BCCI ಗೆ ಹೊಸ ಬಾಸ್ – ಕನ್ನಡಿಗ ರೋಜರ್ ಬಿನ್ನಿಗೆ ಒಲಿದ ಅಧ್ಯಕ್ಷ ಪಟ್ಟ..
ವಿಶ್ವದ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐಗೆ ಹೊಸ ಬಾಸ್ ಸಿಕ್ಕಿದ್ದಾರೆ. ಮಂಗಳವಾರ 18 ಅಕ್ಟೋಬರ್ 2022 ರಂದು, ಮಾಜಿ ಕ್ರಿಕೆಟಿಗ ರೋಜರ್ ಬಿನ್ನಿ ಅವರನ್ನುಸೌರವ್ ಗಂಗೂಲಿ ಬದಲಿಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ ಹೊಸ ಅಧ್ಯಕ್ಷರನ್ನಾಗಿ ನೇಮಿಸಲಾಯಿತು.
ರೋಜರ್ ಬಿನ್ನಿ 1983 ರ ವಿಶ್ವಕಪ್ ವಿಜೇತ ಭಾರತೀಯ ತಂಡದ ಸದಸ್ಯರಾಗಿದ್ದರು. ಆ ಟೂರ್ನಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದರು. ಇದೀಗ ಅವರು ಹೊಸ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಇದರೊಂದಿಗೆ, ಪ್ರಸ್ತುತ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಅಧ್ಯಕ್ಷರಾದ ಗ್ರೆಗ್ ಬಾರ್ಕ್ಲೇ ಅವರನ್ನ ಬೆಂಬಲಿಸುವುದಾಗಿ ಮತ್ತು ಈ ಹುದ್ದೆಗೆ ಸೌರವ್ ಗಂಗೂಲಿ ಅವರ ಹೆಸರನ್ನು ಬೆಂಬಲಿಸುವುದಿಲ್ಲ ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ.
ಐಸಿಸಿಯಲ್ಲಿ ಬಿಸಿಸಿಐ ಪ್ರತಿನಿಧಿಗಳ ಆಯ್ಕೆ ಮತ್ತು ಎಜಿಎಂನಲ್ಲಿ ಸಿಇಸಿಗೆ ಆಯ್ಕೆ ಮಾಡುವ ಹಕ್ಕನ್ನು ಪದಾಧಿಕಾರಿಗಳಿಗೆ ನೀಡಲಾಗಿದೆ.
ಬಿಸಿಸಿಐ ಅಧ್ಯಕ್ಷ ಸ್ಥಾನಕ್ಕೆ ಬೇರೆ ಯಾರೂ ನಾಮನಿರ್ದೇಶನ ಮಾಡದ ಕಾರಣ ರೋಜರ್ ಬಿನ್ನಿ ಅವರ ಆಯ್ಕೆಯನ್ನು ಮೊದಲೇ ನಿರ್ಧರಿಸಲಾಗಿತ್ತು. ಐಸಿಸಿಯಲ್ಲಿ ಬಿಸಿಸಿಐನ ಇಬ್ಬರು ಪ್ರತಿನಿಧಿಗಳು ಯಾರು ಎಂಬ ಬಗ್ಗೆಯೂ ಎಜಿಎಂನಲ್ಲಿ ಚರ್ಚೆ ನಡೆದಿದೆ. ಐಸಿಸಿ ಮಂಡಳಿ ಸಭೆಗಳಲ್ಲಿ ಜಯ್ ಶಾ ಬಿಸಿಸಿಐ ಪ್ರತಿನಿಧಿಯಾಗುವ ನಿರೀಕ್ಷೆಯಿದೆ. ಐಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಯಾರನ್ನೂ ಕಳುಹಿಸುವುದಿಲ್ಲ ಮತ್ತು ನ್ಯೂಜಿಲೆಂಡ್‌ನ ಗ್ರೆಗ್ ಬಾರ್ಕ್ಲೆಗೆ ಎರಡನೇ ಅವಧಿಯನ್ನು ನೀಡುವುದಾಗಿ ಬಿಸಿಸಿಐ ಈಗ ಸ್ಪಷ್ಟಪಡಿಸಿದೆ.
Roger Binny is the new boss of BCCI
