ಬಾಬಾ ರಾಮ್ದೇವ್ರ ಪತಂಜಲಿ ಫುಡ್ಸ್ ಜೂನ್ ನಲ್ಲಿ ಕೊನೆಗೊಂದ ಅವಧಿಯ ವರದಿ ಪ್ರಕಟಿಸಿದ್ದು, 87.8 ಕೋಟಿ ರೂ. ನಿವ್ವಳ ಲಾಭ ಗಳಿಸಿದೆ. ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಕೆ ಮಾಡಿದಾಗ ಈ ವರ್ಷದಲ್ಲಿ ನಿವ್ವಳ ಲಾಭವು ಭಾರೀ ಪ್ರಮಾಣದಲ್ಲಿ ಕುಸಿತ ಕಂಡಿದೆ.
ಕಳೆದ ಹಣಕಾಸು ವರ್ಷದಲ್ಲಿ ಇದೇ ತ್ರೈಮಾಸಿಕದಲ್ಲಿ ಪತಂಜಲಿ ಫುಡ್ಸ್ ನಿವ್ವಳ ಲಾಭವು 241.25 ಕೋಟಿ ರೂ. ಆಗಿತ್ತು. ಆದರೆ ವರ್ಷದಿಂದ ವರ್ಷಕ್ಕೆ ನಿವ್ವಳ ಲಾಭ ಶೇ. 63.6ರಷ್ಟು ಇಳಿಕೆಯಾಗಿದೆ. ಹಣಕಾಸು ವರ್ಷ 2024ರಲ್ಲಿ ಪತಂಜಲಿ ಫುಡ್ಸ್ ಕಾರ್ಯಾಚರಣೆಗಳ ಆದಾಯವು ಶೇಕಡ 7.71 ರಷ್ಟು ಜಿಗಿತ ಕಂಡು, 7,767.10 ಕೋಟಿ ರೂ. ತಲುಪಿದೆ. ಒಂದು ವರ್ಷದ ಹಿಂದೆ ಇದೇ ತ್ರೈಮಾಸಿಕದಲ್ಲಿ ಆದಾಯವು 7,210.96 ಕೋಟಿ ರೂಪಾಯಿ ಆಗಿತ್ತು. ಇನ್ನು ಪತಂಜಲಿ ಷೇರುಗಳು ಬಿಎಸ್ಇಯಲ್ಲಿ ಕೊನೆಯ ವಹಿವಾಟಿನಲ್ಲಿ (ಆಗಸ್ಟ್ 11) ಶೇಕಡ 2.32 ರಷ್ಟು ಕುಸಿದು, 1293.40 ರೂಪಾಯಿಗೆ ಕೊನೆಗೊಂಡಿದೆ.
ಜೂನ್ 2023 ರ ತ್ರೈಮಾಸಿಕದಲ್ಲಿ, ಪತಂಜಲಿಯು ಆಹಾರ ಮತ್ತು ಎಫ್ಎಂಸಿಜಿ ವಿಭಾಗದಲ್ಲಿ ಉತ್ತಮ ಪ್ರದರ್ಶನವನ್ನು ಕಂಡ ಸಂಸ್ಥೆಯಾಗಿದೆ.
