Don’t Blame Bengaluru – ಬೈದವರಿಗೆ ಕ್ರೈಮ್ ರಿಪೋರ್ಟರ್ ತಿಮ್ಮೆ ಗೌಡರ ಉಪ್ಪು -ಉಳಿ- ಖಾರ ಸಾಂಗ್..!
ಜೀವನ ಕಟ್ಟಿಕೊಳ್ಳಲು ನಗರಕ್ಕೆ ಬರುವುದು ತಪ್ಪಲ್ಲ, ಬಂದು ಪರಿಶ್ರಮದಿಂದ ದುಡಿಯುವುದು ತಪ್ಪಲ್ಲ.. ಹಣ ಗಳಿಸುವುದು ತಪ್ಪೇ ಅಲ್ಲ.. ಆದರೆ ಸಂಕಷ್ಟದ ಸಂದರ್ಭವೊಂದು ಎದುರಾದಾಗ ತನಗೆ ಇಷ್ಟು ವರ್ಷ ಆಶ್ರಯ ನೀಡಿದ್ದ, ಊರಿನಲ್ಲಿ ಮನೆ ಕಟ್ಟಲು ಬೇಕಾದ ಬಂಡವಾಳ ದುಡಿತಕ್ಕೆ ಕಾರಣವಾಗಿದ್ದ ಮಹಾನಗರವನ್ನೇ ಬಾಯಿಗೆ ಬಂದಂತೆ ಬೈದರೆ ಹೇಗೆ?
ಕೊರೋನಾ ವಕ್ಕರಿಸಿತು, ಕಾಡಿತು, ಬದುಕು ಕಸಿದುಕೊಂಡಿತು.. ಒಪ್ಪತ್ತಿನ ಊಟಕ್ಕೆ ಸಂಕಷ್ಟ ತಂದಿತು… ಇದು ಕೊರೋನಾದ ಒಂದು ಮುಖ. ಆದರೆ ಇದೇ ಕಾರಣಕ್ಕೆ ಬೆಂಗಳೂರನ್ನು ತೊರೆದವರು ಹಲವು ಮಂದಿ. ರೋಗದ ಭಯಕ್ಕೆ ಸುರಕ್ಷಿತ ತಾಣ ಎಂದೂ ತಮ್ಮೂರಿಗೆ ಹೋಗಿರಬಹುದು.. ಇದೂ ತಪ್ಪಲ್ಲ.. ಆದರೆ!
ಜೀವನದದಲ್ಲಿ ಕಂಡಿದ್ದ ಕನಸುಗಳಿಗೆ ಆಶ್ರಯ ನೀಡಿದ್ದ ಬೆಂಗಳೂರನ್ನು ಬೈದುಕೊಂಡು ಜಾಗ ಬಿಟ್ಟವರಿಗೆ ಬಿಸಿ ಮುಟ್ಟಿಸುವ ಸಣ್ಣ ಪ್ರಯತ್ನವೇ Don’t Blame Bengaluru’. ಬೆಂಗಳೂರನ್ನು ಬೈದುಕೊಂಡು ಜಾಗ ಖಾಲಿ ಮಾಡಿದವರಿಗೆ ತಿಳಿವಳಿಕೆಯೊಂದಿಗೆ ಆತ್ಮವಿಮರ್ಶಗೆ ಹಚ್ಚುವ ಯತ್ನವೇ Don’t Blame Bengaluru’. ನಮ್ಮ ಎಚ್ಚರಿಕೆ ಮೀರಿ ನಡೆದುಕೊಂಡು ವ್ಯವಸ್ಥೆ ಹಳೀಯುತ್ತ ಕಾಲುಕಿತ್ತವರ ಕಾಲೆಳೆಯುವುದೇ Dont Blame Bengaluru.
ಹಾಡಿನ ವಿಡಿಯೋದಲ್ಲಿ ನಟ ವಸಿಷ್ಠ ಸಿಂಹ, ಅನಿರುದ್ಧ್, ನಟಿ ಪ್ರಣೀತಾ ಸುಭಾಷ್, ಸೋನುಗೌಡ, ಹರ್ಷಿಕಾ ಪೂಣಚ್ಚ, ರೂಪಿಕಾ, ಆರ್ ಜೆ ನೇತ್ರಾ, ಬಿಗ್ ಬಾಸ್ ಖ್ಯಾತಿಯ ಗೀತಾ ಭಟ್ ಗಾಯಕರಾದ ಅನುರಾಧಾ ಭಟ್, ಡಾ. ಶಮಿತಾ ಮಲ್ನಾಡ್, ಸಂತೋಷ್ ವೆಂಕಿ ಹಾಡಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
Don’t Blame Bengaluru’ ಹಾಡು ನಾಳೆ ಸಂಜೆ 6 ಗಂಟೆಗೆ RJ Sunil Prank call ಯೂಟ್ಯೂಬ್ ಚಾನೆಲ್ ನಲ್ಲಿ ಲೋಕಾರ್ಪಣೆಗೆ ಸಿದ್ಧವಾಗಿದೆ. ಯುವ ಪ್ರತಿಭೆ ಕ್ರೈಮ್ ರಿಪೋರ್ಟರ್ ತಿಮ್ಮೇಗೌಡ ಸಾಹಿತ್ಯ-ಸಂಗೀತ- ಸಂಯೋಜನೆಯಲ್ಲಿ Don’t Blame Bengaluru’ ಹಾಡು ಯೂಟ್ಯೂಬ್ ನಲ್ಲಿ ತೆರೆಕಾಣಲಿದೆ. ಗಾಯಕ ಅಶ್ವಿನ್ ಶರ್ಮಾ ಹಾಡಿಗೆ ದನಿಯಾಗಿದ್ದಾರೆ. ನಬೆಂಗಳೂರ ಬೈದವರಿಗೆ ಹುಳಿ-ಉಪ್ಪು-ಖಾರ ಸೇರಸಿ ಬುದ್ಧಿ ಹೇಳುವ ಕೆಲಸವಾಗಲಿದೆ. ಹಾಂ.. ಟ್ಯೂನ್ ಮಾಡಲು ಮರೆಯಬೇಡಿ.. ಮೆಚ್ಚುಗೆಯಾಗುತ್ತದೆ ಎಂದು ನಂಬಿದ್ದೇವೆ.. ಮೆಚ್ಚುಗೆಯಾದರೆ ಅಪ್ಪಿ-ಒಪ್ಪಿಕೊಂಡು ಹಾರೈಸಿ.. ಆಶೀರ್ವದಿಸಿ.. ಒಪ್ಪಿಗೆಯಾಗದಿದ್ದರೆ ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿ.. ಕೊನೆಯದಾಗಿ ಮತ್ತೊಮ್ಮೆ ಹೇಳ್ತಿದ್ದೇವೆ Don’t Blame Bengaluru’!
