RRR
ಸ್ಟಾರ್ ನಿರ್ದೇಶಕ ರಾಜಮೌಳಿ ಆಕ್ಷನ್ ಕಟ್ ಹೇಳ್ತಿರುವ ದಕ್ಷಿಣ ಭಾರತದ ಬುಹುನಿರೀಕ್ಷೆಯ ಸಿನಿಮಾ RRR. ಜ್ಯೂ. NTR ಹಾಗೂ ರಾಮ್ ಚರಣ್ ಅವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ಸಿನಿಮಾ ಬಗ್ಗೆ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಾಗಿದೆ. ಆದ್ರೆ ಇತ್ತೀಚಿಗಷ್ಟೆ ಚಿತ್ರತಂಡ ಜೂ ಎನ್ ಟಿ ಆರ್ ಪಾತ್ರದ ಟೀಸರ್ ರಿಲೀಸ್ ಮಾಡಿ ವಿವಾದವನ್ನು ಮೈಮೇಲೆ ಎಳೆದುಕೊಂಡಿದೆ.
ಹೌದು.. RRR ಸಿನಿಮಾಗೆ ಇದೀಗ ಸಂಕಷ್ಟ ಎದುರಾಗಿದೆ. ಚಿತ್ರದಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ಕೊಮರಾಮ್ ಭೀಮ್ ಪಾತ್ರವನ್ನು ಜೂ ಎನ್ ಟಿ ಆರ್ ನಿಭಾಯಿಸುತ್ತಿದ್ದಾರೆ. ಆದರೆ ಆ ಪಾತ್ರವನ್ನು ತಪ್ಪಾಗಿ ಬಿಂಬಿಸಲಾಗಿದೆ ಎನ್ನುವುದು ಅನೇಕರ ಆರೋಪವಾಗಿದೆ. ಭೀಮ್ ಬುಡಕಟ್ಟು ಜನರ ನೆಲ, ಜಲಕ್ಕಾಗಿ ಹೋರಾಡಿದ್ದವರು. ಆದರೆ ಅವರನ್ನು ಮುಸ್ಲಿಂ ಪಾತ್ರದಲ್ಲಿ ತೋರಿಸಲಾಗಿದೆ ಎಂದು ಅನೇಕರು ಕಿಡಿ ಕಾರುತ್ತಿದ್ದಾರೆ.
‘ಪೆಟ್ರೋಮ್ಯಾಕ್ಸ್’ ಮೊದಲ ಹಂತದ ಚಿತ್ರೀಕರಣ 12 ದಿನದಲ್ಲಿ ಮುಕ್ತಾಯ
ಅಷ್ಟೇ ಅಲ್ಲ ಈ ಬಗ್ಗೆ ಸ್ವತಃ ಭೀಮ್ ಮೊಮ್ಮಗ ಕೂಡ ವಿರೋಧ ವ್ಯಕ್ತಪಡಿಸಿದ್ದಾರೆ. ಅದಿಲಾಬಾದ್ ಬುಡಕಟ್ಟು ಜನಾಂಗದವರು ಸಹ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದೀಗ ತೆಲಂಗಾಣ ಬೆಜೆಪಿ ಅಧ್ಯಕ್ಷ ಮತ್ತು ಸಂಸದ ಬಂಡಿ ಸಂಜಯ್ ಅವರು ಟೀಸರ್ ವಿರೋಧಿಸಿ ನಿರ್ದೇಶಕ ರಾಜಮೌಳಿಗೆ ಬೆದರಿಕೆ ಹಾಕಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿರುವ ಬಂಡಿ ಸಂಜಯ್ ಅವರು ‘ಜೂ. ಎನ್ ಟಿ ಆರ್ ಪಾತ್ರವನ್ನು ರಿವೀಲ್ ಮಾಡೋ ಟೀಸರ್ ನಲ್ಲಿ ಆದಿವಾಸಿ ವ್ಯಕ್ತಿಗೆ ಮುಸ್ಲಿಂ ವೇಷ ತೊಡಿಸಿದ್ದಾರೆ. ಧೈರ್ಯವಿದ್ದರೆ ಸಿನಿಮಾದಲ್ಲಿ ಮುಸ್ಲಿಂ ನವಾಬನಿಗೆ ಕೇಸರಿ ಬಣ್ಣದ ರುಮಾಲು ಸುತ್ತಿಕೊಳ್ಳಲು ಹೇಳಿ. ಸಿನಿಮಾದಿಂದ ಈ ದೃಶ್ಯ ತೆಗೆಯದಿದ್ದರೆ ರಾಜಮೌಳಿ ಭೀಕರ ಪರಿಣಾಮ ಎದುರಿಸಬೇಕಾಗುತ್ತೆ’ ಎಂದು ಬೆದರಿಕೆ ಹಾಕಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಮುನಿರತ್ನ ಪರ ಪ್ರಚಾರ : ಡಿ. ಬಾಸ್ ವಿರುದ್ಧ ಪ್ರಕರಣ ದಾಖಲು
ಈ ಚಿತ್ರದ ಬಗ್ಗೆ ಸದ್ಯ ಒಂದಲ್ಲಾ ಒಂದು ವಿವಾದಗಳು ಸದ್ದು ಮಾಡುತ್ತಲೇ ಇದೆ. ಇತ್ತೀಚೆಗಷ್ಟೇ ಸಿನಿಮಾದ ಕೆಲ ದೃಶ್ಯಗಳನ್ನ ಕದಿಯಲಾಗಿದೆ ಎಂದು ನೆಟ್ಟಿಗರು ಆರೋಪಿಸಿದ್ರು. ಅಂದ್ಹಾಗೆ ಚಿತ್ರದಲ್ಲಿ ಅಜಯ್ ದೇವಗನ್, ಅಲಿಯಾ ಭಟ್ ಸೇರಿದಂತೆ ದೊಡ್ಡ ತಾರಬಳಗವೆ ಇದೆ.
RRR
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
