ಷೇರುಪೇಟೆಯ ಕೊನೆಯ ದಿನ ಭಾರಿ ತಲ್ಲಣ – ಸೆನ್ಸೆಕ್ಸ್ 714, ನಿಫ್ಟಿ 221 ಕುಸಿತ…
ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರ, ಷೇರು ಮಾರುಕಟ್ಟೆಯು ಕುಸಿತದೊಂದಿಗೆ ಪ್ರಾರಂಭವಾಯಿತು. ಅಂತಿಮವಾಗಿ ಒಂದು ದಿನದ ವಹಿವಾಟಿನ ನಂತರ ಕುಸಿತದೊಂದಿಗಿಯೇ ಕೊನೆಗೊಂಡಿತು. ಮುಂಬೈ ಷೇರುಪೇಟೆಯ 30 ಷೇರುಗಳ ಸೆನ್ಸೆಕ್ಸ್ 714 ಪಾಯಿಂಟ್ ಅಥವಾ 1.23 ರಷ್ಟು ಕುಸಿದು 57,197 ಕ್ಕೆ ತಲುಪಿದರೆ, ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ ನಿಫ್ಟಿ 221 ಪಾಯಿಂಟ್‌ಗಳನ್ನು ಕಳೆದುಕೊಂಡು 17,172 ಕ್ಕೆ ಕೊನೆಗೊಂಡಿತು.
ಇದಕ್ಕೂ ಮುನ್ನ ಷೇರುಪೇಟೆಯ ಎರಡೂ ಸೂಚ್ಯಂಕಗಳು ರೆಡ್ ಮಾರ್ಕ್ ನಲ್ಲಿ ತೆರೆದುಕೊಂಡು ಹಿಂದಿನ ದಿನದ ಲಾಭಕ್ಕೆ ಬ್ರೇಕ್ ಹಾಕಿವೆ. ಬಿಎಸ್‌ಇ ಸೆನ್ಸೆಕ್ಸ್ 546 ಪಾಯಿಂಟ್‌ಗಳು ಅಥವಾ ಶೇಕಡಾ 0.94 ರಷ್ಟು ಕುಸಿದು 57,366 ನಲ್ಲಿ ವಹಿವಾಟು ಆರಂಭಿಸಿದ್ದರೆ, ಎನ್‌ಎಸ್‌ಇ ನಿಫ್ಟಿ 166 ಪಾಯಿಂಟ್ ಅಥವಾ 0.95 ಶೇಕಡಾ ಕಳೆದುಕೊಂಡು 17,227 ಮಟ್ಟದಲ್ಲಿ ಪ್ರಾರಂಭವಾಯಿತು.
ಗಮನಿಸಬೇಕಾದ ಸಂಗತಿಯೆಂದರೆ, ಗುರುವಾರದಂದು, ಸ್ಟಾಕ್ ಮಾರ್ಕೇಟ್ ಕೊನೆಯ ವಹಿವಾಟಿನ ದಿನದಂದು ಹಸಿರು ಮಾರ್ಕ್‌ನಲ್ಲಿ ಪ್ರಾರಂಭವಾಯಿತು. ಅಂತಿಮವಾಗಿ ಸೆನ್ಸೆಕ್ಸ್ ಸೂಚ್ಯಂಕವು 874 ಪಾಯಿಂಟ್ ಅಥವಾ ಶೇಕಡಾ 1.53 ರಷ್ಟು ಏರಿಕೆಯೊಂದಿಗೆ 57,912 ಕ್ಕೆ ಕೊನೆಗೊಂಡಿತು. ಮತ್ತೊಂದೆಡೆ, ನಿಫ್ಟಿ ಸೂಚ್ಯಂಕ 265 ಪಾಯಿಂಟ್‌ಗಳು ಅಥವಾ 1.49 ರಷ್ಟು ಏರಿಕೆಯಾಗಿ 17,393 ಕ್ಕೆ ತಲುಪಿದೆ.
