ನವದೆಹಲಿ, ಸೆ.16: ಭಾರತೀಯ ರೈಲ್ವೆ ಇಲಾಖೆಯು (Indian Railway Department) ರೈಲು ಟಿಕೆಟ್ ಬುಕ್ಕಿಂಗ್ನಲ್ಲಿ (Train Ticket Booking) ಹೊಸ ನಿಯಮ ತರಲು ನಿರ್ಧರಿಸಿದೆ. ಹಾಗಿದ್ದರೆ ಏನದು ಹೊಸ ನಿಯಮ? ಯಾವಗ ಜಾರಿಗೆ ಬರಲಿದೆ? ಟಿಕೆಟ್ ಬುಕ್ಕಿಂಗ್ಗೆ ನೂತನ ಮಾರ್ಗಸೂಚಿಗಳೇನು ಎಂಬ ವಿವರ ಇಲ್ಲಿದೆ. ರೈಲ್ವೆ ಇಲಾಖೆಗೆ ಸಂಬಂಧಪಟ್ಟ ಆ್ಯಪ್, ವೆಬ್ಸೈಟ್ಗಳಲ್ಲಿ ಆಧಾರ್ ದೃಢೀಕರಣ ಪೂರ್ಣಗೊಳಿಸಿದ ಜನರು ಮಾತ್ರ ಬುಕಿಂಗ್ ತೆರೆದ ನಂತರ ಮೊದಲ 15 ನಿಮಿಷಗಳಲ್ಲಿ ಆನ್ಲೈನ್ನಲ್ಲಿ ಟಿಕೆಟ್ಗಳನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ. ಈ ನಿಯಮವು IRCTC ವೆಬ್ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್ ಎರಡಕ್ಕೂ ಅನ್ವಯಿಸುತ್ತದೆ.
ಪ್ರಸ್ತುತ ತತ್ಕಾಲ್ ಬುಕಿಂಗ್ಗಳಿಗೆ ಮಾತ್ರ ಅನ್ವಯವಾಗುವ ಈ ನಿಯಮವು ಈಗ ಸಾಮಾನ್ಯ ಮೀಸಲಾತಿಗಳಿಗೂ ವಿಸ್ತರಿಸಲಿದೆ. ಈ ಹೊಸ ನಿಯಮವು ಅಕ್ಟೋಬರ್ 1 ರಿಂದ ಜಾರಿಗೆ ಬರಲಿದೆ. ಆರಂಭಿಕವಾಗಿ ರೈಲ್ವೆನ ಗ್ರಾಹಕರಿಗೆ ಮೊದಲ ಆದ್ಯತೆ ನೀಡುವುದು ಹೊಸ ನಿಯಮದ ಮುಖ್ಯ ಉದ್ದೇಶವಾಗಿದೆ. ಟಿಕೆಟ್ ಬುಕಿಂಗ್ ಪ್ರಾರಂಭವಾದ ತಕ್ಷಣ, ಏಜೆಂಟ್ಗಳು ಅಥವಾ ಸಾಫ್ಟ್ವೇರ್ ಸಹಾಯದಿಂದ ಸೀಟುಗಳನ್ನು ಮುಂಚಿತವಾಗಿ ಕಾಯ್ದಿರಿಸಲಾಗುತ್ತದೆ.
ಇದರಿಂದ ಅನೇಕ ಪ್ರಯಾಣಿಕರು ಟಿಕೆಟ್ ಬುಕಿಂಗ್ನಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಇದನ್ನು ತಪ್ಪಿಸಲು ರೈಲ್ವೆ ಇಲಾಖೆ ಈ ಹೊಸ ನಿಯಮವನ್ನು ಜಾರಿಗೆ ತಂದಿದೆ. ಈ ಮೂಲಕ ಇನ್ಮುಂದೆ ನಿಜವಾಗಿಯೂ ಟಿಕೆಟ್ ಅಗತ್ಯ ಇರುವವರು ತಕ್ಷಣ ಟಿಕೆಟ್ಗಳನ್ನು ಬುಕ್ ಮಾಡಬಹುದು. ಈ ಹೊಸ ನಿಯಮದಿಂದ ಬುಕಿಂಗ್ಗಳಲ್ಲಿ ಆಗವ ಮೋಸ ತಡೆಯುವ ಮತ್ತು ಪ್ರಯಾಣಿಕರಿಗೆ ನ್ಯಾಯ ಒದಗಿಸುವ ಗುರಿಯನ್ನು ಹೊಂದಿದೆ.
ಟಿಕೆಟ್ ಬುಕ್ಕಿಂಗ್ ತೆರೆದ ಮೊದಲ 10 ನಿಮಿಷಗಳ ಕಾಲ ಅಧಿಕೃತ ಏಜೆಂಟ್ಗಳು (ಮೆಂಬರ್ಶಿಪ್ ಪಡೆದವರು) ಟಿಕೆಟ್ ಬುಕ್ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ರೈಲ್ವೆ ಇಲಾಖೆ ಸ್ಪಷ್ಟಪಡಿಸಿದೆ. ಈ ನಿಯಮ ಈಗಾಗಲೇ ಜಾರಿಯಲ್ಲಿತ್ತು ಮತ್ತು ಭವಿಷ್ಯದಲ್ಲಿಯೂ ಮುಂದುವರಿಯುತ್ತದೆ ಎಂದು ಹೇಳಿದೆ. ಪಿಆರ್ಎಸ್ ಕೌಂಟರ್ಗಳಿಂದ (ರೈಲು ನಿಲ್ದಾಣಗಳಲ್ಲಿ) ಟಿಕೆಟ್ ಖರೀದಿಸುವ ನಿಯಮಗಳು ಮತ್ತು ಸಮಯಗಳಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
