Kantara : ವಿದೇಶಿ ಭಾಷೆಗೂ ಡಬ್ ಆಗಲಿದೆ ಕಾಂತಾರ; ಗುಡ್ ನ್ಯೂಸ್ ನೀಡಿದ ಹೊಂಬಾಳೆ ಫಿಲಂಸ್…
ಸ್ಯಾಂಡಲ್ ವುಡ್ ಡಿವೈನ್ ಬ್ಲಾಕ್ ಬಸ್ಟರ್ ಕಾಂತಾರ ಚಿತ್ರ ಮತ್ತೆ ಮತ್ತೆ ಸದ್ದು ಮಾಡುತ್ತಲೇ ಇದೆ. ಕಳೆದ ಕೆಲವು ದಿನಗಳ ಹಿಂದೆಯಷ್ಟೆ ಜಿನೆವಾ ದ ವಿಶ್ವಸಂಸ್ಥೆ ಕಾರ್ಯಾಲಯದಲ್ಲಿ ಕಾಂತಾರ ಚಿತ್ರದ ಪ್ರದರ್ಶನವನ್ನ ಏರ್ಪಡಿಸಲಾಗಿತ್ತು. ಈ ಮೂಲಕ ವಿಶ್ವದಾದ್ಯಂತ ಸದ್ದು ಮಾಡಿದ್ದ ಕನ್ನಡಿಗರ ಹೆಮ್ಮೆಯ ಚಿತ್ರ ಕಾಂತಾರ ಇದೀಗ ಮತ್ತೊಂದು ಕಾರಣಕ್ಕೆ ಸದ್ದು ಮಾಡುತ್ತಿದೆ.
ಕಾಂತಾರ ಚಿತ್ರ ಶೀಘ್ರದಲ್ಲೇ ಇನ್ನೇರಡು ಭಾಷೆಗಳಲ್ಲಿ ಡಬ್ ಆಗಿ ಮತ್ತೆರಡು ದೇಶಗಳಲ್ಲಿ ತೆರೆಕಾಣಲಿದೆ. ಈ ಕುರಿತು ಹೊಂಬಾಳೆ ಫಿಲಂ್ಸ್ ಅಧಿಕೃತವಾಗಿ ಪ್ರಕಟಿಸಿದೆ. ಹೊಂಬಾಳೆ ಟ್ವೀಟ್ಸ್ ಪ್ರಕಾರ ಕಾಂತಾರ ಚಿತ್ರ ಇಟಲಿ ಮತ್ತು ಸ್ಪೇನ್ನಲ್ಲಿ ಅವರ ಸ್ಥಳೀಯ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಸದ್ಯ ಡಬ್ಬಿಂಗ್ ಕೆಲಸಗಳು ನಡೆಯುತ್ತಿವೆ. ಸದ್ಯದಲ್ಲೇ ಇನ್ನೆರಡು ಭಾಷೆಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದೆ ಎಂಬುದು ಲೇಟೆಸ್ಟ್ ಅಪ್ಡೇಟ್.
ನಟ ರಿಷಬ್ ಶೆಟ್ಟಿ ಇತ್ತಿಚೆಗಷ್ಟೆ ವಿಶ್ವಸಂಸ್ಥೆಯಲ್ಲಿ ಕನ್ನಡದಲ್ಲಿ ಮಾತನಾಡಿ ಕನ್ನಡಕ್ಕೆ ಹೆಮ್ಮೆತಂದಿದ್ದರು. ಕಾಂತಾರ ಚಿತ್ರ ಮೊದಲ ದಿನ ಕನ್ನಡದಲ್ಲಿ ಬಿಡುಗಡೆಯಾಗಿತ್ತು. ಆನಂತರ ಚಿತ್ರದ ಕಂಟೆಂಟ್ ಮಾಡಿದ ಸದ್ದು, ತೆಲುಗು, ಹಿಂದಿ, ತಮಿಳು ಸೇರಿದಂತೆ ಹಲವು ಭಾಷೆಗಳಲ್ಲಿ ಡಬ್ ಆಗುವಂತೆ ಮಾಡಿತು. ಆನಂತರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಚಿತ್ರ ತೆರಕಂಡು ಹೆಸರು ಮಾಡಿತು, ಇಷ್ಟಕ್ಕೆ ನಿಲ್ಲದೇ, ಇದೀಗ ವಿದೇಶಿ ಸಿನಿ ಪ್ರೇಮಿಗಳಿಂದಲೂ ಬೇಡಿಕೆ ಬರುತ್ತಿರುವ ಕಾರಣಕ್ಕೆ ಚಿತ್ರವನ್ನ ಇಟಲಿಯಾನ್ ಮತ್ತು ಸ್ಪಾನಿಷ್ ಬಾಷೆಯಲ್ಲಿ ಡಬ್ ಮಾಡಿ ಬಿಡುಗಡೆ ಮಾಡಲಾಗುತ್ತಿದೆ. ಈ ಕುರಿತು ಹೊಂಬಾಳೆ ಫಿಲಂ ಇಟಲಿ ಭಾಷೆಯಲ್ಲಿ ಟ್ವೀಟ್ ಮಾಡಿ ತಿಳಿಸಿದೆ.
ಕಾಂತಾರದ ಮೊದಲ ಪಾರ್ಟ್ ವಿದೇಶಗಳಲ್ಲಿ ಸದ್ದು ಮಾಡುವ ಹೊತ್ತಿಗೆ ಕಾಂತಾರದ ಎರಡನೇ ಪಾರ್ಟ್ ಗಾಗಿ ಕನ್ನಡಿಗ ಅಭಿಮಾನಿಗಳು ಕಾಯುತ್ತಿದ್ದಾರೆ.
Kantara : Kantara will be dubbed into a foreign language; Good news given by Hombale Films…
