Radhika Pandith : ‘ಸ್ಯಾಂಡಲ್ ವುಡ್ ಸಿಂಡ್ರೆಲ್ಲಾ’ ಹುಟ್ಟುಹಬ್ಬ : ‘ರಾಮಾಚಾರಿ’ಯ ‘ಮಾರ್ಗರೇಟ್’ ಸಿನಿ ಜರ್ನಿ
ಬೆಂಗಳೂರು : ಸ್ಯಾಂಡಲ್ ವುಡ್ ನ ಸಿಂಡ್ರೆಲ್ಲಾ ರಾಧಿಕಾ ಪಂಡಿತ್ ಗೆ ಇಂದು ಹುಟ್ಟುಹಬ್ಬದ ಸಂಭ್ರಮ , ಮೊಗ್ಗಿನ ಮನಸ್ಸಿನ ಚೆಲುವೆ ಇಂದು 37ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.. ‘ಮಿಸ್ಟರ್ ರಾಮಾಚಾರಿ’ಯ ‘ಮಾರ್ಗರೇಟ್’ ಗೆ ಅಭಿಮಾನಿಗಳು , ಸ್ನೇಹಿತರು , ಸಿನಿಮಾರಂಗದ ತಾರೆಯರು ಶುಭಾಷಯಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ.
ದಶಕಗಳ ಕಾಲ ಚಂದನವನದಲ್ಲಿ ನಾಯಕಿಯಾಗಿ ಸ್ಟಾರ್ ಗಳ ಜೊತೆಗೆ ತೆರೆ ಹಂಚಿಕೊಂಡು ಬಹುಬೇಡಿಯಲ್ಲಿದ್ದಾಗಲೇ ರಾಕಿಂಗ್ ಸ್ಟಾರ್ ಯಶ್ ಜೊತೆಗೆ ವಿವಾಹವಾಗಿ ಆ ನಂತರದಿಂದ ಸಿನಿಮಾರಂಗದಿಂದ ರಾಧಿಕಾ ಪಂಡಿತ್ ಅಂತರ ಕಾಯ್ದುಕೊಂಡರು.. ಪ್ರಸ್ತುತ ತಮ್ಮ ಇಬ್ಬರು ಮಕ್ಕಳೊಂದಿಗೆ ಕಾಲ ಕಳೆಯುತ್ತಿದ್ದು , ಆಗಾಗ ಮುದ್ದು ಮಕ್ಕಳ ವಿಡಿಯೋಗಳನ್ನ ಶೇರ್ ಮಾಡಿಕೊಳ್ತಿರುತ್ತಾರೆ.. ಸೋಷಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುತ್ತಾರೆ..
ಈಗಲೂ ರಾಧಿಕಾ ಅವರಿಗೆ ಹಲವು ಸಿನಿಮಾ ಆಫರ್ ಗಳು ಸಿಗುತ್ತಿದ್ದರೂ ರಾಧಿಕಾ ಯಾವುದಕ್ಕೂ ಒಪ್ಪಿಲ್ಲ.. ಈಗಲೂ ಅವರ ಅಭಿಮಾನಿಗಳು ರಾಧಿಕಾ ಮತ್ತೆ ಕಮ್ ಬ್ಯಾಕ್ ಮಾಡಲಿ ಅನ್ನುವ ನಿರೀಕ್ಷೆಯಲ್ಲಿದ್ದಾರೆ..
ಮೊದಲಿಗೆ ನಂದಗೋಕುಲ, ಕಾದಂಬರಿ , ಸುಮಂಗಲಿಯಂತಹ ಧಾರಾವಾಹಿಗಳಲ್ಲಿ ನಟಿಸಿದ ರಾಧಿಕಾ ಪಂಡಿತ್ ನಂತರ 2008ರಲ್ಲಿ ಮೊಗ್ಗಿನ ಮನಸು ಸಿನಿಮಾ ಮೂಲಕ ನಾಯಕಿಯಾಗಿ ಬಿಗ್ ಸ್ಕ್ರೀನ್ ಗೆ ಪಾದಾರ್ಪಣೆ ಮಾಡಿದರು.. ಅವರ ಮೊದಲ ಸಿನಿಮಾವೇ ಸೂಪರ್ ಹಿಟ್ ಆಯ್ತು.. ಈ ಸಿನಿಮಾ ಮೂಲಕವೇ ಯಶ್ ಕೂಡ ಸ್ಯಾಂಡಲ್ ವುಡ್ ಗೆ ಎಂಟ್ರಿಯಾದರು..
ಯಶ್ ( ಪತಿ ) , ಪುನೀತ್ ರಾಜ್ಕುಮಾರ್, ಶಿವರಾಜ್ಕುಮಾರ್, ಧ್ರುವ ಸರ್ಜಾ, ಅಜಯ್ ರಾವ್ , ಶಿವರಾಜ್ ಕುಮಾರ್ , ಪ್ರಜ್ವಲ್ ದೇವರಾಜ್ , ಗಣೇಶ್ ಹೀಗೆ ದೊಡ್ಡ ದೊಡ್ಡ ಸ್ಟಾರ್ ನಟರ ಜೊತೆಗೆ ರಾಧಿಕಾ ತೆರೆ ಹಂಚಿಕೊಂಡಿದ್ಧಾರೆ..
ಅದ್ರಲ್ಲೂ ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ , ಸಂತೂ ಸ್ಟ್ರೈಟ್ ಫಾರ್ವರ್ಡ್ , ಮೊಗ್ಗಿನ ಮನಸ್ಸು , ಡ್ರಾಮಾ ಸಿನಿಮಾಗಳಲ್ಲಿ ಯಶ್ ಮತ್ತೆ ರಾಧಿಕಾ ಜೋಡಿ ಮಿಂಚಿತ್ತು.. ಈ ಆನ್ ಸ್ಕ್ರೀನ್ ಕಪಲ್ ನಿಜ ಜೀವನದಲ್ಲೂ ಒಂದಾಗಬೇಕು ಅನ್ನುವ ಅಭಿಮಾನಿಗಳ ಕನಸೂ ಸಹ ನನಸಾಯ್ತು..
ರಾಧಿಕಾ , ಧ್ರುವ ಸರ್ಜಾ ಅವರ ನಟನೆಯ ಅದ್ಧೂರಿ , ಬಹದ್ದೂರ್ ಸಿನಿಮಾಗಳು ಸಹ ಸೂಪರ್ ಹಿಟ್ ಆಗಿದ್ದವು.. ಆನ್ ಲೈನ್ ಕೆಮಿಸ್ಟ್ರಿ ಕೂಡ ಜನರನ್ನ ಮೋಡಿ ಮಾಡಿತ್ತು..
ರಾಧಿಕಾ ಸಿನಿಮಾಗಳ ಪಟ್ಟಿ…
ಮೊಗ್ಗಿನ ಮನಸು , ಒಲವೇ ಜೀವನ ಲೆಕ್ಕಾಚಾರ , ಲವ್ ಗುರು , ಕೃಷ್ಣನ್ ಲವ್ ಸ್ಟೋರಿ , ಗಾನ ಬಜಾನಾ, ಹುಡುಗರು , ಅಲೆಮಾರಿ , ಬ್ರೇಕಿಂಗ್ ನ್ಯೂಸ್ , ಅದ್ಧೂರಿ, 18th ಕ್ಲಾಸ್ , ಸಾಗರ್ , ಡ್ರಾಮಾ , ಕಡ್ಡಿಪುಡಿ , ದಿಲ್ ವಾಲಾ , ಬಹದ್ದೂರ್ , ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ , ಎಂದೆಂದಿಗೂ , ಝೂಂ, ದೊಡ್ಮನೆ ಹುಡುಗ , ಸಂತೂ ಸ್ಟ್ರೈಟ್ ಫಾರ್ವರ್ಡ್ , ಆದಿ ಲಕ್ಷ್ಮಿ ಪುರಾಣ ಸಿನಿಮಾಗಳಲ್ಲಿ ರಾಧಿಕಾ ಬಣ್ಣ ಹಚ್ಚಿದ್ದಾರೆ..
ಆದಿ ಲಕ್ಷ್ಮಿ ಪುರಾಣ ಅವರ ಅಭಿನಯದ ಕೊನೆಯ ಸಿನಿಮಾವಾಗಿತ್ತು.. ರಾಧಿಕಾ ಯಶ್ ಅವರ ವಿವಾಹದ ನಂತರ ಈ ಸಿನಿಮಾ ರಿಲೀಸ್ ಆಗಿತ್ತು.. ಹೀಗೆ 20ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ರಾಧಿಕಾ ನಟಿಸಿ ಕನ್ನಡಾಭಿಮಾನಿಗಳ ಮನಗೆದ್ದಿದ್ದಾರೆ..
