ಪ್ರಸಕ್ತ ಸಾಲಿನ ಐಪಿಎಲ್ ಸೀಸನ್ ಹರಾಜಿಗೆ ದಿನಾಂಕ ನಿಗದಿಯಾಗಿದ್ದು, ಡಿ. 19ರಂದು ಪ್ರಕ್ರಿಯೆ ನಡೆಯಲಿದೆ.
ಹರಾಜಿಗೆ ಒಟ್ಟು 1,166 ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಆದರೆ, 10 ತಂಡಗಳಲ್ಲಿ ಕೇವಲ 77 ಸ್ಥಾನಗಳು ಮಾತ್ರ ಖಾಲಿಯಾಗಿವೆ.
ಪ್ರತಿ ತಂಡಗಳ ಪರ್ಸ್ ಮೊತ್ತಕ್ಕೆ ಅನುಗುಣವಾಗಿ ಆಟಗಾರರಿಗೆ ಅವಕಾಶ ದೊರೆಯಲಿದ್ದು, ನಿಯಮದಂತೆ ತಂಡದಲ್ಲಿ ಕನಿಷ್ಠ 18 ಹಾಗೂ ಗರಿಷ್ಠ 25 ಆಟಗಾರರನ್ನು ಸೇರಿಸಿಕೊಳ್ಳಬಹುದು. ತಂಡದಲ್ಲಿ 25 ಆಟಗಾರರು ಇರಲೇಬೇಕೆಂಬ ನಿಯಮವಿಲ್ಲ. ಈ ನಿಟ್ಟಿನಲ್ಲಿ 18 ಕ್ಕಿಂತ ಹೆಚ್ಚಿನ ಆಟಗಾರರನ್ನು ಖರೀದಿಸಿದರೆ ಸಾಕಾಗುತ್ತದೆ.
ಗುಜರಾತ್ ಟೈಟಾನ್ಸ್ (GT): ಟೈಟಾನ್ಸ್ ತಂಡವು ಒಟ್ಟು 8 ಆಟಗಾರರನ್ನು ಖರೀದಿಸಬಹುದು. ಇದರಲ್ಲಿ 6 ಭಾರತೀಯ ಹಾಗೂ ಇಬ್ಬರು ವಿದೇಶಿ ಆಟಗಾರರನ್ನು ಖರೀದಿಸಬೇಕಾಗುತ್ತದೆ. ಸನ್ರೈಸರ್ಸ್ ಹೈದರಾಬಾದ್ (SRH): ಎಸ್ಆರ್ಹೆಚ್ ತಂಡದಲ್ಲಿ 6 ಆಟಗಾರರನ್ನು ಖರೀದಿಸಬಹು. ಮೂವರು ಭಾರತೀಯರು ಹಾಗೂ ಮೂವರು ವಿದೇಶಿ ಆಟಗಾರರನ್ನು ಖರೀದಿಸುವ ಅವಕಾಶ ಇದೆ. ಕೋಲ್ಕತ್ತಾ ನೈಟ್ ರೈಡರ್ಸ್ (KKR): ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿ 12 ಸ್ಥಾನಗಳು ಖಾಲಿ ಇದ್ದು, 8 ಭಾರತೀಯ ಹಾಗೂ 4 ವಿದೇಶಿ ಆಟಗಾರರಿಗೆ ಅವಕಾಶ ನೀಡಬಹುದು. ಚೆನ್ನೈ ಸೂಪರ್ ಕಿಂಗ್ಸ್ (CSK): ಸಿಎಸ್ಕೆ ತಂಡವು ಈ ಬಾರಿ 6 ಆಟಗಾರರನ್ನು ಖರೀದಿಸಬಹುದು. 3 ವಿದೇಶಿ ಆಟಗಾರರನ್ನು ಹಾಗೂ ಮೂವರು ಭಾರತೀಯ ಆಟಗಾರರನ್ನು ಖರೀದಿಸಬಹುದು. ಪಂಜಾಬ್ ತಂಡದಲ್ಲಿ 8 ಸ್ಲಾಟ್ ಗಳು ಖಾಲಿಯಿದ್ದು, ಇಬ್ಬರು ವಿದೇಶಿ ಆಟಗಾರರನ್ನು ಹಾಗೂ 6 ಭಾರತೀಯರನ್ನು ಖರೀದಿಸಬಹುದು. ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ 9 ಸ್ಲಾಟ್ ಹೊಂದಿದೆ. ಇದರಲ್ಲಿ 4 ವಿದೇಶಿ ಆಟಗಾರರಿಗೆ, ಐವರು ಭಾರತೀಯ ಅವಕಾಶ ನೀಡಬಹುದು.
ಆರ್ಸಿಬಿ ತಂಡ 6 ಆಟಗಾರರನ್ನು ಖರೀದಿಸಬಹುದು. 3 ವಿದೇಶಿ ಆಟಗಾರರನ್ನು ಮೂವರು ಭಾರತೀಯ ಆಟಗಾರರನ್ನು ಖರೀದಿಸಬಹುದು. ಮುಂಬೈ ಇಂಡಿಯನ್ಸ್ ತಂಡವು ಒಟ್ಟು 8 ಸ್ಲಾಟ್ ಹೊಂದಿದ್ದು, ನಾಲ್ವರು ವಿದೇಶಿ, ನಾಲ್ವರು ಭಾರತೀಯ ಆಟಗಾರರನ್ನು ಖರೀದಿಸಬಹುದಾಗಿದೆ. ಆರ್ಆರ್ ತಂಡದಲ್ಲಿ 8 ಸ್ಲಾಟ್ಗಳಲ್ಲಿ ಮೂವರು ವಿದೇಶಿ ಹಾಗೂ 5 ಭಾರತೀಯ ಆಟಗಾರರಿಗೆ ಅವಕಾಶ ನೀಡಲಾಗುವುದು. ಲಕ್ನೋ ಸೂಪರ್ ಜೈಂಟ್ಸ್ ತಂಡದಲ್ಲಿ 6 ಸ್ಥಾನಗಳು ಖಾಲಿ ಇದ್ದು, ನಾಲ್ವರು ಭಾರತೀಯ ಆಟಗಾರರನ್ನು ಹಾಗೂ ಇಬ್ಬರು ವಿದೇಶಿ ಆಟಗಾರರನ್ನು ಖರೀದಿಸಲಿದೆ ಎನ್ನಲಾಗುತ್ತಿದೆ.
