92ನೇ ವಯಸ್ಸಿನಲ್ಲಿ ಐದನೇ ಮದುವೆಗೆ ಮುಂದಾದ ಮೀಡಿಯಾ ಉದ್ಯಮಿ ರೂಪರ್ಟ್ ಮುರ್ಡೋಕ್…..
ಮೀಡಿಯಾ ಉದ್ಯಮಿ ರೂಪರ್ಟ್ ಮುರ್ಡೋಕ್ ತಮ್ಮ 92 ನೇ ವಯಸ್ಸಿನಲ್ಲಿ ಐದನೇ ಬಾರಿಗೆ ಮದುವೆಯಾಗಲು ಮುಂದಾಗಿದ್ದಾರೆ. 66 ವರ್ಷದ ಮೀಡಿಯಾ ರೂಪದರ್ಶಿ ಲೆಸ್ಲಿ ಸ್ಮಿತ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಿದ್ದವಾಗಿದ್ದಾರೆ. ಲೆಸ್ಲಿ ಸ್ಮಿತ್ ಗೆ ಇದು ಮೂರನೇ ಮದುವೆ. ಈ ಕುರಿತು ತಮ್ಮ ಸ್ವಂತ ಟ್ಯಾಬ್ಲಾಯ್ಡ್ ಪತ್ರಿಕೆಯಲ್ಲಿ ಮುರ್ಡೋಕ್ ಪ್ರಕಟಿಸಿದ್ದಾರೆ.
ಕಳೆದ ವರ್ಷ ಕ್ಯಾಲಿಪೋರ್ನಿಯಾದಲ್ಲಿ ಇವರಿಬ್ಬರು ಭೇಟಿಯಾಗಿದ್ದರು. ರೂಪರ್ಟ್ ಮುರ್ಡೋಕ್ ಕಳೆದ ವರ್ಷ ತನ್ನ ನಾಲ್ಕನೇ ಪತ್ನಿಯಿಂದ ದೂರವಾಗಿದ್ದಾರೆ. ಈ ಕುರಿತು ಮಾತನಾಡಿರುವ ಮುರ್ಡೋಕ್ “ನಾನು ಪ್ರೀತಿಯಲ್ಲಿ ಬೀಳಲು ಹೆದರುತ್ತಿದ್ದೆ. ಆದರೆ ಇದು ನನ್ನ ಕೊನೆಯ ಮದುವೆ ಎಂದು ನನಗೆ ತಿಳಿದಿತ್ತು. ನಾನು ಸಂತೋಷವಾಗಿದ್ದೇನೆ. ಸೇಂಟ್ ಪ್ಯಾಟ್ರಿಕ್ ದಿನದಂದು ಸ್ಮಿತ್ಗೆ ಪ್ರಪೋಸ್ ಮಾಡಿರುವುದಾಗಿ ತನ್ನ ಸ್ವಂತ ಮಾಧ್ಯಮ ಚಾನೆಲ್ಗಳಲ್ಲಿ ಒಂದಾದ ನ್ಯೂಯಾರ್ಕ್ ಪೋಸ್ಟ್ಗೆ ತಿಳಿಸಿದ್ದಾರೆ.
ಮುರ್ಡೋಕ್ ತನ್ನ ಮೊದಲ ಮೂರು ಹೆಂಡತಿಯರಿಂದ ಆರು ಮಕ್ಕಳನ್ನು ಹೊಂದಿದ್ದಾನೆ. ಕಳೆದ ವರ್ಷ ನಾಲ್ಕನೇ ಪತ್ನಿಗೆ ವಿಚ್ಛೇದನ ನೀಡಿದ್ದರು. 2016 ರಲ್ಲಿ, 85 ನೇ ವಯಸ್ಸಿನಲ್ಲಿ, ಮುರ್ಡೋಕ್ 65 ವರ್ಷದ ಮಾಡೆಲ್ ಜೆರ್ರಿ ಹಾಲ್ ಅವರನ್ನು ವಿವಾಹವಾದರು. ಈ ದಾಂಪತ್ಯ ಜೀವನವು ಕೇವಲ 6 ವರ್ಷಗಳ ಕಾಲ ನಡೆಯಿತು ಮತ್ತು 2022 ರಲ್ಲಿ ಇಬ್ಬರೂ ಬೇರ್ಪಟ್ಟರು.
ಪ್ರಸಿದ್ಧ ದಿ ಟೈಮ್ಸ್, ಸಂಡೇ ಟೈಮ್ಸ್, ದಿ ಸನ್ ಸೇರಿದಂತೆ ಬ್ರಿಟನ್ನಲ್ಲಿ ಮಡೋರ್ಕ್ ಹಲವಾರು ಪತ್ರಿಕೆಗಳ ಮಾಲೀಕರಾಗಿದ್ದಾರೆ. ಅಮೆರಿಕಾದಲ್ಲಿ, ಅವರು ದಿ ವಾಲ್ ಸ್ಟ್ರೀಟ್ ಜರ್ನಲ್, ನ್ಯೂಯಾರ್ಕ್ ಪೋಸ್ಟ್, ಡೌ ಜೋನ್ಸ್ ಲೋಕಲ್ ಮೀಡಿಯಾ ಗ್ರೂಪ್ ಗಳನ್ನ ಹೊಂದಿದ್ದಾರೆ.
ಮುರ್ಡೋಕ್ ಅವರ ಟ್ವೆಂಟಿ-ಫಸ್ಟ್ ಸೆಂಚುರಿ ಫಾಕ್ಸ್ ಚಲನಚಿತ್ರ ಮತ್ತು ದೂರದರ್ಶನ ಉದ್ಯಮದಲ್ಲಿ ಪ್ರಸಿದ್ಧ ಕಂಪನಿಯಾಗಿದೆ. ಇಷ್ಟೆ ಅಲ್ಲದೇ ಪ್ರಸಿದ್ಧ ಕ್ರೀಡಾ ಚಾನೆಲ್ ಸ್ಟಾರ್ ಸ್ಪೋರ್ಟ್ಸ್, ಪ್ರಸಿದ್ಧ ಟಿವಿ ಚಾನೆಲ್ ನ್ಯಾಷನಲ್ ಜಿಯಾಗ್ರಫಿಕ್ ಮತ್ತು ಬ್ರಿಟಿಷ್ ಸ್ಕೈ ಬ್ರಾಡ್ಕಾಸ್ಟರ್ ನಲ್ಲಿ ಪಾಲನ್ನ ಹೊಂದಿದ್ದಾರೆ.
Rupert Murdoch : Media tycoon Rupert Murdoch is about to get married for the fifth time at the age of 92.