Xiaomi Book Air 13 : 360 ಡಿಗ್ರಿ ಫ್ಲಿಪ್ ಮಾಡಬಹುದಾದ ಲ್ಯಾಪ್ ಟಾಪ್ ಬಿಡುಗಡೆ..
Xiaomi ತನ್ನ ಹೊಸ Redmi Note 12 ಸರಣಿಯನ್ನು ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಈ ಸರಣಿಯಲ್ಲಿ, ಕಂಪನಿಯು ನಾಲ್ಕು ಹೊಸ ನೋಟ್ 12 ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಿದೆ. ಇವುಗಳಲ್ಲಿ Redmi Note 12 5G, Note 12 Pro 5G, Note 12 Pro + 5G ಮತ್ತು Note 12 Explorer ಆವೃತ್ತಿ ಸೇರಿವೆ.
ನೋಟ್ ಸರಣಿಯ ಫೋನ್ ಜೊತೆಗೆ, ಕಂಪನಿಯು ಈವೆಂಟ್‌ನಲ್ಲಿ ಹೊಸ ಲ್ಯಾಪ್‌ಟಾಪ್ ರೆಡ್‌ಮಿ ಬುಕ್ ಏರ್ 13 ಅನ್ನು ಸಹ ಬಿಡುಗಡೆ ಮಾಡಿದೆ.
ಹೊಸ Xiaomi ನೋಟ್‌ಬುಕ್ ಅನ್ನು ಇಂಟೆಲ್‌ನ 12 ನೇ ಜನರೇಷನ್ CPU ನೊಂದಿಗೆ ಬಿಡುಗಡೆ ಮಾಡಲಾಗಿದೆ. ಬಳಕೆದಾರರು ಲ್ಯಾಪ್‌ಟಾಪ್ ಅನ್ನು 360 ಡಿಗ್ರಿ ಫ್ಲಿಪ್ ಮಾಡಬಹುದು. Xiaomi Book Air 13 ನ ಬೆಲೆ, ವಿಶೇಷತೆಗಳು ಮತ್ತು ವೈಶಿಷ್ಟ್ಯಗಳ ಬಗ್ಗೆ ತಿಳಿಯಲು ಈ ಸ್ಟೋರಿ ಓದಿ..
Xiaomi ಬುಕ್ ಏರ್ 13 ಬೆಲೆ
Xiaomi Book Air 13 ನೋಟ್‌ಬುಕ್ ಅನ್ನು ಚೀನಾದಲ್ಲಿ ಎರಡು ಕಾನ್ಫಿಗರೇಶನ್‌ಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಕೋರ್ i5-1230U ಪ್ರೊಸೆಸರ್ ಮಾದರಿಯ ಬೆಲೆ 4999 CNY (ಸುಮಾರು Rs 57,000) ಮತ್ತು ಕೋರ್ i7-1250U CPU ಬೆಲೆ 5599 CNY (ಸುಮಾರು Rs 63,800). ಲ್ಯಾಪ್‌ಟಾಪ್ ಕೇಲವ ಬಿಳಿ ಬಣ್ಣದ ಆಯ್ಕೆಯಲ್ಲಿ ಲಭ್ಯವಿದೆ.
Xiaomi ಬುಕ್ ಏರ್ 13 ವೈಶಿಷ್ಟ್ಯಗಳು
ಬುಕ್ ಏರ್ 13 ಲ್ಯಾಪ್‌ಟಾಪ್ 13.3 ಇಂಚಿನ E4 OLED ಡಿಸ್ಪ್ಲೇಯನ್ನು ಹೊಂದಿದೆ, 2880 x 1800 ಪಿಕ್ಸೆಲ್‌ ರೆಸಲ್ಯೂಶನ್ ಜೊತೆಗೆ ರಿಫ್ರೆಶ್ ರೇಟ್ 60 Hz ಇದೆ. ಲ್ಯಾಪ್ ಟಾಪ್ ಸ್ಕ್ರೀನ್ ಟಚ್ ಸೌಲಭ್ಯದೊಂದಿಗೆ ಬರುತ್ತಿದೆ. ಲ್ಯಾಪ್‌ಟಾಪ್‌ನ ತೂಕ 1.2 ಕೆಜಿ ಮತ್ತು ದಪ್ಪ 12 ಎಂಎಂ.
Xiaomi ಬುಕ್ ಏರ್ 13 ನಲ್ಲಿ ಡ್ಯುಯಲ್ ಸ್ಪೀಕರ್‌ಗಳಿಗೆ ಡಾಲ್ಬಿ ಅಟ್ಮಾಸ್ ಬೆಂಬಲವನ್ನು ಒದಗಿಸಲಾಗಿದೆ. ಈ ಲ್ಯಾಪ್‌ಟಾಪ್ ಎರಡು ಮೈಕ್ರೊಫೋನ್‌ಗಳು ಮತ್ತು ಗಾಜಿನ ಟಚ್‌ಪ್ಯಾಡ್ ಹೊಂದಿದೆ. ಕೀಬೋರ್ಡ್ ಬ್ಯಾಕ್‌ಲಿಟ್ ಆಗಿದೆ ಮತ್ತು ಪವರ್ ಬಟನ್ ಬಳಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಇದೆ.
ವೀಡಿಯೊ ಕರೆಗಳಿಗಾಗಿ, Xiaomi Book Air 13 ನಲ್ಲಿ 8 ಮೆಗಾಪಿಕ್ಸೆಲ್ ವೆಬ್‌ಕ್ಯಾಮ್ ಲಭ್ಯವಿದೆ. ಲ್ಯಾಪ್‌ಟಾಪ್‌ನ ಕೋರ್ i7-1250U CPU ಅನ್ನು Intel Iris Xe GPU ನೊಂದಿಗೆ ಜೋಡಿಸಲಾಗಿದೆ.
Xiaomi Book Air 13 58.3WHr ಬ್ಯಾಟರಿ ಸಾಮರ್ಥ್ಯದ ಜೊತೆಗೆ 65W ಚಾರ್ಜಿಂಗ್ ಸಪೋರ್ಟ್ ಹೊಂದಿದೆ. ಸಂಪರ್ಕಕ್ಕಾಗಿ, ಲ್ಯಾಪ್‌ಟಾಪ್‌ನಲ್ಲಿ ಎರಡು USB ಟೈಪ್-ಸಿ ಥಂಡರ್‌ಬೋಲ್ಟ್ 4 ಪೋರ್ಟ್‌ಗಳು ಮತ್ತು 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ಒದಗಿಸಲಾಗಿದೆ. ಈ ಲ್ಯಾಪ್‌ಟಾಪ್ Wi-Fi 6E ಮತ್ತು ಬ್ಲೂಟೂತ್ 5.2 ಬೆಂಬಲಿಸುತ್ತದೆ. ಈ ಲ್ಯಾಪ್‌ಟಾಪ್ ವಿಂಡೋಸ್ 11 ನಲ್ಲಿ ಕಾರ್ಯನಿರ್ವಹಿಸುತ್ತದೆ.
