಿ(5/18) ಒಂದೇ ಪಂದ್ಯದಲ್ಲಿ ಹಲವು ದಾಖಲೆಗಳನ್ನ ಮುರಿದಿದ್ದಾರೆ.
ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಆಕ್ರಮಣಕಾರಿ ಬೌಲಿಂಗ್ ದಾಳಿ ನಡೆಸಿದ ಮೊಹಮ್ಮದ್ ಶಮಿ, ಪ್ರಮುಖ 5 ವಿಕೆಟ್ಗಳನ್ನ ಪಡೆದು ಅಬ್ಬರಿಸಿದರು. ಆ ಮೂಲಕ ಟೀಂ ಇಂಡಿಯಾದ ಗೆಲುವಿನ ಹೀರೋ ಆಗಿ ಮಿಂಚಿದರು. ಅಲ್ಲದೇ ಈ ಪ್ರದರ್ಶನದ ಮೂಲಕ ಏಕದಿನ ವಿಶ್ವಕಪ್ನ ಹಲವು ದಾಖಲೆಗಳನ್ನ ಬರೆದು ಗಮನ ಸೆಳೆದರು. ಈ ಪ್ರದರ್ಶನದಿಂದ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.
ಪ್ರಮುಖವಾಗಿ ಏಕದಿನ ವಿಶ್ವಕಪ್ನಲ್ಲಿ ಭಾರತದ ಪರ ಹೆಚ್ಚು ವಿಕೆಟ್(45 ವಿಕೆಟ್) ಪಡೆದು ಮಿಂಚಿದರಲ್ಲದೆ, ಭಾರತದ ಮಾಜಿ ಕ್ರಿಕೆಟಿಗರಾದ ಜಾವಗಲ್ ಶ್ರೀನಾಥ್(44 ವಿಕೆಟ್) ಹಾಗೂ ಜಹೀರ್ ಖಾನ್(44 ವಿಕೆಟ್) ಅವರುಗಳ ಜಂಟಿ ದಾಖಲೆಯನ್ನ ಹಿಂದಿಕ್ಕಿದರು. ಇದಲ್ಲದೇ ಏಕದಿನ ವಿಶ್ವಕಪ್ನಲ್ಲಿ 7ನೇ ಬಾರಿ 4 ವಿಕೆಟ್ಗಳನ್ನ ಪಡೆದ ಶಮಿ, ಆ ಮೂಲಕ ಹೆಚ್ಚು ಬಾರಿ 4 ವಿಕೆಟ್ ಪಡೆದ ಹೆಗ್ಗಳಿಕೆ ಪಡೆದರು.
ಇನ್ನೂ ಪ್ರಸಕ್ತ ವಿಶ್ವಕಪ್ನಲ್ಲಿ 2ನೇ ಬಾರಿಗೆ 5 ವಿಕೆಟ್ಗಳನ್ನ ಪಡೆದು ಮಿಂಚಿದ ಮೊಹಮ್ಮದ್ ಶಮಿ, ಏಕದಿನ ವಿಶ್ವಕಪ್ನಲ್ಲಿ ಹೆಚ್ಚು ಬಾರಿ 5 ವಿಕೆಟ್ಗಳನ್ನ ಪಡೆದ ಮಿಚೆಲ್ ಸ್ಟಾರ್ಕ್(3 ಬಾರಿ) ಅವರ ದಾಖಲೆಯನ್ನ ಸರಿಗಟ್ಟಿದರು. ಅಲ್ಲದೇ ಏಕದಿನ ಕ್ರಿಕೆಟ್ನಲ್ಲಿ 4ನೇ ಬಾರಿಗೆ 5 ವಿಕೆಟ್ ಪಡೆದುಕೊಂಡರಲ್ಲದೇ, ಏಕದಿನ ಕ್ರಿಕೆಟ್ನಲ್ಲಿ ಭಾರತದ ಪರ 14ನೇ ಬಾರಿಗೆ 4 ವಿಕೆಟ್ಗಳನ್ನ ಪಡೆದುಕೊಂಡರು.
IND v SL, Team India, Sri Lanka, Mohammad Shami, ODI Cricket
