Bhairathi Rangal : ನರ್ತನ್ ಜೊತೆ ಹೊಸ ಸಿನಿಮಾ – ಭೈರತಿ ರಣಗಲ್ ಪಾತ್ರದಲ್ಲಿ ಶಿವಣ್ಣ ಕಂಬ್ಯಾಕ್….
ನಟ ಶಿವರಾಜ್ ಕುಮಾರ್ ಈ ಹಿಂದೆ ಮಫ್ತಿ ಚಿತ್ರದಲ್ಲಿ ಭೈರತಿ ರಣಗಲ್ ಪಾತ್ರದಲ್ಲಿ ಮಿಂಚಿದ್ದರು. ಶ್ರೀ ಮುರುಳಿ, ಶಿವಣ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರವನ್ನ ನರ್ತನ್ ನಿರ್ದೇಶನ ಮಾಡಿದ್ದರು. ಸಾಕಷ್ಟು ಗಮನ ಸೆಳೆದಿದ್ದ ಈ ಪಾತ್ರದ ಭೈರತಿ ರಣಗಲ್ ಪಾತ್ರ ಮತ್ತೆ ತೆರೆಮೇಲೆ ಬರಲಿದೆ ಎಂದು ಈ ಮೊದಲೆ ಸುದ್ಧಿಯಾಗಿತ್ತು. ಇಂದು ಫೆಬ್ರವರಿ 18 ಶಿವರಾತ್ರಿ ಹಬ್ಬದ ಪ್ರಯುಕ್ತ ಭೈರತಿ ರಣಗಲ್ ಚಿತ್ರ ಮತ್ತೆ ತೆರೆ ಮೇಲೆ ಬರುವುದು ಘೋಷಣೆಯಾಗಿದೆ.
ಶ್ರೀ ಮುರುಳಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ಮಫ್ತಿ ಚಿತ್ರದಲ್ಲಿ ಶಿವಣ್ಣ ಭೈರತಿ ರಣಗಲ್ ಎಂಬ ಪಾತ್ರದಲ್ಲಿ ದ್ವಿತಿಯಾರ್ಧದಲ್ಲಿ ಕಾಣಿಸಿಕೊಂಡಿದ್ದರು. ಈ ಪಾತ್ರ ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿತ್ತು. ಇದೀಗೆ ಅದೇ ಬೈರತಿ ರಣಗಲ್ ಪಾತ್ರದಲ್ಲಿ ಮತ್ತೊಂದು ಚಿತ್ರವನ್ನ ನರ್ತನ್ ನಿರ್ದೇಶಿಸುತ್ತಿದ್ದಾರೆ. ಮಫ್ತಿ ಚಿತ್ರದ ಅದೇ ಗೆಟಪ್ ನಲ್ಲಿ ಶಿವಣ್ಣ ಕಾಣಿಸಿಕೊಂಡಿದ್ದಾರೆ.
ಶಿವಣ್ಣ ಅವರ ಹೋಂ ಬ್ಯಾನರ್ ‘ಗೀತಾ ಪಿಕ್ಚರ್ಸ್’ನಲ್ಲಿ ಚಿತ್ರ ಮೂಡಿಬರುತ್ತಿದೆ. ಗೀತಾ ಪಿಕ್ಚರ್ಸ್ ನಲ್ಲಿ ಮೂಡಿಬರುತ್ತಿರುವ ಎರಡನೇ ಚಿತ್ರ ಇದಾಗಿದೆ. ಈ ಮೊದಲು ‘ವೇದ’ ಚಿತ್ರ ‘ಗೀತಾ ಪಿಕ್ಚರ್ಸ್’ ಮೂಲಕ ಮೂಡಿ ಬಂದಿತ್ತು.
ನರ್ತನ್ ಈ ಹಿಂದೆ ಯಶ್ 19 ಚಿತ್ರವನ್ನ ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗಿತ್ತು. ಇದೀಗ ನರ್ತನ್ ಭೈರತಿ ರಣಗಲ್ ಚಿತ್ರ ನಿರ್ದೇಶನಕ್ಕೆ ಮುಂದಾಗಿರುವುದರಿಂದ ಯಶ್ ಮುಂದಿನ ಚಿತ್ರದ ಕುತೂಹಲ ಹಾಗೇ ಮುಂದುವರೆದಿದೆ.
Bhairathi Rangal : New movie with Narthan – Shivanna comeback as Byrathi Rangal….
