IPL 2022 | ಸ್ನೇಕ್ ಶಾಟ್ ಬಗ್ಗೆ ರಶೀದ್ ಹೇಳಿದ್ದೇನು..?
ಐಪಿಎಲ್-2022ರಲ್ಲಿ ಗುಜರಾತ್ ಟೈಟಾನ್ಸ್ ತಂಡದ ಸ್ಟಾರ್ ಕ್ರಿಕೆಟಿಗ ರಶೀದ್ ಖಾನ್ ಬೌಲಿಂಗ್ ಮಾತ್ರವಲ್ಲದೆ ಬ್ಯಾಟಿಂಗ್ ನಲ್ಲಿಯೂ ಕಮಾಲ್ ಮಾಡುತ್ತಿದ್ದಾರೆ.
ಅದರಂತೆ ರಶೀದ್ ಒಂದು ಹೊಸ ಶಾಟ್ ಆವೀಸ್ಕರಿಸಿದ್ದು, ಅದಕ್ಕೆ ಸ್ನೇಕ್ ಶಾಟ್ ಎಂದು ನಾಮಕರಣ ಮಾಡಿದ್ದಾರೆ.
ಭಾನುವಾರ (ಮೇ 29) ಅಹಮದಾಬಾದ್ನಲ್ಲಿ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ತಂಡ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಎದುರಿಸಲಿದೆ.
ಕ್ವಾಲಿಫೈಯರ್ 1ರಲ್ಲಿ ರಾಜಸ್ಥಾನವನ್ನು ಸೋಲಿಸಿದ ಗುಜರಾತ್, ಫೈನಲ್ನಲ್ಲೂ ಅದೇ ವೇಗವನ್ನು ಕಾಯ್ದುಕೊಂಡು ಪ್ರಶಸ್ತಿ ಗೆಲ್ಲುವ ಭರವಸೆ ಹೊಂದಿದೆ.
ಫೈನಲ್ ನಲ್ಲೂ ಬ್ಯಾಟಿಂಗ್ ಅವಕಾಶ ಸಿಕ್ಕರೆ ಖಂಡಿತ ಸ್ನೇಕ್ ಶಾಟ್ ಆಡುತ್ತೇನೆ ಎಂದು ರಶೀದ್ ಖಾನ್ ಹೇಳಿದ್ದಾರೆ.
“ನಾನು ಅಭ್ಯಾಸದ ಅವಧಿಯಲ್ಲಿ ಹೆಚ್ಚು ಬ್ಯಾಟಿಂಗ್ ಮಾಡುತ್ತೇನೆ. ಈಗ ನನಗೆ ಹಿಂದಿನದಕ್ಕಿಂತ ಹೆಚ್ಚು ಬ್ಯಾಟಿಂಗ್ ಮಾಡುವ ಅವಕಾಶ ಸಿಗುತ್ತಿದೆ.
ಹೀಗಾಗಿ ನಾನು ತಂಡಕ್ಕೆ ಒಂದಿಷ್ಟು ರನ್ ನೀಡಬಲ್ಲೆ ಎಂದು ಎಲ್ಲರೂ ನನ್ನ ಮೇಲೆ ನಂಬಿಕೆ ಇಟ್ಟಿದ್ದಾರೆ.
ಅದೇ ರೀತಿ ತಂಡಕ್ಕೆ ಅಗತ್ಯವಿದ್ದಾಗ 20ರಿಂದ 25 ರನ್ ಗಳಿಸಬಹುದು ಎಂಬ ನಂಬಿಕೆ ನನಗಿದೆ.
ಫೈನಲ್ನಲ್ಲಿ ಬ್ಯಾಟಿಂಗ್ ಮಾಡುವ ಅವಕಾಶ ಸಿಕ್ಕರೆ ಖಂಡಿತ ಸ್ನೇಕ್ ಶಾಟ್ ಆಡುತ್ತೇನೆ ಎಂದು ರಶೀದ್ ಖಾನ್ ಹೇಳಿದ್ದಾರೆ.
