ಎರಡೂ ತಂಡಗಳು ಯುಎಇ ಆವೃತ್ತಿಯ ಟೂರ್ನಿಯಲ್ಲಿ ತಲಾ ಎರಡೆರಡು ಪಂದ್ಯಗಳನ್ನು ಆಡಿವೆ. ಆದರೆ ಎರಡರಲ್ಲೂ ಸೋತಿದೆ. ಬ್ಯಾಟಿಂಗ್ ಅಂದುಕೊಂಡಷ್ಟು ಕ್ಲಿಕ್ ಆಗಿಲ್ಲ.
ಬೌಲಿಂಗ್ ಪಂದ್ಯ ಗೆಲ್ಲಿಸಿಕೊಡುವ ಪ್ರದರ್ಶನ ನೀಡಿಲ್ಲ. ತಂಡದಲ್ಲಿ ಬದಲಾವಣೆ ಮಾಡಿದರೂ ಫಲಿತಾಂಶದಲ್ಲಿ ವ್ಯತ್ಯಾಸ ಆಗಿಲ್ಲ. ಈ ಮಧ್ಯೆ ಪಾಯಿಂಟ್ ಟೇಬಲ್ನಲ್ಲಿ ಏರು ಪೇರು ಆಗ್ತಾ ಇರೋದ್ರಿಂದ ಪ್ಲೇ-ಆಫ್ ಸ್ಥಾನವೂ ಗಟ್ಟಿಯಾಗಿಲ್ಲ.
ಈ ಎಲ್ಲಾ ಲೆಕ್ಕಾಚಾರಗಳನ್ನು ತಲೆಯಲ್ಲಿ ಇಟ್ಟುಕೊಂಡೇ ಮುಂಬೈ ಇಂಡಿಯನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕಣಕ್ಕಿಳಿಯುತ್ತಿದೆ.
ದುಬೈ ಅಂತರಾಷ್ಟ್ರೀಯ ಮೈದಾನದಲ್ಲಿ ಕಣಕ್ಕಿಳಿಯುವ ಮೊದಲು ಎರಡೂ ತಂಡಗಳು ಗೆಲುವಿನ ಒತ್ತಡದಲ್ಲಿದೆ. ಒಂದು ವೇಳೆ ರಾಯಲ್ ಚಾಲೆಂಜರ್ಸ್ ಈ ಪಂದ್ಯವನ್ನು ಸೋತರೆ ಅಂಕಪಟ್ಟಿಯಲ್ಲಿ ಮತ್ತಷ್ಟು ಕೆಳಗೆ ಇಳಿಯುತ್ತದೆ.
ಮುಂಬೈ ಇಂಡಿಯನ್ಸ್ ಸೋತರೆ ಮುಂದಿನ ನಾಲ್ಕು ಪಂದ್ಯಗಳ ಪೈಕಿ ನಾಲ್ಕನ್ನೂ ಗೆಲ್ಲಬೇಕಾಗುತ್ತದೆ. ಹೀಗಾಗಿ ಈ ಪಂದ್ಯದಲ್ಲಿ ಹಲವು ಲೆಕ್ಕಾಚಾರಗಳು ಅಡಗಿವೆ.
ಕಾಂಬಿನೇಷನ್ ವಿಚಾರಕ್ಕೆ ಬಂದರೆ ಆರ್ಸಿಬಿಯ ಬ್ಯಾಟಿಂಗ್ ಫ್ಲಾಪ್ ಆಗಿದೆ. ವಿರಾಟ್, ದೇವದತ್ ಪಡಿಕಲ್ ಚೆನ್ನೈ ವಿರುದ್ಧ ರನ್ಗಳಿಸಿದ್ದಾರೆ.
ಇವರಿಬ್ಬರನ್ನು ಬಿಟ್ರೆ ಎಬಿಡಿ, ಮ್ಯಾಕ್ಸ್ವೆಲ್ ಮತ್ತು ಕೆಳ ಸರದಿ ರನ್ ಬರ ಅನುಭವಿಸಿದೆ. ಟಿಮ್ ಡೇವಿಡ್ ಮತ್ತು ಹಸರಂಗ ರೋಲ್ ಏನು ಅನ್ನುವುದು ಕೂಡ ಅರ್ಥವಾಗುತ್ತಿಲ್ಲ. ಬೌಲಿಂಗ್ನಲ್ಲೂ ಆರ್ಸಿಬಿ ಎಡವಿದ್ದು ಒತ್ತಡವನ್ನು ಮತ್ತಷ್ಟು ಹೆಚ್ಚಿಸಿದೆ.
ಮುಂಬೈ ತಲೆನೋವು ಕೂಡ ಕಡಿಮೆ ಇಲ್ಲ. ಬ್ಯಾಟಿಂಗ್ನಲ್ಲಿ ಸೂರ್ಯ ಕುಮಾರ್ ಯಾದವ್, ಇಶಾನ್ ಕಿಶಾನ್, ಕಿರಾನ್ ಪೊಲ್ಲಾರ್ಡ್ ಕೈ ಹಿಡಿದಿಲ್ಲ.
ಹಾರ್ದಿಕ್ ಪಾಂಡ್ಯ ಆಡ್ತಾರೋ ಇಲ್ವೋ ಅನ್ನೋದು ಕೂಡ ಚರ್ಚೆಯಲ್ಲಿದೆ. ಬೌಲಿಂಗ್ ವಿಚಾರಕ್ಕೆ ಬಂದ್ರೆ ಇಲ್ಲೂ ಅಷ್ಟೇ, ಸ್ಥಿರ ಪ್ರದರ್ಶನ ಬಂದಿಲ್ಲ. ಬುಮ್ರಾ, ಬೋಲ್ಡ್ ಮತ್ತು ರಾಹುಲ್ ಚಹರ್ ಅನಿವಾರ್ಯ ಅನ್ನುವಾಗ ಕೈ ಕೊಟ್ಟಿದ್ದಾರೆ.
ದುಬೈ ಅಂತರಾಷ್ಟ್ರೀಯ ಮೈದಾನದ ಪಿಚ್ ಕೂಡ ಎರಡೂ ತಂಡಗಳಿಗೆ ಸವಾಲಾಗಿದೆ. ಕೊಂಚ ಸ್ಲೋ ಪಿಚ್ ಇರುವುದರಿಂದ ರನ್ಮಳೆ ಕಷ್ಟಸಾಧ್ಯ. ಆದರೂ ಗೆಲುವಿಗಾಗಿ ಎರಡೂ ತಂಡಗಳು ವಿಭಿನ್ನ ಪ್ಲಾನ್ ಮಾಡಲೇಬೇಕಿದೆ.
ಸಂಭಾವ್ಯ XI
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ವಿರಾಟ್ ಕೊಹ್ಲಿ, 2. ದೇವದತ್ ಪಡಿಕಲ್, 3.ಕೆ.ಎಸ್. ಭರತ್, 4.ಗ್ಲೆನ್ ಮ್ಯಾಕ್ಸ್ವೆಲ್, 5. ಎ.ಬಿ.ಡಿವಿಲಿಯರ್ಸ್, 6. ಮೊಹಮ್ಮದ್ ಅಜರುದ್ದೀನ್, 7.ಕೈಲ್ ಜೇಮಿಸನ್, 8. ವಹಿಂಡು ಹಸರಂಗ/ಟಿಮ್ ಡೇವಿಡ್, 9. ಹರ್ಷಲ್ ಪಟೇಲ್, 10. ಮೊಹಮ್ಮದ್ ಸಿರಾಜ್, 11.ಯಜುವೇಂದ್ರ ಚಹಲ್
ಮುಂಬೈ ಇಂಡಿಯನ್ಸ್
ರೋಹಿತ್ ಶರ್ಮಾ, 2. ಕ್ವಿಂಟಾನ್ ಡಿ ಕಾಕ್, 3. ಸೂರ್ಯಕುಮಾರ್ ಯಾದವ್, 4. ಇಶಾನ್ ಕಿಶನ್, 5. ಕಿರಾನ್ ಪೊಲ್ಲಾರ್ಡ್, 6. ಹಾರ್ದಿಕ್ ಪಾಂಡ್ಯ, 7. ಕೃನಾಲ್ ಪಾಂಡ್ಯ, 8.ರಾಹುಲ್ ಚಹರ್, 9. ಟ್ರೆಂಡ್ ಬೋಲ್ಟ್, 10. ಜಸ್ಪ್ರಿತ್ ಬುಮ್ರಾ, 11. ನಾಥನ್ ಕೌಲ್ಟರ್ ನಿಲ್