ಅಮೆರಿಕಾದಲ್ಲಿ ‘ಗ್ರೀನ್ ಕಾರ್ಡ್’ – ದೇಶಗಳ ಮೇಲೆ ನಿಗದಿಪಡಿಸಿರುವ ಮಿತಿ ತೆಗೆಯುವ ಕುರಿತ ಮಸೂದೆ ಮಂಡನೆ
ಉದ್ಯೋಗ ಆಧಾರಿತ ‘ಗ್ರೀನ್ ಕಾರ್ಡ್’ ಪಡೆಯುವಲ್ಲಿ ಪ್ರತಿ ದೇಶಗಳ ಮೇಲೆ ನಿಗದಿಪಡಿಸಿರುವ ಮಿತಿಯನ್ನು ತೆಗೆಯುವ ಕುರಿತ ಮಸೂದೆಯೊಂದನ್ನ ಅಮೆರಿಕದ ಜನಪ್ರತಿನಿಧಿ ಸಭೆಯಲ್ಲಿ ಸಂಸದರಾದ ಜೋ ಲೋಫ್ಗ್ರೆನ್ ಮತ್ತು ಜಾನ್ ಕರ್ಟಿಸ್ ಅವರು ಮಂಡಿಸಿದ್ದಾರೆ.
ಇದು ಕಾಯ್ದೆಯಾಗಿ ಜಾರಿಯಾದಲ್ಲಿ ದಶಕಗಳಿಂದ ಗ್ರೀನ್ ಕಾರ್ಡ್ ನಿರೀಕ್ಷೆಯಲ್ಲಿರುವ ಭಾರತೀಯ ಐಟಿ ವೃತ್ತಿಪರರಿಗೆ ಪ್ರಯೋಜನವಾಗುತ್ತದೆ ಎಂದು ಹೇಳಲಾಗಿದೆ.
2021ರ ಕಾನೂನು ಬದ್ಧ ಉದ್ಯೋಗಕ್ಕಾಗಿ ಗ್ರೀನ್ ಕಾರ್ಡ್ಗಳಿಗೆ ಸಮಾನ ಪ್ರವೇಶ (ಇಎಜಿಎಲ್ಇ) ಮಸೂದೆಯು ಸೆನೆಟ್ನಲ್ಲೂ (ಮೇಲ್ಮನೆ) ಅಂಗೀಕಾರವಾಗಬೇಕಿದೆ. ಬಳಿಕ ಅದು ಅಧ್ಯಕ್ಷರ ಸಹಿಗಾಗಿ ಶ್ವೇತಭವನಕ್ಕೆ ಹೋಗಬೇಕು.
ಉದ್ಯೋಗ ಆಧಾರಿತ ವಲಸಿಗರ ವೀಸಾಗಳ ಮೇಲಿನ ದೇಶದ ಶೇ 7ರ ಮಿತಿಯನ್ನು ರದ್ದುಪಡಿಸುವುದು ಹಾಗೂ ಕುಟುಂಬ ಪ್ರಾಯೋಜಿತ ವೀಸಾಗಳಿಗೆ ಸಂಬಂಧಿಸಿದಂತೆ ದೇಶಗಳ ಮೇಲಿನ ಮಿತಿಯನ್ನು ಶೇ 7ರಿಂದ 15ಕ್ಕೆ ಏರಿಸುವ ಪ್ರಸ್ತಾಪ ಮಸೂದೆಯಲ್ಲಿದೆ.
ಈ ಮಸೂದೆಯು ಕಾಯ್ದೆಯಾದರೆ, ಪ್ರತಿ ದೇಶದ ಮಿತಿಗಳನ್ನು ತೆಗೆಯುವುದರ ಮೂಲಕ ನ್ಯಾಯಯುತವಾದ ಉದ್ಯೋಗ ಆಧಾರಿತ ವೀಸಾ ವ್ಯವಸ್ಥೆ ರಚನೆಯಾಗುತ್ತದೆ ಹಾಗೂ ಅರ್ಹತೆಯ ಮೇಲೆ ಕೇಂದ್ರೀಕರಿಸಿ ಮೊದಲು ಬಂದವರಿಗೆ, ಮೊದಲು ಸೇವೆ ಸಲ್ಲಿಸುವ ವ್ಯವಸ್ಥೆ ಜಾರಿಯಾಗುತ್ತದೆ ಎನ್ನಲಾಗಿದೆ.
ವಿಶ್ವದ 10 ಅಪಾಯಕಾರಿ ದೇಶಗಳು – 10 MOST Dangerous countries – ಇಲ್ಲಿ ಪ್ರವಾಸಿಗರ ಲೈಫ್ ಗೆ ಗ್ಯಾರಂಟಿ ಇಲ್ಲ…!
ಈ ದೇಶದಲ್ಲಿ ಸಿಗುತ್ತೆ 7 KG ತೂಕದ ಹೂ… ಕರೆನ್ಸಿಯಲ್ಲಿದೆ ಗಣೇಶನ ಚಿತ್ರ…. ಇಂಡೋನೇಷ್ಯಾದ ಇಂಟರೆಸ್ಟಿಂಗ್ ಫ್ಯಾಕ್ಟ್ಸ್..!