ವಾರದ ಮೊದಲ ದಿನವೇಷರು ಪೇಟೆ ತಲ್ಲಣ – ಸೆನ್ಸೆಕ್ಸ್ 617, ನಿಫ್ಟಿ 16900 ಪಾಯಿಂಟ್ ಕುಸಿತ
ವಾರದ ಮೊದಲ ವಹಿವಾಟಿನ ದಿನವಾದ ಸೋಮವಾರ, ಷೇರು ಮಾರುಕಟ್ಟೆಯು ಬಾರಿ ಕುಸಿತದೊಂದಿಗೆ ಪ್ರಾರಂಭವಾಗಿ ದಿನವಿಡೀ ರೆಡ್ ಮಾರ್ಕ್‌ನಲ್ಲಿ ವ್ಯಾಪಾರವನ್ನು ಮುಂದುವರೆಸಿತು. ಬಿಎಸ್‌ಇ ಸೆನ್ಸೆಕ್ಸ್ ಸೂಚ್ಯಂಕ 617 ಪಾಯಿಂಟ್‌ಗಳು (1.08 %) ರಷ್ಟು ಇಳಿಕೆಯಾಗಿ 56,580 ಕ್ಕೆ ಕೊನೆಗೊಂಡರೆ, ಎನ್‌ಎಸ್‌ಇ ನಿಫ್ಟಿ ಸೂಚ್ಯಂಕ 218 ಪಾಯಿಂಟ್ (1.27%) ರಷ್ಟು ಇಳಿಕೆಯಾಗಿ 16,994 ಕ್ಕೆ ಕೊನೆಗೊಂಡಿತು.
ಇದಕ್ಕೂ ಮೊದಲು, ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ನ 30-ಷೇರುಗಳ ಸೆನ್ಸೆಕ್ಸ್ 711 ಪಾಯಿಂಟ್ ಅಥವಾ 1.24 ರಷ್ಟು ಕುಸಿದು 56,486 ನಲ್ಲಿ ಪ್ರಾರಂಭವಾಯಿತು, ಆದರೆ ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ ನಿಫ್ಟಿ 226 ಪಾಯಿಂಟ್ ಅಥವಾ 1.32 ರಷ್ಟು ಕುಸಿದು 16,946 ನಲ್ಲಿ ಪ್ರಾರಂಭವಾಯಿತು. ಮಾರುಕಟ್ಟೆಯ ಪ್ರಾರಂಭದೊಂದಿಗೆ, ಸುಮಾರು 737 ಷೇರುಗಳು ಏರಿದವು, 1553 ಷೇರುಗಳು ಕುಸಿತ ಕಂಡವು ಮತ್ತು 127 ಷೇರುಗಳು ಯಾವುದೇ ಬದಲಾವಣೆಯನ್ನು ಹೊಂದಿಲ್ಲ.
ಕಳೆದ ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರವೂ ಸ್ಟಾಕ್ ಮಾರುಕಟ್ಟೆಯು ರೆಡ್ ಮಾರ್ಕ್‌ನಲ್ಲಿ ಪ್ರಾರಂಭವಾಗಿ ಅಂತಿಮವಾಗಿ ಒಂದು ದಿನದ ವಹಿವಾಟಿನ ನಂತರ ಕುಸಿತದೊಂದಿಗೆ ಕೊನೆಗೊಂಡಿತು. ಬಿಎಸ್‌ಇ ಸೆನ್ಸೆಕ್ಸ್ 714 ಪಾಯಿಂಟ್‌ಗಳು ಅಥವಾ ಶೇಕಡಾ 1.23 ರಷ್ಟು ಕುಸಿದು 57,197 ಕ್ಕೆ ತಲುಪಿದರೆ, ಎನ್‌ಎಸ್‌ಇ ನಿಫ್ಟಿ ಸೂಚ್ಯಂಕ 221 ಪಾಯಿಂಟ್‌ಗಳನ್ನು ಕಳೆದುಕೊಂಡು 17,172 ಕ್ಕೆ ಕೊನೆಗೊಂಡಿತು.
