ಆರ್ಥಿಕ ಹಿಂಜರಿತದ ಭಯದಲ್ಲಿ ಕುಸಿದ ಮಾರುಕಟ್ಟೆ… ಸೆನ್ಸೆಕ್ಸ್ 1,093 ನಿಫ್ಟಿ 346 ಪಾಯಿಂಟ್ ಕುಸಿತ
ಸ್ಟಾಕ್ ಮಾರ್ಕೇಟ್ ಮುಖ್ಯಾಂಶಗಳು: ಆರ್ಥಿಕ ಹಿಂಜರಿತದ ಭೀತಿ ಜಾಗತಿಕ ಷೇರುಗಳನ್ನ ಕುಸಿಯುವಂತೆ ಮಾಡಿದೆ. ಶುಕ್ರವಾರ ದಲಾಲ್ ಸ್ಟ್ರೀಟ್‌ನಲ್ಲಿ ಕರಡಿ ಕುಣಿತ ಕಂಡು ಬಂದಿದೆ. ಇಂದು ಪ್ರಮುಖ ಇಂಡೆಕ್ಸ್ ಗಳು ಭಾರೀ ಮಾರಾಟದ ಒತ್ತಡದಲ್ಲಿ ಕುಸಿಯಿತು, ವಿಶೇಷವಾಗಿ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳು, ಆಟೋ, ಐಟಿ, ಲೋಹ ಮತ್ತು ರಿಯಾಲ್ಟಿ ಷೇರುಗಳು ಷೇರುಪೇಟೆಗಳಲ್ಲಿ ಹೆಚ್ಚು ಕುಸಿತ ಕಂಡಿವೆ. ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದಲ್ಲಿ (ಎನ್‌ಎಸ್‌ಇ) ಆಯಾ ಸೂಚ್ಯಂಕಗಳು ಸುಮಾರು ಶೇ.2-4ರಷ್ಟು ಕುಸಿದಿವೆ.
ಹೆಡ್‌ಲೈನ್ ಮಟ್ಟದಲ್ಲಿ, ಎಸ್ & ಪಿ ಬಿಎಸ್‌ಇ ಸೆನ್ಸೆಕ್ಸ್ ಇಂಟ್ರಾ-ಡೇ 1,247 ಪಾಯಿಂಟ್‌ಗಳನ್ನು ಕುಸಿದು 58,841 ಕ್ಕೆ ಕೊನೆಗೊಂಡಿತು,. ಎನ್‌ಎಸ್‌ಇ ನಿಫ್ಟಿ 50 ಕೂಡ 346 ಪಾಯಿಂಟ್‌ಗಳು ಅಥವಾ ಶೇಕಡಾ 1.94 ರಷ್ಟು ಕುಸಿದು ಮಾರ್ಕೇಟ್ ಕ್ಲೋಸ್ ಗು ಮೊದಲು 17,505 ಕ್ಕೆ ಕುಸಿದಿದೆ.
ವಿಶಾಲ ಮಾರುಕಟ್ಟೆಗಳಾದ ನಿಫ್ಟಿ ಮಿಡ್‌ಕ್ಯಾಪ್ 100 ಮತ್ತು ಸ್ಮಾಲ್‌ಕ್ಯಾಪ್ 100 ಸಹ 2.5 ರಿಂದ 3 % ವ್ಯಾಪ್ತಿಯಲ್ಲಿ ಕುಸಿದಿವೆ.
ದರ ಏರಿಕೆಯ ನಿರೀಕ್ಷೆಗಳು ಮತ್ತು ಇಂಧನ ಮಾರುಕಟ್ಟೆಯಲ್ಲಿನ ನಿರಂತರ ಚಂಚಲತೆಯು ಷೇರುಗಳ ಮೇಲೆ ತೂಗುತ್ತಿರುವ ಕಾರಣ ಯುರೋಪಿಯನ್ ಮಾರುಕಟ್ಟೆಗಳು ಶುಕ್ರವಾರ ಕಡಿಮೆ ವಹಿವಾಟು ನಡೆಸುತ್ತಿವೆ. ಪ್ಯಾನ್-ಯುರೋಪಿಯನ್ Stoxx 600 1 ಶೇಕಡಾ ಕುಸಿಯಿತು, ಎಲ್ಲಾ ವಲಯಗಳು ಕೆಂಪು ಬಣ್ಣದಲ್ಲಿವೆ. UKಯ FTSE 100 ಸಮಸ್ಥಿತಿಯಲ್ಲಿದೆ. ಜರ್ಮನಿಯ DAX 1.7 ಶೇಕಡಾ, ಮತ್ತು ಫ್ರಾನ್ಸ್‌ನ CAC 40 ಶೇಕಡಾ 1.8 ರಷ್ಟು ಕುಸಿಯಿತು.
