ನ್ಯೂಜಿ಼ಲೆಂಡ್ ತಂಡದ ಅನುಭವಿ ವೇಗದ ಬೌಲರ್ ಟ್ರೆಂಟ್ ಬೋಲ್ಟ್, ಏಕದಿನ ವಿಶ್ವಕಪ್ನಲ್ಲಿ 50 ವಿಕೆಟ್ಗಳ ಮೈಲಿಗಲ್ಲು ದಾಟುವ ಮೂಲಕ ಈ ಸಾಧನೆ ಮಾಡಿದ ಮೊದಲ ಕಿವೀಸ್ ಆಟಗಾರ ಎಂಬ ಹೆಗ್ಗಳಿಕೆ ಪಡೆದುಕೊಂಡಿದ್ದಾರೆ.
ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಏಕದಿನ ವಿಶ್ವಕಪ್ನ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಟ್ರೆಂಟ್ ಬೋಲ್ಟ್ ಈ ಸಾಧನೆ ಮಾಡಿದರು. ಇನ್ನಿಂಗ್ಸ್ ಆರಂಭದಿಂದಲೇ ಆಕ್ರಮಣಕಾರಿ ಬೌಲಿಂಗ್ ದಾಳಿ ನಡೆಸಿದ ಬೋಲ್ಟ್, 10 ಓವರ್ಗಳಲ್ಲಿ 37 ರನ್ ನೀಡಿ 3 ವಿಕೆಟ್ ಪಡೆಯುವ ಮೂಲಕ ಶ್ರೀಲಂಕಾದ ಬ್ಯಾಟಿಂಗ್ ಬೆನ್ನೆಲುಬು ಮುರಿದರು. ತಮ್ಮ ಈ ಪ್ರದರ್ಶನದಲ್ಲಿ ಶ್ರೀಲಂಕಾದ ಕ್ಯಾಪ್ಟನ್ ಕುಸಲ್ ಮೆಂಡಿಸ್(6) ಅವರ ವಿಕೆಟ್ ಪಡೆಯುವ ಮೂಲಕ ವಿಶ್ವಕಪ್ನಲ್ಲಿ 50 ವಿಕೆಟ್ಗಳ ಗಡಿದಾಟಿದರು.
ತಮ್ಮ ಈ ಪ್ರದರ್ಶನದಿಂದ ಏಕದಿನ ವಿಶ್ವಕಪ್ನಲ್ಲಿ 50 ವಿಕೆಟ್ಗಳನ್ನ ಪಡೆದ ಮೊದಲ ನ್ಯೂಜಿ಼ಲೆಂಡ್ ಆಟಗಾರ ಎನಿಸಿಕೊಂಡರು. ಅಲ್ಲದೇ ಕಡಿಮೆ ಇನ್ನಿಂಗ್ಸ್ನಲ್ಲಿ(28 ಇನ್ನಿಂಗ್ಸ್) ವಿಶ್ವಕಪ್ನಲ್ಲಿ 50 ವಿಕೆಟ್ಗಳನ್ನ ಪಡೆದ ವಿಶ್ವದ 3ನೇ ಬೌಲರ್ ಎಂಬ ಹೆಗ್ಗಳಿಕೆ ಪಡೆದ ಟ್ರೆಂಟ್ ಬೋಲ್ಟ್, ವಿಶ್ವಕಪ್ನಲ್ಲಿ 50 ವಿಕೆಟ್ಗಳನ್ನ ಪೂರೈಸಿದ ವಿಶ್ವದ 6ನೇ ಬೌಲರ್ ಎಂಬ ಹೆಗ್ಗಳಿಕೆಗೂ ಸಹ ಟ್ರೆಂಟ್ ಬೋಲ್ಟ್ ಭಾಜನರಾದರು.
600 ವಿಕೆಟ್ಗಳ ಸಾಧನೆ:
ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ 3 ವಿಕೆಟ್ಗಳನ್ನ ಪಡೆದು ಮಿಂಚಿದ ಟ್ರೆಂಟ್ ಬೋಲ್ಟ್, ತಮ್ಮ ಈ ಪ್ರದರ್ಶನದೊಂದಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 600* ವಿಕೆಟ್ಗಳ ಗಡಿದಾಟಿದರು. 3 ಫಾರ್ಮ್ಯಾಟ್ನಲ್ಲಿ ಮಿಂಚಿರುವ ಬೋಲ್ಟ್, ಟೆಸ್ಟ್ನಲ್ಲಿ 317 ವಿಕೆಟ್, ಏಕದಿನ ಕ್ರಿಕೆಟ್ನಲ್ಲಿ 210* ವಿಕೆಟ್, ಟಿ20ಯಲ್ಲಿ 74 ವಿಕೆಟ್ಗಳನ್ನ ಪಡೆದುಕೊಂಡಿದ್ದಾರೆ. ಅಲ್ಲದೇ ಈ ಸಾಧನೆ ಮಾಡಿದ ನ್ಯೂಜಿ಼ಲೆಂಡ್ನ 3ನೇ ಬೌಲರ್ ಎನಿಸಿದರು. ಕಿವೀಸ್ ಪರವಾಗಿ ಟಿಮ್ ಸೌಥಿ(732 ವಿಕೆಟ್ಗಳು), ಡೆನಿಯಲ್ ವೆಟ್ಟೋರಿ(705 ವಿಕೆಟ್ಗಳು) ಪಡೆದು ಈ ಸಾಧನೆ ಮಾಡಿದ್ದರು.
ODI ವಿಶ್ವಕಪ್ನಲ್ಲಿ 50 ವಿಕೆಟ್ ಪಡೆದ ಬೌಲರ್ಗಳು:
ಗ್ಲೆನ್ ಮೆಗ್ರಾತ್ – 71 ವಿಕೆಟ್ಗಳು
ಮುತ್ತಯ್ಯ ಮುರುಳೀಧರನ್ – 68 ವಿಕೆಟ್ಗಳು
ಮಿಚೆಲ್ ಸ್ಟಾರ್ಕ್ – 59 ವಿಕೆಟ್ಗಳು
ಲಸಿತ್ ಮಲಿಂಗ – 56 ವಿಕೆಟ್ಗಳು
ವಾಸಿಂ ಅಕ್ರಮ್ – 55 ವಿಕೆಟ್ಗಳು
ಟ್ರೆಂಟ್ ಬೋಲ್ಟ್ – 51* ವಿಕೆಟ್ಗಳು
NZ v SL, New Zealand, Trent Boult, ODI Cricket, World Cup
