ಟ್ವಿಟ್ಟರ್ ನಲ್ಲಿ ಹರಿದ ಜೀನ್ಸ್ ಟ್ರೆಂಡಿಂಗ್..! ಕಾರಣ ಏನು ಗೊತ್ತಾ..?
ನವದೆಹಲಿ : ಟ್ವಿಟ್ಟರ್ ನಲ್ಲಿ ಪ್ರತಿದಿನ ಒಂದಲ್ಲಾ ಒಂದು ವಿಷಯ ಟ್ರೆಂಡಿಂಗ್ ನಲ್ಲಿ ಇದ್ದೇ ಇರುತ್ತೆ. ಅದರಂತೆ ಇಂದು ಟ್ವಿಟ್ಟರ್ ನಲ್ಲಿ ಹರಿದ ಜೀನ್ಸ್ ಟ್ರೆಂಡಿಂಗ್ ನಲ್ಲಿದೆ. ಇದಕ್ಕೆ ಕಾರಣ ಉತ್ತರಖಂಡದ ನೂತನ ಸಿಎಂ ತೀರತ್ ಸಿಂಗ್ ರಾವತ್..!
ಹೌದು..! ಮಕ್ಕಳ ಹಕ್ಕುಗಳ ರಕ್ಷಣೆಗಾಗಿ ಉತ್ತರಾಖಂಡ ರಾಜ್ಯ ಆಯೋಗ ಡೆಹ್ರಾಡೂನ್ನಲ್ಲಿ ಆಯೋಜಿಸಿದ್ದ ವರ್ಕ್ ಶಾಪ್ ನಲ್ಲಿ ತೀರತ್ ಸಿಂಗ್, ಹರಿದ ಜೀನ್ಸ್ ನಮ್ಮ ಸಂಸ್ಕøತಿಯ ಕತ್ತರಿ. ಬರಿ ಮೊಣಕಾಲನ್ನು ತೋರಿಸುವುದು, ಹರಿದ ಜೀನ್ ಧರಿಸುವುದು ಮತ್ತು ಶ್ರೀಮಂತರಂತೆ ಕಾಣಲು ಈ ರೀತಿ ಮಾಡುವುದು ಇಂದು ನೀಡುತ್ತಿರುವ ಮೌಲ್ಯಗಳು. ಇವೆಲ್ಲವು ಎಲ್ಲಿಂದ ಬಂದಿತು..? ಇಂತಹ ಮಹಿಳೆಯರು ಸಮಾಜದಲ್ಲಿ ಜನರನ್ನು ಭೇಟಿ ಮಾಡಲು ಮತ್ತು ಅವರ ಸಮಸ್ಯೆಗಳನ್ನು ಪರಿಹರಿಸಲು ಹೊರಟರೆ, ನಮ್ಮ ಮಕ್ಕಳಿಗೆ ಯಾವ ರೀತಿಯ ಸಂದೇಶವನ್ನು ಸಮಾಜದಲ್ಲಿ ನೀಡುತ್ತಾರೆ ಎಂದು ಅಸಮಾಧಾನ ಹೊರಹಾಕಿದ್ರು.
ತೀರತ್ ಅವರ ಈ ಹೇಳಿಕೆಗೆ ಭಾರಿ ವಿರೋಧ ವ್ಯಕ್ತವಾಗುತ್ತಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಹರಿದ ಜೀನ್ಸ್ ಫೋಟೊಗಳನ್ನ ಹರಿಬಿಡುವ ಮೂಲಕ ವಿನೂತನವಾಗಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಈ ಕಾರಣಕ್ಕಾಗಿ ಟ್ವಿಟ್ಟರ್ ನಲ್ಲಿ ಹರಿದ ಜೀನ್ಸ್ ಟ್ರೆಂಡ್ ಆಗಿದೆ.